الموضوع: د.محمد البرادعي في واحد من الناس

المشاركة الأصلية كتبت بواسطة ahmed_emad

دي مؤامرة جهنمية على كده اللي بدأت عام 2004 وتوقعت كل خطوة هتحصل لحد عام 2011، ويمكن كمان رتبوا للثورة وخلع مبارك وبالتأكيد هما مرتبين تزوير الانتخابات الرئاسية القادمة (وإلا فلن يكتمل المخطط)...وكل ده من أجل وضع شخص موالي ليهم بدلاً من الرئيس صلاح الدين مبارك الأيوبي المعارض القوي للسياسات الأمريكية في المنطقة الذي رفض مرور حاملات الطائرات الأمريكية المتوجهة لغزو العراق، وأبى أن يشارك في حصار غزة ورفض بيع الغاز المصري لإسرائيل بتراب الفلوس وكان يعد العدة لتحرير فلسطين واستعادة القدس!

أنا ماجيبتش سيرة مصر والثورة المصرية ولو تحب كان لي مشاركات يوم 31/1 بتوضح مايحدث في الثورة المصرية وتطابقت مع مايحدث للأن لحد يصل ل80% على الأقل
وهو سيادتك فاكر أمريكا واليهود بيبصو تحت رجليهم زي رجل الشارع العادي ماكنتش أسرائيل في فلسطين المحتلة تطلعلنا لسانها كل العمر ده .........ولا شايفهم ملايكة ومثاليين بيدورو على صالح الأنسانية والشعارات الرنانة
وهانروح بعيد ليه نبص كده على ليبيا ونشوف السيناريو هايوصل لفين

المشاركة الأصلية كتبت بواسطة mahmoud saloum

يا أستاذ ميدو "الكام عضو اللى مش بيحبوه" ؟؟؟ والله لو انتو فكرتوا واشتغلتوا على هذا الأساس فى الحملة الانتخابية للراجل هيبقى عدد الأصوات اللى هاياخدها فضيحة بمعنى الكلمة يا أخى الفاضل أقسم بالله ان الغالبية العامة من المصريين مبتقبلوش سيبك من النت انزل للناس واسمع كلامهم ورأيهم فيه لازم يا جماعة تعرفوا ان شعبيته فى الحضيض لو ناوين تبذلوا مجهود فى الحملة الانتخابية. ده كلام فنى بحت ملوش دعوة بأنى ضد الراجل.

انا هديله صوتى وعارف بنسبه كبيره مش هيكسب...بس مش طالع نازل بقى اشتم واطلع اشاعات على منافسيه
الموضوع مش حمله ولا غيره..كل واحد حر يا استاذ محمود فى الى هيديله صوته..انا هنتخب فلان وانت علان والى الاغلبيه هتوافق عليه هيكسب...
الفكره ادوا لكل واحد حقه مش شخص مش هينتخب البرادعى يقعد بقى يفترى عليه ومايوه وامريكا والعراق وعلمانى وعم شكشك والكلام الفارغ دا... كلام تافه وباين اوى الناس الى بتلف وتدور عشان تصطاد حاجه ليه..
انت مش بتحبه حقك انتخب غيره..لكن انت مش بتحبه وهتنتخب غيره ونازل طالع شتيمه وافترائات عليه لأ يبقى انت اسمحلى راجل مش تمام..الكلام غير موجه لحضرتك الكلام موجه لاصحاب الفكر دا

مش فاهم
يعنى الواشنطن بوست فبركه خبر سنه 2004 عشان يخدم البرادعى سنه 2011؟

نعم؟؟؟

لا ماعتقدش

امممم

لا لا

طيب

بس كده مش كويس

المشاركة الأصلية كتبت بواسطة otefa

بص حضرتك واشنطن بوست أو أي وسيلة أعلام بينطبق عليها النقاط الأساسية ألي ذكرتهم في مشاركتي فوق
ده غير أنه كل ماكبرت وسيلة الأعلام كل ماكان أحتمالات تسريب المعلومات لهم بحرص وبأغراض توجيهية حتى لو لم يعلمو ما الهدف ألي بيدور في الكواليس من وراء الخبر
الأعلام بصفة عامة أكبر وسيلة مؤثرة في رسم السياسات وتشكيل الرأي العام فمن غير المنطقي أنه لايستخدم في أغراض سياسية في دولة عظمى زي أمريكا ده غير دور اليهود الرئيسي في توجيه أعلامهم تبعا لمصالحهم المشتركة
وبعدين الخبر أيامها كان بخصوص قضية أيران والبرادعي والطاقة النووية(بلد لها أتصال مباشر بملف الشرق الأوسط) حاجة كده زي الشطرنج كر وفر وجس نبض وتفتيح دور في اللعبة الى أن تتضح الصورة وتهجم بالوزير وكش ملك.

المشاركة الأصلية كتبت بواسطة human12

مش فاهم
يعنى الواشنطن بوست فبركه خبر سنه 2004 عشان يخدم البرادعى سنه 2011؟

نعم؟؟؟

لا ماعتقدش

امممم

لا لا

طيب

بس كده مش كويس

موضوع فبركة الخبر فمش شرط خالص أنها تكون فبركته
من الجائز جدا وفي غاية السهولة تسريب أخبار من أجهزة رسمية
بأهداف مخفية لصالح أتجاه ما!!!!.......توجيه وأستعمار العقول أقوى من أستعمار العسكر

لن تسمح امريكا بوصول البرادعي للحكم
المخطط الان اعداد الفريق مجدي حتاته لرئاسة مصر

المشاركة الأصلية كتبت بواسطة otefa

موضوع فبركة الخبر فمش شرط خالص أنها تكون فبركته
من الجائز جدا وفي غاية السهولة تسريب أخبار من أجهزة رسمية
بأهداف مخفية لصالح أتجاه ما!!!!.......توجيه وأستعمار العقول أقوى من أستعمار العسكر

المشاركة الأصلية كتبت بواسطة ahmed_emad

يعني الخبر متسرب لكنه مش متفبرك

إذن فالخبر صحيح، وأمريكا فعلاً كانت تعارض البرادعي عام 2004 وتتجسس عليه بحثاً عن ذريعة لإقصاءه من رئاسة وكالة الطاقة الذرية

لكنها في نفس الوقت تخطط لزرعه لرئاسة مصر عام 2011!

لا حدود لإمكانيات نظرية المؤامرة

الله أعلم متفبرك ولا مش متفبرك......ولكن من السهل فبركت وتسريب أي خبر كان من أجهزة رسمية لأي دولة ودون مشاركة من جهاز أعلامي في الفبركة
رأي الشخصي أن البرادعي شخصيته غامضة وتثير تساؤلات عدة
ومش شايف حد على الساحة للأن الواحد ممكن يقول عليه واو هو ده ألي بندور عليه من زمان علشان يعدي بينا لبر الأمان.....نصبر يمكن الأيام ألي جاية تفاجأنا بمالانتوقعه