الموضوع: د.محمد البرادعي في واحد من الناس

المشاركة الأصلية كتبت بواسطة hobiko

و لما محمد بديع قال إن من حق القبطي و المرأة الترشح لتولي الرئاسة ...... برضه مايعرفش حاجة عن الإسلام ؟؟؟؟؟!!!!!!!


و لما البسطويسي قال إنو لا يمانع في أن يكون نائبه قبطي ...... إيه ظروفه برضه ؟؟؟؟؟!!!!!


و حمدين صباحي و لو سألو عمرو موسى حيقول نفس الكلام


دة حتى عبود الزمر قال إنه لا يمانع في ترشح القبطي و المرأة للرئاسه رغم إنه مش حيديهم صوته



أنا نفسي أعرف ....... اشمعنى البرادعي إلي بيتم انتقاده ؟؟؟؟؟ مدام إنت ضد الرأي دة ...... اشمعنى مش بتجيب سيرة باقي الناس إلي ليها نفس الرأي ؟؟؟؟؟!!!!!

زود عندك المفتى على جمعه...وبانتظار اجابه لسؤالك برضه

المشاركة الأصلية كتبت بواسطة dr-mohamed

دستور توافقي بين ايه وايه ؟؟؟؟؟؟
وايه هي القيم الانسانية العالمية ؟؟
وما هي حدود الحرية والمساواة ؟؟؟؟؟؟؟؟؟؟؟
الحرية المحدودة بالشريعة الاسلامية ام حرية الشذوذ والدعارة ؟؟؟؟؟؟؟؟؟؟

أنا لسه راجع من ايقاف طويل بسبب اني كنت بدافع عن د البرادعي علشان كنت بقول ان اللي بيهاجموه مش بيفكروا بطريقه عقلانيه سليمه

أحب أقولك ان الحريه اللي بيدعوا بيها البرادعي هي الحريه التي يرتضيها الشعب المصري ( المحدوده بالشريعه الاسلاميه ) وهو قال سأكون وكيلا وخادما للشعب مش قال هافرض الشذوذ والدعاره

مش عارف بتحاولوا تلصقوا الشذوذ والدعاره بالبرادعي ليه معقوله ده كلام الراجل مسلم زيك والله أعلم من أفضل عند الله جايز يكون احسن منك ؟؟؟؟؟؟

المشاركة الأصلية كتبت بواسطة dr-mohamed

طبيعي ان اللى مش مقتنع بالبرادعي هاينتخب غيره حد قال غير كدة ؟
ومش عارف لكام عضو اللى بيحبوا البرادعي دول لو كح يقولوا كح علشان عبقري وعارف المستقبل وياتيه الوحي ولا يخطئ ابدا ويجب علي الجميع سماع كلامه وبتاع .......
لكن اللى بيتعمل دا والهل لا يفرق عن اللى كان بيعمله الحزب الوطني ...... انتوا محبين له ماسكين في كل لكمة يقولها انها عبقرية وانه مظلوم ومضطهد والناس بتنتقده...... وتيجي تناقش مبنوصلش لحاجة علشان تحجير الدماع دا الراجل عمل ايه علشان تتكلموا كدا ... مش عايز اقول اسلوب تاييده مضحك والله

ههههههههههههههههه
انا نفسي اعرف والله ردود حضرتك دى جد ولا هزار..ليه بتعيد نفس الرد بتاع الى بتكلمه مع عكس بعض الكلمات

المشاركة الأصلية كتبت بواسطة deee

انا اختار رئيس الجمهورية على اساس خبرته الدولية .. العلمية .. الاقتصادية .. الادارية .. الانسانية

لكن مش هختار رئيس الجمهورية على اساس ان بنته بتلبس مايوه يبأه لأ ولو مش بتلبس يبأه آه .. هههههههههههههههه
والله حاجة تضحك .

الاول كان فى مليون تهمه لبعض كارهى البرادعى وشويه شويه الحقيقه بتبان..معدش فى غير موضوع المايوه ههههههههه والله انا بقيت ادخل مواضيع البرادعى زمان كانت الاتهامات بتاع امريكا وايران والعراق كنت بستغرب من الى مصدق الكلام الاهبل دا ...دلوقتى بقت حاجات تضحك على رأيك والله...
يلا يمكن البرادعى يدخل الانتخابات ويدوا له رمز المايوه

المشاركة الأصلية كتبت بواسطة نور القمر

بالنسبة لي العيب الوحيد اللي شايفاه في البرادعي وياريت لو غلطانة حد يصحح لي الخطأ
ان امريكا من اكبر المؤيديين لتولي البرادعي رئاسة مصر
واعتقد انها ساهمت بشكل كبير في تلميعه اعلاميا في مصر في السنوات اللي فاتت وانه كان محمي من امريكا بشكل او بآخر وإلا كان مبارك وحاشيته خلصوا عليه او منعوه من دخول مصر او لبسوه اي قضية
ومجرد اني اشعر ان امريكا عايزاه هو بالذات مش هطمن ان ولاءه يكون لبلده ولشعبه

بعد كل المناقشات دي ولسه يا استاذه نور تقولي امريكا عايزة البرادعي ؟!!
امريكا ضد البرادعي علطول الخط وكمان اسمعي تصريحات المسئوليين الاسرائليين وخوفهم يمسك حكم مصر
وزاد خوف امريكا منه بعد تحالفه مع الاخوان وانفتاحه على ايران
وفضل 3 دورات في الوكالة رغما عن امريكا لان الوكالة مفيهاش فيتو ولكن باصوات اعداد الدول المشتركة في الوكالة
يعني بالعقل كده ايهما افضل لامريكا

واعتقد انها ساهمت بشكل كبير في تلميعه اعلاميا في مصر في السنوات اللي فاتت

مبارك ولا البرادعي
وكلامي ده احقاقا للحق وليس دعاية للبرادعي لاني واثق مليون في المية انه لن يفوز في الانتخابات
خلاص الجيش رشح الفريق مجدي حتاتة رئيس أركان القوات المسلحة السابق
احنا يا حسرتنا مصدقين ان الجيش هيسلمها للمدنيين
ولكن كل ده تسجيد ومستحيل هيفرط في مكتسباته من ثورة 23 يوليو
اذا كان ماده50% عمال وفلاحين رفضوا يلغوها لانها من مكتسبات ثورة يوليو زي ما قال اللواء ممدوح شاهين يعني قيادة الجيش مش معترفة بثورة يناير (الا على الفيس بوك كما قال احدهم)
احنا عمال نتخانق على البرادعي هيفوز ولا لأ والفريق مجدي حتاته بيظبط نفسه لكرسي الرئاسة بعد ان تم حرق مرشح مبارك وهو الفريق احمد شفيق وجه البديل الاستاذ حتاته

و لا عزاء للشهداء