الموضوع: عايز اجيب جيب بس محتار؟

المشاركة الأصلية كتبت بواسطة hollowmanegypt

السلام عليكم

انا كان نفسي اركب عربية جيب و كنت عايز ليبرتي بس الناس هنا في المنتدي بيقولو انها عربية وحشة اوي و انا

نفسي في جيب و معايا في حدود 120 الف و مش عارف اجيب ايه؟

التريوس مش عجباني

رينو داستر فقيرة من جوه و كمان مانيوال بس؟.

الشيروكي الشكل القديم راحت عليها خلاص.

الصيني انا مش واثق فيه مع ان في عربية حلوة اوي اسمها هوفر بس قلقان من قطع غيارها.

شوفت موسو بس بردة خايف من صيانتها و قطع غيارها و اعادة بيعها لانها مش منتشرة

فتنصحوني اجيب ايه؟

ملحوظة: انا بدور علي مستعمل مش زيرو

السلام عليكم

نصيحتى..... الاند كروزر ....... بالمبلغ ده ممكن تجيب { تعلبة } 70 سيرز- موديل التسعينات او ممكن تزود شوىة و تجيب{ ليلى علوى} 80 سيرز موديل التسعينات

المشاركة الأصلية كتبت بواسطة remongamil

بصراحه النقاش شيق جدا ومعلومات الاخوة الاعضاء المحترمين اكثر من رائعه ومفيدة جدا وكمان جاوبت علي اسئله كتيرة عندي , وياريت تفيدوني

1) مبلغ 42000 ممكن يجيب شيروكي حالتها كويسه ؟؟؟ موديل كام وحالتها هتكون ايه
2) هل الشيروكي 4 سلندر ( 2500cc ) قطع غيارة نادرة وغاليه قوي ولا متوفرة وفرقها مش كبير عن ال 6 سلندر ؟؟

برجاء الافادة

هو المبلغ دة حضرتك يجيب شيروكى 92 او 93 وحالتها هتكون كويسة مش وحشة ولكن حاول تزود المبلغ شوية لو تقدر حضرتك توصلة ل50000 هتجيب حاجة محترمة ادخل حضرتك كونتاكت كار وسيبك من الاسعار اللى مكتوبة ساعة الكاش الغالى يبقى ببلاش دية النقطة الاولى
النقطة الثانية قطع غيار ال 4 سلندر مش نادرة وانزل حضرتك شارع شامبليون والحرفيين وشوف بنفسك هدور عليها اة بس هتلاقيها فى الاخر والا كان كل اللى معاة 4 سلندر ركنها وبالنسبة للاسعار بتاعت قطع الغيار مش غالية اوى عشان تكون عائق امام شرائها والفرق مش كبير بينها وبين ال 6 سلندر وانزل حضرتك واسال بنفسك عشان تطمئن اكتر
واى استفسار انا تحت امرك

في عربية نازلةجديدة من نيسان اسمها قشقاي هي مش جيب و مشكلتها انها مانيوال بس و ب 155 الف بعد كل ده لسه الليبرتي هي اللي عجباني بس مشكلة الثبات سمعت انهم حلوها في موديلات 2004 و ما فوق هل الكلام صحيح و كمان اخبار ترخيص 2004 بكام؟

طيب ماتشوف حضرتك العربيات دي :-
suzuki grand vitara
honda hrv
chevrolet frontera
hyundai santa fe
mitsubishi outlander 2003
kia sportage

السلام عليكم
أنا أشكر جميع الأعضاء في هذا المنتدى و القائمين عليه في جميع إضافاتهم القيمة و نصائحهم الغالية
و لي سؤال بشأن سيارة أرجو أن يفيدني عنها من يعرفها أو له درايه حقيقية بها
و هي سيارة ميني بليزر s10 موديل 1997 أربعة أبواب
يقولون عن مزاياها أنها ليست بخشونة الشيروكي و أن سحبها شديد و ناعم لأنها ليست 4*4 و أنها خدمة شاقة و طويلة و قطع غيارها متوفرة
أما بالنسبة لعيوبها فهي ذات العيوب التقليدية في السيارات الأمريكية و هي استهلاك الوقود و يقال انها تستهلك 140 كم في الصفيحة داخل المدينة. لكن بالنسبة لابعادها فهي ذات ابعاد الشيروكي
أرجو من الأعضاء ذوي الخبرة و الدراية الحقيقية بهذه السيارة توضيح مدى صحة ما ذكرتة و إضافة أي معلومة عنها و تقدير سعرها إن أمكن و مدى جدوى تحويلها غاز مع استعمال البنزين على الطرق السريعة و عند بداية التحرك
و أشكركم جميعا
سامي محمود

فعلا نقآش جميل , آنا بس عآيز آسآل هي جيب كومبآس موجود و متوفره في مصر , آنا عآيز عربيه تكون دفع رباعي و بفضل الجيب و تكون كماان حالتها حلوه و شيك كده , شبابيه يعني ,, في حدود 100 آلف

بعد السلام والتحية
انا حااجبلك من الاخر
لو عاوز تركب جيب حلوة اركب جيب 2009 او 2010
طبعا انت عارف تبداء من كام لو حالة تقريبا من 260 الف معكش طب تركب اييييه
اقولك ياسيدي جراند شيروكي من 99 حتي 2004 بس الاهم الحالة ودي تقريبا من 140 حتي 200الف ايه رايك معاك ولا لآ مش معاك طيب ياسيدي
ليبرتي من 2005 حتي 2007 والحالة من 150 حتي 180 الف مش معاك
تركب عربية ليمتد 2000 و 2001 بس ال 2000 منتشرة كقطع غيار ميكانيكا بالحرفين بس الالفين وواحد مش وحشة والاهم تكون 6 سلندر ودي ياسيدي الحالة من 90 الف حتي 105 الف
احسبها كده وقرر وانا في الخدمة علي الخاص بصفتي خبير مصري علي الجيب
وصاحب راي الجيب جيب رضة يارجالة وده عن تجربيتي الشخصية

عاوز راي الشخصي
اركب جراند 2000 او 2001 بس 8 سلندر وانت حاتدعيلي ومتخفش بنزنها اقل من كل اللي فوق دول
مع العلم اللي بيركب جيب ميفركش في البنزين لانها متعه وليها ثمن
اخوك الخبير المصري:b4_611:

شكرا egyptexprt علي الرد الجميل ده بس عندي استفسار هل عيوب الليبرتي حلوها في 2005 من حيث الثبات و قطع الغيار و العفشة الناشفة

و ياريت حضرتك لو معاك ليبرتي او تعرقها كويس يا ريت تفدني بخبرتك الكبيرة جدا

و شكرا جزيلا