تقييم للبيجو 405 رؤا

**knightwalid** · 30-11-2008 03:02 PM

السلام عليكم
انا عايز اغير جنوط العربية بس مش عارف اجيب 14 ولا 15 وخايف ان ال15 تتعب عفشة العربية
ارجو الافادة وشكرا لكم

**knightwalid** · 30-11-2008 03:05 PM

ارجو من اخوانى فى المنتدى انهم يدلونىعلى مكان كويس ورخيص لبيع الجنوط فى القاهرة ولو فية بيجو يبقى يا ريت

**sayandro** · 04-02-2009 11:42 PM

بصراحة بيجو بتشوهه سمعتها في الشرق الأوسط دة تهريج اية العربيات المفككة والتربيط دة تجميع ولا تلزيق دي البيجو التي كانت شعار للقوة والإعتمادية والأداء المبهر اعتقد 504 موديل 79 احسن ...... هو فين بيجو فرنسا ولا تركيا

**the-hero** · 05-02-2009 02:56 AM

موضوع جميل وشكرا على تقييمك للروا مع أختلاف وجهه نظري بالعربيه ديه بس ده أزواق بس لازم نفهم أنها عربيه غير ال 405 تمام
وانتاج أيرانى مستغل سمعه ال 405اللى معدش تنزل موديلات فوق 2003
المهم أكيد برضو ليها ميزات ممكن نعرفها من مالكيها بالتفصيل
ولكنى بختلف بشده مع حضرتك بخصوص السحب اللى زى مو 95 فرنساوى مستحيل يكون نفس السحب لفارق العزم والكبالن للفرنساوى وانا شخصيا شديت معاها كتير وسحبها مش قد كدا زى الشاهين مثلا

**ilavm** · 18-08-2009 04:47 PM

ياجماعة انا جبت اخري من التوكيل ده
ده توكيل زي الزفت تخيلو العربية بقالها شهرين عندو ولما رحت ايص عليها لقيت المهندس قال ايه مثبتها ومعملش فيها اي حاجه لأ والأنيل انو سايبها مفتوحة قزاز وابواب وبقت زي الزفت .
انا كنت عملت بيها حادثة وظبطتها سمكرة من بره
انما كان في حجات فيها بايظة زي كومبيوتر الانجيكشن والتكييف والطنبورة عايزة تتغيروسير الكاتينة وخلافة التوكيل بقاله تقريبا تلات شهور وفي الآخر جاب كومبيوتر الانجيكشن بس
لو حد يعرف ميكانيكي ولا محل قطع غيار اجيب منه الباقي زي حساسات السرعة(العداد) وقصة الطنبورة
يبقى كتر خيركو
وحسبي الله ونعم الوكيل في اباظة

**ilavm** · 18-08-2009 04:48 PM

على فكرة ياجماعة عربية رائعة جداجداجدا
بس ربنا ينتقم من اباظة

**mustafa_406** · 08-09-2009 03:49 PM

سعر العربية دي في العراق حوالي 35 الف جنيه مصري .. ربنا يكون معاكم على الكمارك بتاعتكم

**navigator699** · 12-10-2009 04:01 AM

انا عندي مشكلة مع العربية وهي اني محتاج اغير الفتيس وسألت عليه في التوكيل لقيته ب 12000 الف جنيه
ارجوكم دلوني على مكان اشتري واحد مستعمل او استيراد اي حاجة تكون رخيصة انا امكاناتي متسمحش خالص بكده

**ramyr** · 21-02-2010 05:45 PM

لجنوط ال 15 ال 205 بتحك فى العفشة

**behman** · 22-05-2010 06:07 AM

شكرا يا باشا علي التقييم الرائع ده اللي بيدل انك مش مجرد حد راكب انت فاهم ايه اللي انت راكبه
بس انت حظك مش حلو معاها .... عشان مشاكلها واضح انها كانت كتير معاك و التوكيل ضايع بصراحه
انا اشتريت الروا اول مانزلت تقريبا اول دفعه منها و كانت اختيار والدي ( عربيتو هو يعني )
من خلال استخدامي ليها احب اعرض تقييم المتواضع اللي اكيد عن مميزاتها و عيوبها
المميزات
*عربيه قويه .. صاج و شاسيه
*موتور انجليزي 87 حصان و فتيس انجليزي محتلام بس ناشف اقرب للشاهين الجديده
*تعليق العربيه ممتاز و ده من احسن مميزاتها
*دفع خلفي قوي ( ديفرانس و كرونه ) مفيش كبالن
*قطع الغيار الخارجيه هي بيجو 405 موجوده و مش غاليه
*التكييف ممتاز و دوره التبريد ممتازه .... و الباور برضو حلو مش خفيف زياده

العيوب
* صوتها عالي بسبب سير الكاتينه و الشواكيش في وش السلندر
* ناشفه حبتين في مشيها و فتيسها و ديبرياجها
* استهلاك بنزين عالي تقريبا 160-180 كيلو لكل 20 لتر ... داخل القاهره
* التوكيل بتاعها عموما مش كويس و تحس انه ورشه ... ده غير انهم بيعاملوها في التوكيل علي انها لقيطه
* قطع غيارها للموتور و العفشه مش متوافره و هنا بقي اكبر مشكله ... بتضطر انك تروح التوكيل و طبعا مش هاتلاقي و لو لقيت بيكون غالي جدا ... فا تشوف ايه اللي يتوفقلها و ينفع يركبلها اريح
* المنتج الايراني عموما مش محبوب او مش محل ثقه في مصر .. ده غير موضوع الفتي اللي هو موجود في الشعب المصري
الفرنساوي قطع غياره نار
و الامريكي عايز بنزينه وراه و غالي في شغله
الصيني .. ضعيف واللي شربه شربه
.... وهكذا

لو حد عندو اي استفسار يأمر و انشاء الله تعالي مش هاتأخر عليه