الموضوع: حدث داخل الحرم الجامعى !!!

المشاركة الأصلية كتبت بواسطة zalpany2000

هو بس انا حابب اوضح انها كانت خناقة اه بس مش عادية... ولاول مرة نشوف سلاح ابيض في ساحة الكلية عندنا ... واللي تصدي للعيال البلطجية دول الولاد بتوع الجوالة والاتحاد من جوه الجامعة ...
متهيالي كدة وضحت لرالي ان كانت خناقة وكان فيه مطاوي والصيع بتوع بين السرايات دخلوا ورفعوا مطاوي فعلا
واصابوا طالب
عاوز بس اقول ان حرس الجامعة كان دورهم لا يتجاوز اطلاقا تأمين بوابات الجامعة ... وتأمين المدرجات ... ومرة ولا اتنبن لاقيتهم بيتكلموا مع العيال بتوع المكتبات بتاعة بين السرايات ... لما كانت بتحصل خناقة .... ماكانوش بيتدخلوا ...
فعلا كلام حضرتك سليم لكن في نفس الوقت كانوا بيبقوا عارفين الطلبة اللبطجية وكان في اوقات كتير جدا بيتعمل لهم فصل لهم حد منهم بيمسكوه وهو معاه سلاح او حشيش او او - اما موضوع بتوع المكتبات فاحب اقولك انهم كان فيه بيزنس بينهم وبين بعض الحرس وكانوا بيدخلوا ويعملوا الدعاية بموافقتهم

انا غير رافض لوجود حرس من الشرطة للتأمين ... بس انا اكتر من مرة اتخانق علي البوابة الرئيسية وانا داخل نظرا لاسلوب الامن اللي علي البوابة ... خصوصا لو داخل بعربية غير عربيتي وبادج الجامعة مش عليها ... بس لما كانوا بيعرفوا ان اللي داخل هيئة تدريس كان الوضع بيختلف ... بس موضوع التاكسي اللي حضرتك بتقول عليه ده عمرة ما حصل معايا ... ودخلت كتير بتاكسي الكلية ... اوقات كان بيسيب رخصته علي الباب واوقات لأ...
ومتهيالي حضرتك مش معترض على التصرفات دي انهم يتاكدوا ان العربية عليها بادج او ان اللي داخل بعربيته عضو تدريس والا لو تم السماح للكل بالدخول هاتبقي الجامعة جراج كبير ونتفرج على خناقات بين الطلبة والدكاترة على الركنة وطلبة تخرب لك عربيتك زي ما كان فيه هنا في المنتدي طالب خرب عربية دكتور واتنين تانيين دخلوا قالوا انهم عملوا نفس الموضوع وشجعوه كمان
وموضوع دخول التاكسي انا شفت طلبة معاقين داخلين بالتاكسي لغاية ابواب الكليات والحرس اكيد هو اللى كان بيسمح بدخولها و ده طبيعي يعني لو واحد من الحرس بلطج الاغلبية كانت بتتعامل بالعقل

لو جينا بقي للجد ... مافيش ميثاق يحكم الامن داخل الجامعة ولا فيه قائمة ممنوعات مثلا .... ولا حتي فيه توعية للطلاب بايه الممنوع وايه السليم ... الدنيا سبهلله ومافيش شئ واضح .... يتعمل قرار من مجلس الجامعة بايه الممنوع علي الطلاب ... ويلتزم بيه الطلاب ... ومش محتاجين حتي امن ... ممكن يبقي حتي العقاب اداري لو الطالب تجاوز وخرق العرف الجامعي ده ... ويبقي العقاب امني او جنائي لو الطالب ارتكب مخالفة من النوع ده ...

اللي عايز اقولو ان المفروض انه اسمه حرم جامعي .. وحرم دي ليها شقين ... انه يحرر الرأي داخل الجامعة ويحرم التدخل في توجيه الرأي او توجيه القرار وان الحرم ليه قدسيته من قدسية العلم ... ودي من اهم الحاجات اللي بتدي للجامعة هيبتها واللي للأسف تم اختراقها علي مر السنين من اول تدخل أمن الدولة في التعيينات و الترقيات والوظائف الادارية .. وأحيانا في نتائج طلاب (وانا واثق من كلامي)

اما الوجه الآخر للعملة هو انه حرم بمعني انه له من الاعراف والتقاليد والقواعد المتماشية مع هدفه ودوره... ودي اللي مافيش حد عارفها .. من اول الطالب لحد الاساتذة نفسهم ... لازم يبقي فيه ميثاق زي دستور للجامعة علشان الناس تفهم ايه اللي ليها و عليها .... قبل ما نلوم علي الطلاب لازم نلوم نفسنا اننا مافهمناهمش الصح من الغلط و المباح من الممنوع

اسف للاطالة
تحياتي

مبدئيا اللى يسمح ان امن الدولة يتدخل في نتيجته المفروض كان يقدم استقالته ويقعد في بيتهم اكرم له او يشوف له وظيفة تانية يبقي محترم فيها

اما لوم الطلبة على اننا مافهمناهمش الصح من الغلط والمباح من الممنوع متهيالي حضرتك
مش مطلوب منك تعرف الطالب انه لما يمسك مطواة ويتمنظر بيها جوة الجامعة غلط - كل الجامعات تقريبا واخرها ضرب اخو طالبة كان بيدفع معاها المصاريف بالمطاوي من طلبة لانه اعترض على معاكستهم لها في جامعة الفيوم -
مش مطلوب منك تعرف الطالب انه لما يشرب بانجو ولا حشيش جوة الجامعة غلط - كل الجامعات تقريبا -
مش مطلوب منك تعرف الطلبة ان الجامعة ليست كباريه او فرح شعبي زي ما حصل في عين شمس والمحاضرات شغال
مش مطلوب منك تعرف الطالب ان الغش في الامتحان بالبرشام غلط وان لما الدكتور يمسكك وتفتح عليه المطواة عايز تضربه بيها ما احنا في ثورة غلط - بني سويف -
مش مطلوب منك تعرف الطالب ان دخوله بمسدس حي داخل الجامعة واللعب بيه وسط الكلية غلط - كل الجامعات تقريبا -
احنا بنتكلم عن بديهيات المفروض ماتتعملش في اي مكان ما بالنا داخل الجامعة يا دكتور حسام
تقبل تحياتي

المشاركة الأصلية كتبت بواسطة casperinoo

وايه الجديد ...الناس متعرفش ان الاشكال ديه هي اشكال طلاب كتيير خاصه تجاره وحقوق((نسبه كبيره منهم)) وده الرقص المنتشر في الشارع دلوقتي حتي لو مش شايل مطوه بيعمل فيها شايل مطوه ..مش عارف ليه ...
وبرده المطاوي والحشيش كانوا موجودين قبل الثوره...
اللي يلام في الموضوع ده مبارك باشا ..هو اللي وصلنا للأنحطاط ده

حضرتك قلت فين ؟؟؟؟؟؟؟؟ في الشارع مش داخل الجامعة وبجوار المدرج مباشرة
والمطاوي والحشيش والبانجو فعلا كانوا موجودين قبل الثصورة لكن لم يكن بهذه الكثافة والعلنية ابدا
ولا نلوم مبارك بل نلوم انفسنا
مش كل حاجة نعملها نقول مبارك هو السبب هو اللى بوظ عقل الطلبة هو اللي ضيع الاخلاق
ما فيه طلبة بردو في نفس المكان محترمين ومتربيين ومتدينين
فيه ناس تعمدت مخالفة كل القوانين بعد الثورة وفيه ناس التزمت اكتر بعد الثورة
مبارك لا علم دول ولا علم دول
كل انسان بيتصرف من دماغه وبعقله والمحترم استمر كما هو او زاد احتراما والفاسد الفاشل استمر كما هو وزاد فجورا فاصبح يجاهر بمعصيته ولا يهمه اي شئ بججة الثورة والحرية

ألا أيتها الثورة وأيتها الحرية كم من الجرائم والموبقات ترتكب باسمك

المشاركة الأصلية كتبت بواسطة col. Eng. Khaled

على فكرة يا سادة إبني في تجارة عين شمس طالب بالفرقة الثانية و ما جابش سيرة إعتصامات تطالب بإقالة رئيس الجامعة

عامة إن شاء الله لما يروّح حأسألة .

المشاركة الأصلية كتبت بواسطة ahmed ezz

الاعتصام مش ناحية تجارة ... دة قدام قضر الزعفران بعيد عنا خالص

كلامك مضبوط يا أحمد باشا

فعلا سألته و قال لي هو سمع عن موضوع الإعتصام بس ما شافش .