اقتباس المشاركة الأصلية كتبت بواسطة xpin مشاهدة المشاركة
ياريت انا اللي اسأل حضرت ، انت بتقول انك اجرتلي عربية و انا هديلك ايجار .. طيب ايه رأي حضرتك لو انك كتبت بالعقد انك اجرتلي عربية فول ابشن و زي الفل و في الحقيقة انها ناقصها ماتور انا اللي هشتريه و ناقصها كاوتش انا اللي هشتريه و ناقصها فرش انا اللي هشتريه تسمي دا ايه ؟ لأ و كما بتاخد مني مبلغ ممكن يعادل نص ثمن الشقة و غير مثبت بالعقد ! تسمي ده ايه ؟ ياريت حضرتك تسأل عن رأي الدين هنا . حضرتك بتتكلم على الصيانة ، هو فيه مالك عمارة ايجار بيصرف عليها صيانة !! ده بيبقى نفسه انها تتهد على اللي فيها ! حضرتك بتقول ان في سكان عندك كانت في الخليج و مقتدرة و ده بيبررلك انك عايز تزود الايجار ! طيب لو السكان اللي عندك حصلهم اي ظرف مادي فقرهم ، كان يبقى لهم الحق انهم يخفضوا الايجار ؟ و بكرر ياريت ما نلبسش الموضوع رداء الدين و نتصيد فتاوي تأيد وجهة نظرنا لاني متأكد انه عند عرض الصورة الكاملة على اي مفتي مش هيفتي ابدا بظلم !
انت برده مصر تتكلم عن حالتك او حالة معينة فى دماغك بالنسبة للعمارة بتاعتنا جدى كان بيدهالهم متشطبة وفيها كل حاجة وبالنسبة للصيانة انت شايف ان مبلغ الأيجار ممكن يندفع منه صيانة ده على أساس ان المالك هيصرف من جيبه على المستاجر والمفروض يعيشه فى رفاهية مش نتكلم بالعقل اى مشروع استثمارى لازم يبقى فى ربح واللى كان بيعمل عمارة زمان كان بيعملها عشان يامن مستقبل اولاده واحفاده من بعده مش عشان عملها زكاة يأمن على مستقبل المستاجر واولاده وبالنسبة للايجار ده الحكومة نفسها شالت الدعم فى كل حاجة هو انت بتدفع الفلوس اللى كنت بتدفعها فى الكهرباء زمان او التليفون او حتى أجرة الأتوبيس المالك مش وظيفته ولا مسئوليته تدعيم المستاجرين الحكومة هى اللى المفروض تدعمهم انا كل اللى عايزه حقى يرجعلى انا او غيرى وهو الحال انقلب ولا ايه انا اللى بقدم خدمة مقابل اجر مش المستاجر بيقدملى خدمة عشان ساكن عندى وبالنسبة للفتوى ياريت لو عندك فتوى فى الموضوع ده بتخالف اللى انا قلته ياريت تعرضهلنا