الموضوع: سؤال لخبراء 132 ضروري

طيب متشوف ال 131 شوفلك واحده 1600 وتبقى ريحت دماغك من موضوع البنزين بتاع ال2000 وال 131 مساكه نفسيها في البيع

المشاركة الأصلية كتبت بواسطة smaalos

طيب متشوف ال 131 شوفلك واحده 1600 وتبقى ريحت دماغك من موضوع البنزين بتاع ال2000 وال 131 مساكه نفسيها في البيع

يا ريت الـ 31 حلوة برضو والريجاتا كمان ممتازة بس أعتقد على حسب علمي إن الـ 15 مش هيجيبو حاجة نظيفة الحاجات دي على ما بسمع بتبدأ من ال20 وانت طالع إلا إذا كانت أسعارهم نزلت دلوقتي بصراحة أنا مش عارف أرجو الإفادة

طيب لو لسه مبتدىء ما تجبلك سوزوكى ماروتى حلوه و صغيره اتعلم عليها برحتك و بعدين بعها

المشاركة الأصلية كتبت بواسطة ahmed79

انا قعدت العربيه ديت معايا 7 سنين حفض المسمار هى عربيه الله الوكيل حماله اسيه اى حد بيصلحها بس الشرط الاساسى ان العربيه تكون سليمه لو سليمه وحبيت تصلح فيها حاجه هتظبط معاك هى فيها مشكله ان قطع غيار الاستيراد بتعتها غليه سعرها كده حلو مش هتلاقى السعر ده بس شرط الحاله بخصوص البنزين متغيرش غاز خليك بنزين واشتغل 80 انا كانت عربيتى الكربرتير مظبوط كانت بتعمل معايا حوالى 190 فى الصفيحه على الطريق السريع ولو مبتعرفش فيهم خلى حد يشفلك العربيه كويس واتفرج بانهار ولو فيها شويه برومه امرها سهل طول مهى بعيد عن الاساسيات

يا باشا بارك الله فيك أنا سعيد جداً إني قرأت رد لأحد ملاك الـ 132 وأعتقد 7 سنين كافية جداً عشان تحكم عليها وإن شاء الله لو في نصيب إني آخدها هعمل بنصيحة حضرتك ومش هعملها غاز لكن لو العربية مش مظبوطة وبتاكل بنزين أكتر من المعدل اللي حضرتك قلت عليه في الحالة دي بتكون المشكلة في ايه بالظبط وهل حلها سهل وتكلفة حلها تقريباً ايه ولا دي مشكلة كفيلة إني أصرف نظر عن العربية وأشوف غيرها وألف شكر مرة تانية

المشاركة الأصلية كتبت بواسطة mohamed9999

طيب لو لسه مبتدىء ما تجبلك سوزوكى ماروتى حلوه و صغيره اتعلم عليها برحتك و بعدين بعها

هي فكرة وجيهة جداً طبعاً أشكر حضرتك عليها لكن المشكلة إني اتعلمت السواقة على عربيات نقل (ديزل) وده خلاني أولاً أحب جداً العربيات الكبيرة والقوية وبحس إني بتعامل معاها أفضل كتير من الصغيرة وثانياً أنا تقريباً عمري ما سوقت عربية بنزين يبقى أول تعامل يكون مع الماروتي أعتقد على ما اتعود عليها تكون بقت حطام إنما ال132 ما شاء الله كبيرة وعاملة زي الصخرة يعني تتحمل البهدلة

المشاركة الأصلية كتبت بواسطة mammam

يا ريت الـ 31 حلوة برضو والريجاتا كمان ممتازة بس أعتقد على حسب علمي إن الـ 15 مش هيجيبو حاجة نظيفة الحاجات دي على ما بسمع بتبدأ من ال20 وانت طالع إلا إذا كانت أسعارهم نزلت دلوقتي بصراحة أنا مش عارف أرجو الإفادة

يا سيدى سيبك خالص من اسعار النت والسوق انا كان قدامى 131 مشدودة فى الكامل بحالة تحفة ب 13500 مرضيتش اخدها و كان فيه كلام فى السعر ويوم لما نزلت السوق اسال على 131 لقيت واحدة راشة دواخل وشكلها مقلوبة وبيقوللى دى عربية زيرو وعايز 22000 طبعا مقدرش اقول غير ربنا يهدى

المشاركة الأصلية كتبت بواسطة mammam

يعني الغاز عملي ومش هيأثر على الموتور ويضعف العربية اللي هي مميزة أصلاً بقوة موتورها وعلى فكرة يا جماعة أنا مش مصمم قوي على 132 يعني لو في أي اقتراحات تانية أنسب وكويسه في حدود 15 ألف بس ما تتعبنيش يا ريت تقولو بس 15 مش أكتر لأني مش مستعد أزود حاجة في الوقت الحالي
أنا آسف على أسئلتي الكتير وجزاكم الله خير

الغاز اكيد بياثر على عمر الموتور والسحب بس تاثيره على عمر الموتور بيوفر اكتر منه فى البنزين و السحب ممكن يتظبط شوية بميكانيكى شاطر يديك 80% من سحب النزين

[QUOTE=keko;3873404333]يا سيدى سيبك خالص من اسعار النت والسوق انا كان قدامى 131 مشدودة فى الكامل بحالة تحفة ب 13500 مرضيتش اخدها و كان فيه كلام فى السعر ويوم لما نزلت السوق اسال على 131 لقيت واحدة راشة دواخل وشكلها مقلوبة وبيقوللى دى عربية زيرو وعايز 22000 طبعا مقدرش اقول غير ربنا يهدى

أنا عارف إن أسعار النت مش مقياس لأنها مبالغ فيها وغير منطقية أنا قلت كده لأن واحد جاري فعلاً جاب 131 بـ 20 ألف وهو راجل إيده في العربيات وفاهم كويس هو بيشتري ايه بس السعر كان تقريباً من سنة أو أكتر أكيد الأسعار اتغيرت دلوقتي وعلى العموم إن شاء الله أنا رايح بكره أتفرج على ال 132 لأني وعدت الراجل ولو طلعت كويسة وأساسياتها سليمة ومش محتاجة مصاريف أو مصاريفها في المعقول هتوكل على الله ولو مفيش نصيب أكيد هدور إن شاء الله على 131 بس يا ريت ألاقي واحدة زي اللي حضرتك قلت عليها تبقى تمام وبالنسبة للغاز أنا تراجعت عن الفكرة لأن لو الاستهلاك زي ما الأستاذ Ahmed79 قال 190 كيلو في الصيفحة الـ 80 يبقى معدل معقول ومرضي جداً بالنسبة لي وفي النهاية أشكر حضرتك على الاهتمام وادعيلي ربنا يوفقني لأني عامل زي اللي ماشي في الظلمة نظراً لاني معنديش خبرة في الموضوع ده خالص لكن