من التمس رضا الله بسخط الناس ؛ رضي الله عنه ، وأرضى عنه الناس ، ومن التمس رضا الناس بسخط الله ، سخط الله عليه ، وأسخط عليه الناس
بص يا سيدي
اللي هحكيهولك ده اقسم بالله حصل ادام عيني
يعني شفته محدش حكاهولي
شاب كان زي مبتقول كده
و زيد علي ذلك كان قمور و مسمسم و بجد كان وسيم
و كان روش و بيلبس و كان اخر حركات
و كان كمان رياضي و بيدخل مسابقات و كده
المهم الشاب ده انا شفته بنفسي في يوم من الايام ( و الموقف ده انا كنت حاضره ) شاب اتكلم ادامه في كلام معناه ان اللحيه تقريبا فرض
اتخض الولد اللي بنحكي عليه و لقيته اخد الموضوع باهتمام
و بعد فتره لقيتلك الشاب ده يا سيدي
اداها لحيه
فسالته ايه اللي حصل يعني و سبتها ليه
قاللي يبقي اعرف ان حاجه فرض و لازم اعملها اقوم اسيبها ؟؟؟
بصراحه معاه حق
و تعرف
كان السائد اي واحد ملتحي تلاقي واحد يسأله: هو انت ملتحي ليه ؟
تعرف بقي الشاب اللي بحكيلك عليه ده كل ميشوف واحد مش ملتحي ( من اللي يعرفهم يعني ) يقوله صحيح هو انت بتحلق لحيتك ليه ؟؟؟
يلاقي اللي ادامه مردتش و يبدأ يحاوره
المهم
فاكر الشاب ده كان ايه
جامعه و خروج و انبساط
طب بعد ما التحي
بردو فسح و خروج و دمه عسل
و كل الناس بتحبه
و بيهزر و بيضحك و عادي جدا
لو عاوزني كمان اصورهولك و اجيبلك منه صورة قبل ما يلتحي اسأله
http://dc16.arabsh.com/i/02825/qdoox70lxrxq.jpg
هؤلاء اعفوا لحاهم...هات معاك 5 :36_1_1[1]:
الله يبارك فيك
اولا ممكن نبقي اصدقاء
ثانيا
انت بقي ظلمتني يا عم الحاج انت
انت و انت كاتب كلامك اللي انا عقبت عليه
كنت بتكتب ارائك الشخصيه جوا الكلام اللي انت ناقله
و في الاخر مكتوب نقلا عن موقع كذا
انت فاهم قصدي
يعني انا فهم ان ده كلام العالم
كلام الموقع
فاهمني
و ده اللي حيرني
و لما قلتلي انه كلامك
فطست علي روحي من الضحك
لاني فهمت غلط
المهم انك متزعلش بقي و مش عاوزين قلضمه
كويس و الله اني عرفت اكتبها
المهم
تسمحلي نتعرف علي الخاص و نبقي اصدقاء
و لا قلت ايه
بصوا انا هتكلم بصراحة .... انا مش ملاك صحيح اه مثلا الحمد لله متعود انى بصلى وبصوم وبقضى فروضى الخمسة بس مثلا مش بصلى السنن .... وحاجات تانية انا مش راضى عنها بس انا حاسس انى معتدل شوية عن ناس كتير مش بتعمل حاجة فى دينها ....
هى الفكرة بس انى علشان اخد الخطوة ده .... لازم اخد خطوات تانية بعديها ..... بمعنى انى مثلا بقيت ملتحى .... صعب اوى اتخيل نفسى تانى بعد اللحية واقف تحت مبنى عمارة مع صحابى وصحباتى ونقعد نهيس زى زمان وجو الفرفشة اللى بيحصل لما بروح هناك .... مش علشان الناس هتقولى حاجة ... بس علشان انا هكون مكسوف من نفسى .... صعب برضه لما نقعد نقلش والقلش يبقى تقيل شوية .... حاجات كتير اوى هبطل اعملها وهى مصدر التغير من الملل فى حياتى علشان اللحية .... موضوع شكلى بعد لما التحى انا شايفه برضه هيكون صعب .....
يعنى هيا الفكرة انى عارف انى بعمل حاجات كتيرة مش صح مثلا زى الهزار التقيل والخروجات الجامدة والكلام ده .... بس انا اللى بيريح ضميرى انى بصلى وماليش فى قصص السجاير والكلام ده ومش بقرب من الخطوط الحمراء وخلاص واهو بفرفش شوية وده مرحلة والواحد هيتخرج ان شاء الله وهيشتغل
بس علشان التحى .... لازم اخد خطوات تانية علشان يتناسب مع اللحية .... لان اللحية ليها احترامها وانا مش مستعد فى موقف اسمع واحد بيقولى عيب على لحيتك اللى انت بتعمله
طولت عليكم بس انا عاوز استفيد من خبرات ناس اكبر منى
اللحية فعلا مش مجرد منظر لكن هتغير فيك حاجات كتير وان شاء الله بيكون تغير للأحسن..الواضح من كلامك انك مصاحب ناس اقل منك في التدين وعلشان كده شايف نفسك افضل ...بس فيه ناس افضل منك حفظوا القرأن وطلبوا العلم الشرعي وبيدعو الناس للخير واذا روؤا ذكر الله مع انهم مش خطباء في المساجد لكن ناس عاديين كل الكلام اللى انت قلته وخايف انه يحصل لو التحيت مش حرام في ذاته بس هنرشده وهنحطله ضوابط تتناسب مع شخصيتك الجديدة يعني هزر واخرج مع اصحابك بس بضوابط شرعية يعني متهزرش بكلام فاحش او تخرج لمكان محرم او تصاحب شخص غير سوي وابتعد عن مخالطة النساء وتذكر قول النبي صلي الله عليه وسلم ( لا تصاحب الا مؤمنا ولا يأكل طعامك الا تقي)..ولازمك حياتك تتغير 180 درجة للأحسن.
ممممممم .... كلامك صح وهو فعلا زى ما انا قولت لحية يعنى تغير شامل ..... بس حضرتك دلوقتى ادتنى فكرة انا شايف انها تبقى خطوة اولى فى الطريق ده .... وهى انى كنت حافظ 15 جزء من القرأن ولكن للأسف بقالى فترة كبيرة مش راجعت
فأعتقد انى لما ابدأ بمراجعة القرأن من تانى هيدينى حافز قوى انى اخد قرار اللحية ده ..... انا شايف ان ده حل وسط وربنا يعلم انى عاوز اخد القرار ده بس انا عاوزه يكون من منطلق قوى علشان مجيش فى وقت احلقها تانى
احييك واشكرك بشده على الموضوع ده .... وربنا يجزيك خير من وراه ان شاء الله
أي حد عايز يبدأ أنصحه بمجموعة الشيخ محمد حسين يعقوب "أصول الوصول إلى الله تعالى"
بحبك فى الله يا حودهاقتباس:
المشاركة الأصلية كتبت بواسطة Mr_7oda;387339[SIZE=4
و على فكرة انت فيك خير كتير و دا باين من اسلوب كلامك
بس اسمح لى بتشبيه بسيط
الموضوع عندك زى اللى مش بيذاكر علشان يفضل مقضيها لعب و فسح و خروجات
و خايف يذاكر لحسن ربنا يفتحها عليه و ينجح و يتفوق و يتعين فى الكلية و بعدين يتحرم من المتع ( اللى هو كان شايفها )
و نصيحة منى شخصيا و هى الاهم
كن صادق مع نفسك ربنا هيوريك الحق و يرزقك اتباعة
و الانقياد و التسليم لأوامر الله بعد تجردك من حولك و قوتك
و اللحية هى الدرع الواقى من معاصى كتيرة ( قد تبدو محببة لك لانك بتبصلها من منظور الحرمان ) و لكن بعد ما تعمل scan و format لقلبك هتحكم عليها حكم تانى و هتتلذذ بقربك من الله و ظهور طعم جديد لحياتك كما اراد الله لك لا كما اردت لنفسك من شهوات
طولت عليك و ربنا يهديك للخير
ما شاء الله الموضوع مثمر :first:
جزاكم الله خيراً جميعاً
أنا بجد مش فاهم ايه السؤال ده، يعنى خلاص عملت كل حاجة و ناقص اللحية
الأفضل تهتم بالضمير و إحيلؤه
الأولى تهتم بالإتقان فى العمل
الأولى تهتم بالعديد من الأشياء العملية
عندي سؤال مهم هو حضرتك بتكلم مين؟؟ حد كان مربي دقنه وحلقها قبل كده خوفا من امن الدوله ولا بتدعو الناس الي تربيه اللحيه علي اساس انها فرض؟ مع العلم اني شخصيا ليا اصدقاء كتير بلحيه في عز وجود امن الدوله ومحدش قبض عليهم بسببها والسؤال التاني الاهم ماذا بعد اللحيه؟؟؟
اللحية مش هتعطلك عن انك
تهتم بالضمير و إحيلؤه
و تهتم بالإتقان فى العمل
وتهتم بالعديد من الأشياء العملية
جميع ماسبق....لكن الظاهر ان اغلب الملتحين ان مكانش كلهم كانوا بيتعرضوا لأعتقال وتمييز في المعاملة في كل مكان بالأضافة الى تهميشهم....وماذا بعد اللحية؟ المضي في طريق الألتزام اللحية عند اذن تكون عامل مساعد وحفاز وليس كل الألتزام.
انا كنت طولت ذقنى من 5 شهور ...كان فى الاول مش بغرض السنة ..بس بعد كده نويت اتباع السنة فى اطلاقها ..وللأسف الشديد حلقتها بعد ضغط من جميع المقربين ..ولما حلقتها كنت بتكسف أبص فى المراية .. اللى خايف يطلق لحيته ..احب اقولك ان اطلاق اللحية هيحسن منك كتيييير ..ومن نظرة الناس ليك..وهينهيك عن كتيييييير من المعاصى..أعتقد الجكمة فى أمر الرسول باطلاق اللحية هى تهذيب النفس
يا جماعه الخير
بارك الله فيكم
احب اوجه سؤالي الي كل واحد شايف ان اللحيه يعني شيء مش مهم اوي او مش محوري
او متعجب من اطلاقها
طب ممكن تتقبلتي بصدر رحب و تتقبل الحديث معايا
حبيبي في الله
س:انت بتحلق لحيتك صح ؟
ج:ايوة
س:طيب تمام-ممكن تقولي بتحلقها ليه؟
اقنعني بالراحه و بالدليل يمكن ربنا يهدينا و نعمل الاصح
يعني قوللي سبب مفتع لحلق اللحيه
هتقولي مفيش هقولك ماشي
( يا اما هتبقي الاسباب وشي بيوجعني و الضعر كثيف و كده -كل ده ليه باذن الله علاج )
طب بص من منظور تاني
ليه تطول اللحيه ؟
في اسباب كتير
اولا الاوامر الكتير المذكورة في القران باتباع سنه النبي بالعموم و التزام هيئه المسلمين
و الاوامر النبويه باعفاء اللحيه
طيب يا سيدي مش احنا كلنا محبين للنبي عليه الصلاه و السلام
طبعا اه
طب يا سيدي مش هو كلنا ( سواء كنا متفقين علي اللحيه او مختلفين ) مش كلنا متفقين ان سيدنا محمد كان ملتحي ؟
ايوة
طب متيجي نقلده
و نتشبه بيه
طب مش احنا متفقين ان سيدنا محمد قال فيما معناه من تشبه بقوم فهو منهم--و من تشبه بقوم حشر معهم
يا اخي يا حبيبي في الله
تخيل ان مجرد تشبهك بالنبي يخليك تحشر معاه ؟؟؟؟بالله عليك مش ده شيء غالي اوي و يستاهل تضحيه ؟
و تخيل مش لما تحس انك بتتشبه بالنبي ده هيقودك لاشياء كتير حلوة
زي مثلا الاتباع لسنته
و انك تجتهد في الطاعات
و مش هتخلي كلمه وحشه تطلع منك---منتا بتتشبه بالنبي
قدوة كبيره هتبقي امام عيونك
طب هقولك علي حاجه و ده زي مبيقولوا مربط الفرس
بالله عليكم-و بستحلفكم بالله
هل يا جماعه احنا واخدين سيدنا محمد عليه الصلاه و السلام قدوة بجد
بكل الاسف لا ( الا من رحم ربك )
عاوزين نقب تاني و ناخده قدوة في كل حياته
سيدنا محمد كان نظيف و مرتب و متعاون و منظم و عابد و تقي
ليه مناخدش ده كله
سيدنا محمد كان دنيا و دين مكنش دين منعزل عن الدنيا
كان دين واقعي
اخي في الله
ايدك في ايدي
و تعالي نفكر سوا
طريقنا واحد و هدفنا واحد
و ادينا بنتناقش
اسف جدا للاطاله و اتمني ان يكون اسلوبي مضايقش اي حد
استابينا يا otefa باشا
أنا هقول حاجة أنا مقتنع بيها .. انت شكلك أحلى باللحية .. أيوة انت شكلك أحلى .. الرسول عليه الصلاة و السلام قال فى حديث صحيح ان اللحية من الفطرة .. الفطرة انك تشوف الصح صح و الغلط غلط .. يعنى مثلا لو شفت حد حالق حواجبه .. هتشمئز و تقول ايه ده هو شكلة غريب كده ليه .. نفس الشىء المفروض يحصل بالنسبة للحية .. لكن عشان احنا اتعودنا على كده .. فحصل عندنا خلل فى الفطرة من الحتة دى فألفنا أو تعودنا على كده.
زى بالضبط لو واحد مثلا راح اشتغل فى شرم الشيخ .. أول ما يروح ممكن يصدم لما يلاقى واحدة ماشية بمايوة و كده ويقول لك الناس دى مش مكسوفة ولا ايه .. ده لسه فطرتة سليمة .. و بعد فترة تلاقية عادى جدا ولا الموضوع ده بيأثر فيه .. حصل له انتكاسة للفطرة من كتر رؤية المعاصى .. وهى نفسها ممكن أول مرة تلبس فيها كدة كانت مش قادرة تخرج قدام الناس لكن بعد كدة الموضوع بأه عادى .. و الموضوع ده بيحصل معانا كلنا و فى أمثلة كتير مش مجالها دلوقتى.
طيب أنا مش شايف نفسى أحلى يبقى دى مشكلة فيه أنا مش فى اللحية .. و المفروض انى أصلح فى نفسى انى أنى أشوف اللحية حاجة كويسه مش العكس حتى لو أنا مش ملتحى .. و الموضوع ده له أسباب كتير .. من أكتر أسبابها الاعلام اللى سوأ صورة الملتحين و صورهم فى صولاة متشددين و متزمتين .. و أنا عن نفسى قابلت ملتحين كتير مشفتش ولا واحد فيهم متشدد ولا متزمت .. بالعكس ناس مرحة جدا .. و ليهم نشاطات و هوايات .. و ناس محترمة جدا .. عمرى بصراحة ما شفت حد بيقول "لا تناقش ولا تجادل يا أخ على" زى فيلم الارهابى ولا حد بيسيب شغلة و يقعد يصلى نوافل و ميمشيش شغل الناس زى فيلم الارهاب و الكباب ولا ى مثال من الأمثلة اللى مالية الاعلام بتاعنا.
ودى قصة بتبين أنا كنت عاوز أقول ايه:
كان هناك ملك لقريه من القرى , أصيب بمرض أضطر فيه ان يقطع أنفه الأن هذاأفضل طريقة طرحها الطبيب للملك , فوافق الملك على ذلك الأنه كان مضطرا الىذلك .
و في اليوم الثاني دخل الوزير على الملك فأندهشأن الملك ليس لديه أنف فمنالدهشه ضحك بأعلى صوته , فغضب الملك , و أمر من الطبيب أن يقطع أنفالوزير
و في اليوم الثالث , شاهد الوزراء "" المساعدين "" الوزير فضحكوا عيه حتىبكوه , فغضب الوزير و أخبر الملك أنهم يضحكون عليه , فأمر الملك من الطبيبان يقطع انف الوزراء
و في اليوم الرابع خرج الملك مع الوزير و الوزراء لحل بعض مشاكل الشعب , فعندما رؤوهم الشعب ضحكوا عليهم , و مرة أخر أمر الملك من الطبيب ان يقطعأنف جميع الشعب و أنف من يلد من الأطفال .
و بعد أيام أتى رجل الى هذه القرية ووجد ان الجميع مقطوعي الأنف فاندهش وعندما رأوه شعب القريه ضحكوا عليه قائلين : ههههههههههااااااااااااااا اااااااااااي أنظروا رجل بأنف ههههااااااااااي
((و بعد أيام أتى رجل الى هذه القرية ووجد ان الجميع مقطوعي الأنف فاندهش وعندما رأوه شعب القريه ضحكوا عليه قائلين : ههههههههههااااااااااااااا اااااااااااي أنظروا رجل بأنف ههههااااااااااي))
جامدة جداااااااا هههههههههههههه
ومعبرة
واقعنا الفترة السابقة
كان هناك ملك لقريه من القرى , أصيب بمرض أضطر فيه ان يقطع أنفه الأن هذاأفضل طريقة طرحها الطبيب للملك , فوافق الملك على ذلك الأنه كان مضطرا الىذلك .
و في اليوم الثاني دخل الوزير على الملك فأندهشأن الملك ليس لديه أنف فمنالدهشه ضحك بأعلى صوته , فغضب الملك , و أمر من الطبيب أن يقطع أنفالوزير
و في اليوم الثالث , شاهد الوزراء "" المساعدين "" الوزير فضحكوا عيه حتىبكوه , فغضب الوزير و أخبر الملك أنهم يضحكون عليه , فأمر الملك من الطبيبان يقطع انف الوزراء
و في اليوم الرابع خرج الملك مع الوزير و الوزراء لحل بعض مشاكل الشعب , فعندما رؤوهم الشعب ضحكوا عليهم , و مرة أخر أمر الملك من الطبيب ان يقطعأنف جميع الشعب و أنف من يلد من الأطفال .
و بعد أيام أتى رجل الى هذه القرية ووجد ان الجميع مقطوعي الأنف فاندهش وعندما رأوه شعب القريه ضحكوا عليه قائلين : ههههههههههااااااااااااااا اااااااااااي أنظروا رجل بأنف ههههااااااااااي
في الجوووووووووووووووووووون
هو ده المفيد
ادعولي يا شباب استمر
عزمت علي اطلاقها بقالي اسبوع او اتنين اهه
غير كده .. بتكون حاجه عزيزة عليك فبتخاف انك تفقدها.
بلس .. انك بتلاقى نفسك استريحت من عناء اسمه حلاقة الدقن كل يومين .. ده غير احترام الناس ليك .. حتى لو غلطت مثلا و زنقت على حد بدون قصد .. تلاقيه هينفتح فيك .. أول ما يشوفك ملتحى يقول لك .. توكل على الله يا شيخ (بس متستغلش الموضوع ده :) )
اللهم ارزقنا الاخلاص فى القول و العمل.
ربنا يثبتك يا ابو حميد و يديلك خيرها و يكفيك شرها :Oc_sun1[1]:
انا عايزك تشكر ربنا على نعمته عليك و متفكرش الا فى شىء واحد .... انك بترضى ربنا ... تخيل ان ربنا سبحانه و تعالى من فوق 7 سماوات يكون راضى عنك
و اوصيك بشىء واحد فقط و هو اللى هيجيبلك الخير كله : التزم بالصلاة فى المسجد و بس
و تعامل مع اصدقاءك من منطق القوة و ليس الضعف
و كفى بما تفعل بأنك متشبه بأفضل الخلق محمد صلى الله عليه و سلم
جزاكم الله خيرا يا دكتور احمد السعيد
و انا بعلنها عن نفسي اني اتمني اكون من اصدقاء الاستاذ احمد عزahmedezz
و احنا اخوات و ربنا يبارك فيك و تبقي مثال للمسلم القويم باذن الله
الله يبارك فيكو جميعاً .. و الف شكر علي دعواتكو الطيبة دي
الله يبارك فيك
لا طبعا الشرف ليا
بارك الله فيك يا أستاذ أحمد وثبتك
وكما قال أخي د.أحمد وبدون أدلة ولا نصوص ولا جدال.........
يكفي....بل يكفي أنك تتشبه بأفضل وأشرف الخلق محمد صلى الله عليه وسلم
ربنا يجعلها في ميزان حسناتك و ان شاء الله انت اول واحد ياخد بالنصيحه دي في المنتدي و ان شاء الله هتبقي كل اللي بعد هيبقوا في ميزانك ان شاء الله
عندي كام سؤال كده:
1- طول اللحية المفروض الى مالا نهاية...يعني ممكن اهذب اللحية و اظبطها؟؟
2- الشارب اسيبه و احلقه خالص و ايه حدوده؟؟
3- هل حرام لو انا أخدت من اللحية؟
السلام عليكم ورحمة الله وبركاته
بسم الله والحمد لله , اللهم ياذا الجلال والإكرام ياحي يا قيوم يابديع السموات والإرض يامالك يوم
الدين ياودود يا ذا العرش المجيد يا فعالا لما يريد , يا رحمن يا رحيم
اللهم صل على محمد وعلى ءال محمد كما صليت على إبراهيم وعلى ءال إبراهيم إنك حميد مجيد
اللهم بارك على محمد وعلى ءال محمد كما باركت على إبراهيم وعلى ءال إبراهيم إنك حميد مجيد
اللهم ثبت أخانا أحمد بالقول الثابت في الحياة الدنيا والآخرة ,
اللهم اهد قلبه وحصن فرجه واغفر ذنبه ,
اللهم زوده التقوى ويسر له الخير حيثما كان ,
اللهم ارزقه الصحبة الصالحة التي تعينه على أمر دينه ,
اللهم جنبه قرناء السوء ,
اللهم اجعله من الذين يستمعون القول فيتبعون أحسنه
أولئك الذين هداهم الله وأولئك هم الراشدون
[mark=#ad0303]
اللهم صل وسلم على الحبيب محمد
[/mark]