مع اني غير مقتنع بالبرادعي كرئيس للجمهوريه... لكن البرادعي مش خاين
و مش عميل, و مش جاسوس, و مش كافر, و مش علماني, و الحاجات العجيبه دي
نفسي افهم اشمعنى البرادعي اللي عليه الهجوم الغريب ده...!!!!!!؟؟؟
زوجة الرئيس الراحل جمال عبد الناصر كانت سافره (بشعرها) و ماحدش نطق
زوجة الرئيس الراحل انور السادات كانت سافره... و ماحدش نطق
زوجة الرئيس المخلوع مبارك كانت سافره... و ماحدش نطق
زوجة جمال مبارك كانت سافره... و ماحدش نطق
حمى جمال مبارك تاجر سلاح, و ليه علاقات مع اسرائيل... و ماحدش نطق
زوجة علاء مبارك كانت سافره, و لبست الحجاب, و قلعته بالأمر المباشر
و تحت ضغط من البيه حماها (مبارك) و حماتها (سوزان) و ماحدش نطق
عمرو موسى بيشرب خمره... و ماحدش نطق
كل الوزراء زوجاتهم سافرات, و اغلبهم بيشرب خمره و ماحدش كان بينطق
و هنا لازم نقول (( إلا من رحم ربي ))...
و ما خفي كان اعظم... اشمعنى البرادعي تحديداً اللي بيتعمل فيه كده؟؟؟؟؟؟؟
العدل و الانصاف ان اللي بيتكلم لا يكيل بمكيالين, و يا يتكلم عن الكل
يا اما ما نتكلمش عن حد خاااالص بقى, يا ننتقد الكل يا بلاش...
حتى لو كان ظلم... المساواه في الظلم تعتبر عدل بشكل او بآخر
و الأصح اننا لا نخوض في اعراض الناس... إلا الأعراااااض يا مسلمين
في النهايه... كل واحد حر في التصويت لمن يراه مناسب لمنصب رئيس الجمهوريه
المفضلات