الموضوع: مايكل نبيل مش عايز يحارب - و الشرطه العسكره هتمسكه (دعوه لنقاش التجنيد الاجبارى)

أرفض الدعوة لنقاش التجنيد الإجباري
وشكراً

الولد ده مواقفه متناقضدة بشكل غريب!

هو بيقول انه مش عايز يدخل الجيش عشان هو "مسالم" pacifist. يعني رافض للعنف وحمل السلاح كمبدأ بغض النظر عن دخول حرب من عدمه. بس المصيــــــــــــــــــــ ــــــــبة انه بيحب اسرائيل وشايف ان من حقها الدفاع عن النفس وان حرب غزة كان شيء طبيعي. في "مسالم" في الدنيا يدافع المجازر اللي ارتكبتها اسرائيل في غزة؟!

الواد ده عنده قسم كامل بالعبري على الموقع بتاعه .... وبيقول انه بيحب اسرائيل!!!

http://tinyurl.com/maikel-pro-israeli

المشاركة الأصلية كتبت بواسطة wahba87

انا معترض على التجنيد الاجبارى ما دام الجيش مش محتاجنى ولا هيستفيد منى اصلا

و انا تحت امر الجيش لو محتاجنى طبعا و هفيد بلدى

الحرب بتقوم فى ساعات
ساعة الحرب هتعمل أيه وأنت متعرفش البياده بتتلبس أزاى

المشاركة الأصلية كتبت بواسطة shnory

الطابع العام للجيش عندنا هو طابع الاهانه الصرف
كل واحد يدخل الجيش يرجع يحكي عن الصول فلان والعسكري علان
اللي هوايته لعن سنسفيل الشباب والطرقعه علي قفاهم
ففكره الجيش المسيطره علي الناس هي انك داخل حرب اهانات من طرف واحد
وواجبك انك تستحملها وبكده حتبقي راجل
وحتشرب ميه وسخه وتتشتم
وتاكل اكل بايظ وتتشتم
ومتستحماش وتتشتم
بجانب ان فتره التجنيد ماهي الا ضياع لسنين العمر وتفويت اي فرص عمل او سفر او بناء اي حجر اساس في مستقبل الشخص
والناس زي ما بتدخله زي ما بتطلع منه
بدون اضافه اي خبرات او مهارات تؤهل الفرد للقتال
==========================
هي دي الصفات السائده في الجيش المصري
عن طريق السمع وتجارب الاصدقاء اللي دخلوا الجيش
والله اعلم اكيد اللي دخلوه الجيش اعلم مني بالمواضيع دي
لاني مليش جيش
==========================

اللى عايز يتعلم بيتعلم , والمحترم بيتعامل بأحترام
أنت اللى بتفرض على الشخص أحترامك

المشاركة الأصلية كتبت بواسطة shaddadfalcon1

بصراحه انا عن نفسي برده رافض فكرة التجنيد الأجباري علي الأقل بالنسبه للجيش بتاعنا اللي مفيش حد بيدخله الا ويلعن فيه ويحكي عن كم الأهانات والبهدله اللي شافها وانه مش بيعمل اي حاجه مفيده ولا بيشوف السلاح اصلا ولو دخل حرب مش هيعرف يعمل اي حاجه الا طبعا ناس زي الصاعقه والمظلات

لكن ايه فايده واحد دخل جيش وكل اللي كان بيعمله انه بيطبخ ولا بينضف الحمامات ؟؟

انا زمايلي اللي دخلو جيش لما طلعو منه كنت انا اتجوزت وخلفت واترقيت وجبت عربيه وهما لسه مش لاقيين شغل ونسو اللي اتعلموه واتاخرو 3 سنين عن السوق ومتعلموش اي حاجه غير انهم يصبرو علي البهدله وقلة القيمه

لو بلدي داخله علي حالة حرب فانا هروح بنفسي وهبقي سعيد جدا لكن لو في سلام واستقرار يبقي لازمتها ايه؟ هي ال 9 شهور اللي الناس بتقضيها في الجيش وبتاخد نصها اجازات هي اللي هتعلمهم ازاي يحاربو؟

هتدخل الحرب أزاى من غير ما تتدرب



بصفه عامه
اللى عايز يتعلم بيتعلم
معظم العساكر بتحب تزوغ من أى ألتزام وبأى حجه
العساكر بتحاول تكون فى المطبخ علشان تزوغ من التدريبات
موضوع أن العساكر بتنضف الحمامات
مين بينضف حمام بيتك ( لو معندكش شغاله بتدفعلها فلوس ) , يبقى أكيد مامتك أو أختك أو بنتك , أكيد دى مش أهانه ليهم , يبقى لما العساكر تنضف الحمامات اللى بيستعملوها مش عيب

معظم الردود اللى بتنتقض الجنديه مدخلوش الجيش , مش غريبه شويه

لما تفضل سنه أو أتنين بتاكل وتشرب وتنام بنظام الجيش لما تدخل حرب مش هتكون متأفف من الوضع

الجنديه رجوله , ده مش مجرد شعار , أكتر حاجه بتعلم الأنسان الحياه وسلوك البشر وفكر الناس هما حاجتين , الجيش والسجن

لما بيكون فيه مأموريه بتلاقى الضابط بيختار مجموعه وبيقول عليهم رجاله يعتمد عليهم , ليه قال كده , لأنه عارف مين متدلع وبيزوغ من أى ألتزام ومين راجل

العرق فى التدريب يوفر الدم فى المعركه
هتطبقه أزاى فى الحرب

تعرف أنها بتفرق حتى فى الحياه العاديه وأسأل أى حد من اللى بيشتكوا من الجيش بيقولوا أيه , بس المواقف دى مش وهو قاعد فى مكتبه أو على البحر , بتبان وقت الشده وبتظهر فى ردود الأفعال والمواقف

أديلك مثل بسيط علشان تعرف المضمون
فيه أدارات فى الجيش وخصوصا الهندسيه ( وأسأل سيادة العقيد خالد ) منها بيحصل فيها أيه
بتلاقى عساكر ( كلهم مهندسين ) قاعدين قى مكاتب مكيفه ومعاهم أجهزة كمبيوتر وبيشتغلوا مع ضباط خبراتهم عاليه جدا , عارف منهم مجموعه بتعمل أيه , بتلعب ألعاب كمبيوتر , تقوله تعال أعلمك وأشرحلك علشان تخرج من الجيش مهندس محترم وتشتغل فى أماكن كويسه بالخبره اللى تاخدها يقولك بقضى أيام أصل الجيش مؤرف
طب ترد تقوله أيه , كل المميزات دى وعايش متضايق
ومجموعه تانيه بتشتغل وتتعب وبيطخطفوا قبل ما يخلصوا جيشهم

الجيش الأسرائيلى أجبارى وللبنات كمان

اللى عايز يتعلم بيتعلم واللى مش عايز بيخرج ضيع فتره من حياته هدر

و هو أول واحد بيموت فى الحرب

المشاركة الأصلية كتبت بواسطة م/مصطفى محمود

انا مؤيد جدا للتجنيد الإجباري ، لإن مينفعشي أبدا ساعة الحرب نطلب هدنة علشان ندرب الناس ، ودي مش خناقة علشان البلد كلها تتطوع ، دي حرب نظامية يعني كل واحد من جند الإحتياط بيبقى عارف هو رايح فين ولكتيبة أية ودورة أية وكل حاجه ، فالأهم مش التدريب على قدر ما الأهم إنك بتبقى عارف دورك ومكانك ساعة الحرب

ممكن يكون التدريب مش على مستوى عالي => يبقى نطلب إن التدريب يبقى أفضل (ولو إن الناس بتشتكي من التدريب )

ممكن يكون التجنيد بيوقف حياتك ومستقبلك لمدة => يبقى نطالب بمزايا للمُجندين بحيث يبقى متساوي مع اللى فى الخارج

ممكن يكون الجيش مرمطة وصعب وظروف قاسية وحياة لا تطاق => دي منقدرش نعمل فيها حاجه بصراحة ، ده جيش يعني

انا الحمد لله كان نفسي أدخل الجيش (كعسكري) والحمد لله بعد الثورة أترشحت ظابط إحتياط وهدخل على آخر شهر 4

بجد يوم الأرجاء لما مأخدوش قسمي فى التخصص كنت هدمع وفضلت أدعي ربنا إنه ميحرمنيش من الشرف ده ، والحمد لله دخلت ظابط إحتياط ، لإني مش مُتخيل إن ساعة الحرب مبقاش عارف دوري فين ، وأفضل أشوف هتطوع فين فى حين إن في ناس سبقوني على ساحة المعركة

مكدبش إني أوقات بفكر فى ال 3 سنيين دول وبقول إني هتأخر فيهم (ماديا) ، بس برجع وأفكر إن محدش عارف الخير فين ومحدش عارف المستقبل فية أية

منكرش إني أوقات بحس إني داخل على مجهول ، بس برجع وأقول أهي تجربة جديدة وأنا الحمد لله هعرف أتعامل معاها بحلوها ومرها وأكيد هستفيد منها ، وأساسا معنى الحياة بالنسبالى هو تجارب بما فيها من حلو ومر وقرارات وفرح وسعادة

وفي النهاية كتبت فى الرغبات إني أرغب فى الدخول كضابط إحتياط ، وعلى رأى عمنا عبد الحمن الأبندوي (الناس إتنين .. واحد شيال هم ، والتاني وكال (بيوكل الهموم لحد تاني ) :d )

وفى النهاية منقدرشي غير نقول (اللهم إستخدمنا ولا تستبدلنا)

التجنيد الاجباري مش مقابله جيش غير مستعد بيجند وقت الحرب فقط.

مقابل التجنيد الاجباري تجنيد اختياري وجيش برضو مستعد للحرب في أي وقت.

بس عشان التجنيد يبقى اختياري لازم يبقى فيه امتيازات ومرتبات مغرية للظباط والجنود لأنها تصبح في هذه الحالة وظيفة.

الظباط خريجين الكليات العسكرية تجنيدهم اختياري ... لأنهم اختارو المهنة دي.
الظباط خريجين كلية الظباط الاحتياط تجنيدهم اجباري

المشكلة في العساكر ... صعبة جداً تجنيدهم اختيارياً.