اقتباس المشاركة الأصلية كتبت بواسطة greenday مشاهدة المشاركة
يعنى فى رايك لو عندك عربية واجرتها لواحد ودفعلك تمنها واكتر خلال السنين اللى اجرتها فيها ممكن تسيبه ياخدها ولا هتطلبها منه ياريت تجوابنى بالنسبة للصيانة احنا بيطلعنا دخل فى العمارة بتاعتنا وهى 18 شقة بناخد 150 جنيه فى الشهر بتتقسم على الورثة نصيبى بيبقى 30 جنيه فى الشهر وكمان عايز صاحب البيت هو اللى يدفع الصيانة حرام عليك ده احنا لما بنطلب 10 جنيه من كل ساكن عشان نعمل صيانة ولا نصلح البلاط المكسور محدش بيرضى بالرغم ان جميع السكان مقتدرين واقل واحد فيهم شغال فى البترول او مسافر الخليج من 30 سنة واكتر وانا جدى الله يرحمه كان بيسلم الشقق للمستاجرين متوضبة ده حتى كان مركبلهم ابواب واحواض وكله مش مشكلتى ان فى ناس كانوا جشعين زى ما فى دلوقتى مستاجرين اكثر جشاعة وبالنسبة للدين احنا لا بنرتدى رداء التدين ولا حاجة بس لما الدين يكون بيحرم الموضوع ده وانت مش مقتنع بيه فدى مشكلتك انت اما الكلام و الفتاوى اللى موجودة مش احنا اللى قايلنها وممكن تسال فى دار الأفتاء ده لو رأى الدين يهمك طبعا
ياريت انا اللي اسأل حضرتك ، انت بتقول انك اجرتلي عربية و انا هديلك ايجار .. طيب ايه رأي حضرتك لو انك كتبت بالعقد انك اجرتلي عربية فول ابشن و زي الفل و في الحقيقة انها ناقصها ماتور انا اللي هشتريه و ناقصها كاوتش انا اللي هشتريه و ناقصها فرش انا اللي هشتريه تسمي دا ايه ؟ لأ و كما بتاخد مني مبلغ ممكن يعادل نص ثمن العربية و غير مثبت بالعقد ! تسمي ده ايه ؟ ياريت حضرتك تسأل عن رأي الدين هنا . حضرتك بتتكلم على الصيانة ، هو فيه مالك عمارة ايجار بيصرف عليها صيانة !! ده بيبقى نفسه انها تتهد على اللي فيها ! حضرتك بتقول ان في سكان عندك كانت في الخليج و مقتدرة و ده بيبررلك انك عايز تزود الايجار ! طيب لو السكان اللي عندك حصلهم اي ظرف مادي فقرهم ، كان يبقى لهم الحق انهم يخفضوا الايجار ؟ و بكرر ياريت ما نلبسش الموضوع رداء الدين و نتصيد فتاوي تأيد وجهة نظرنا لاني متأكد انه عند عرض الصورة الكاملة على اي مفتي مش هيفتي ابدا بظلم ! الدين لا يتجزأ ، عايز حكم الدين ، حكمه من الاول للآخر ، و لا ايه ؟