الموضوع: مايكل نبيل مش عايز يحارب - و الشرطه العسكره هتمسكه (دعوه لنقاش التجنيد الاجبارى)

بصراحه انا عن نفسي برده رافض فكرة التجنيد الأجباري علي الأقل بالنسبه للجيش بتاعنا اللي مفيش حد بيدخله الا ويلعن فيه ويحكي عن كم الأهانات والبهدله اللي شافها وانه مش بيعمل اي حاجه مفيده ولا بيشوف السلاح اصلا ولو دخل حرب مش هيعرف يعمل اي حاجه الا طبعا ناس زي الصاعقه والمظلات

لكن ايه فايده واحد دخل جيش وكل اللي كان بيعمله انه بيطبخ ولا بينضف الحمامات ؟؟

انا زمايلي اللي دخلو جيش لما طلعو منه كنت انا اتجوزت وخلفت واترقيت وجبت عربيه وهما لسه مش لاقيين شغل ونسو اللي اتعلموه واتاخرو 3 سنين عن السوق ومتعلموش اي حاجه غير انهم يصبرو علي البهدله وقلة القيمه

لو بلدي داخله علي حالة حرب فانا هروح بنفسي وهبقي سعيد جدا لكن لو في سلام واستقرار يبقي لازمتها ايه؟ هي ال 9 شهور اللي الناس بتقضيها في الجيش وبتاخد نصها اجازات هي اللي هتعلمهم ازاي يحاربو؟

المشاركة الأصلية كتبت بواسطة shnory

الطابع العام للجيش عندنا هو طابع الاهانه الصرف
كل واحد يدخل الجيش يرجع يحكي عن الصول فلان والعسكري علان
اللي هوايته لعن سنسفيل الشباب والطرقعه علي قفاهم
ففكره الجيش المسيطره علي الناس هي انك داخل حرب اهانات من طرف واحد
وواجبك انك تستحملها وبكده حتبقي راجل
وحتشرب ميه وسخه وتتشتم
وتاكل اكل بايظ وتتشتم
ومتستحماش وتتشتم
بجانب ان فتره التجنيد ماهي الا ضياع لسنين العمر وتفويت اي فرص عمل او سفر او بناء اي حجر اساس في مستقبل الشخص
والناس زي ما بتدخله زي ما بتطلع منه
بدون اضافه اي خبرات او مهارات تؤهل الفرد للقتال
العيل من دول يدخل الجيش رفيع مسوس
ويطلع من الجيش ارفع واسوس
لونه بس بيتغير ومفيش عضله زياده بتتحط في جسمه
=========================
دي الفكره السائده عن الجيش المصري والتجنيد الاجباري اللي الناس بتروحه
علشان كده بيكون يومه ويوم اهله اسود اللي يسمع اسمه في التجنيد

-لو كان الجيش بيضيف مهارات تنفع الشاب في حياته اكيد كانت الناس جريت اتطوعت وبقي للتطوع طوابير ملهاش اول من اخر
==========================
هي دي الصفات السائده في الجيش المصري
عن طريق السمع وتجارب الاصدقاء اللي دخلوا الجيش
والله اعلم اكيد اللي دخلوه الجيش اعلم مني بالمواضيع دي
لاني مليش جيش
==========================
بالنسبه للاخ مايكل
فانا اقترح انه يدخل سلاح الترفيه اكيد حيتبسط جدا
وحيبسط ناس كتير وحيتمني الحرب تقوم علشان يستفيد من الاعداد
اللي بتيجي في التعبئه العامه ساعه الحرب

هههههههههههههههههههههه حلوة سلاح الترفية دى هههههههههههههههه موتنى من الضحك هههه
بص يا باشا الى أنت سمعتة أن الجيش مش بيعلم حاجة غلط يا شنورى باشا لآ بتتعلم و بتتعلم كتير جدا جدا جدا بجد و الله . معاك أنة قرف و بهدلة بس و الله حا تتعلم الى عمرك ما أتعلمتة فى حياتك كلها حتى لو كنت شاب مخربش و لافف الدنيا و جايبها طول و عرض برضو حا تتعلم لانك بتختلط بأوساط مختلفة من البشر بتتعلم منهم حاجات كتير جدا جدا .
بص يا باشا أنا شخصيا أتعلمت فى الجيش كتير جدا و يكفى أنى أقولك أنى ساعت الثورة و موضوع البلطجية و الله العظيم لم يرمش لى جفن و لا الهوا لانى أتعلمت أزاى أدافع و أهاجم كمان و بمنتهى السهولة و ممكن اضرب نار زى ما بلعب بالبندقية الرش بالظبط و بستعمل السلاح الابيض بمنتهى السهولة زى سكينة المطبخ فى السلطة . يعنى أستفدت و أستفدت كتير جدا و طبعا ما كنتش عارف قيمة الكلام دة ألا وقت الشدة و الحاجة يعنى بالمجمل تجربة مش سيئة للدرجة الى الناس متخيلاها الا لو أنت كشخص من النوع المسالم أوى و مش عاوز تتحرك من مكانك أنت فاهم قصدى طبعا .
و أرجع أقولك كل ما أفتكر سلاح الترفية أموت من الضحك هههههههههههههههههههههههه
الكلمة دى بتتقال فى الجيش فعلا على العيال الطرية المتدلعة بس عيبة كبيرة قوى ههههههههههههههههههههههههه هههههههههههههههههه

مش معنى ان التجنيد فى مصر زى الزفت يبقى نرفضه وننسى فوائدة ، لو كان الجيش زى امن الدولة فساده مطلق كنا ساعتها نقول ان كلام عم مايكل صح انما الوضع مش كده والواجب علينا اننا نحاول نصلحه وبيتهيألى التوقيت اللى احنا فيه دلوقتى يمهد لينا عمل حاجة زى دى .

وأنا شوفت بعينى واحد صاحبى دخل الجيش وهو زى الفل طلع منها وهو عنده كوم امراض ربنا يعافينا واياكم وفضل يتعالج بتاع 5 سنين لغاية اما ربنا من عليه بالشفاء

وبالمناسبة الجيش اللى هو رافض يتجند فيه هو نفسه اللى مسك زمام الأمور واللى ربنا سخره ليحمى الثورة وينقذ البلد من مجازر ، كما ان اسرائيل اللى زعلان عليها ننوس عين امه احتلت فلسطين بمساعدة الخونة ووضعها غير شرعى وكمان حاولت انها تحتلنا فى يوم من الايام ولو اتيحت لها الفرصة فى المستقبل فلن تتوانى عن احتلالك هى مستنية الوقت المناسب

مؤيد وبقوة للتجنيد الاجباري . . . لاسباب كثيرة

اما بنسبة للشاب ميكي فا اسرائيل المسكينة بتاعتة التجنيد عندها اجباري وعدد جيشها اكبر من جيش مصر لانة بيدخل فية الستات والرجالة