خلاص معدش حد هيجيبك من بيتك في نص الليل...طب مش عايز تربيها ليه؟!
السلام عليكم ورحمة الله وبركاته
الحمد لله البعبع اللى كان الناس بتخاف منه وبتعمله حساب ربنا خده وذله وجعله اية البعبع ده احنا عارفينه (جهاز امن الدولة لصاحبه منير بيه وولده الشويش فرج ) كان طبعا حجة لكثير من الناس وكل واحد تسأله انت مش مربيها ليه يقولك
-انا بخاف علي نفسي
- يا عمي لا ضرر ولا ضرار والأيمان في القلب مش في اللحية
- انا عارف انها فرض بس خايف علشان جارنا خدوه من 15 سنة علشان لحيته ولسة في المعتقل لغاية دلوقتي
- اللحية سنة مش فرض وبعدين الكفار كانوا بيربوا دقنهم يبقي كده هما مؤمنين
-اصلي انا مش هعرف اشتغل لو ربيت لحيتي.
- انتم بتوع مظاهر اهم حاجة القلب.
طبعا الكلام ده كله احنا عارفينه وسمعناه بودننا
طب دلوقتي انتفت الأسباب معدش ليك حجة مستني ايه...اللحية سنة عن النبي امر بها وحلقها حرام...حرام..انت يا عمي بتفتي علي مزاجك كل حاجة تحرموها وتحللولها بمزاجكم...يا سيدي الفاضل هو ده كلامي ولا انا جايب حاجة من عندي ده كلام النبي عليه الصلاة والسلام اللى انت اتضايفت لما كانوا بيرسموه واللى انت كنت بتقول انا بحب النبي واللى انت كنت بتقول اللى يحب النبي يزق...يا عمي احنا مش بنتكلم علي عربية ترمس هنزقها..انت بتحب النبي ولا لأ؟؟ عايز تتبع النبي ولا لأ ؟؟ هتقوللي انت سبت كل السنن وماسك في اللحية...طب ما هو يا سيدي الفاضل هي اللحية دي مش من السنن ومن السنن الواجبة كمان يعني اللى يحلقها بدون عذر شرعي يأثم اللحية مش مجرد شعر في دقنك اللحية اتباع للنبي عليه الصلاة والسلاة واتباع لسنن الفطرة ورمز عارف يعني ايه رمز...يعني ينفع بلد ميبقاش ليها علم طبعا مينفعش.
وخد الدليل اهو علشان ميبقاش عندك حجة.
YouTube - ‫ط§ظ„ط£ط¯ظ„ط© ط¹ظ„ظ‰ ظˆط¬ظˆط¨ ط§ظ„ظ„ط.ظٹط© ظ„ظ„ط´ظٹط® ط£ط¨ظٹ ط¥ط³ط.ط§ظ‚ ط§ظ„ط.ظˆظٹظ†ظٹ‬‎
YouTube - ‫ط.ظƒظ… ط.ظ„ظ‚ ط§ظ„ظ„ط.ظٹط© طںطں ط§ظ„ط´ظٹط® ظ…ط.ظ…ط¯ ط.ط³ط§ظ†‬‎