الموضوع: كلاكيت عاشر مرة - التصميم الداخلى لل فتيس mmt

المشاركة الأصلية كتبت بواسطة Sindibad

أولا أشكرك على التوضيح والر الجميل والمناقشة اللذيذه دى ولى مداخلات أذا سمحت لى وايد منك التعليق عليهم

1- نوع الكلاتش و الُ كنترولر لخاص بالجير بوكس مش قادر اعرف هو نوع ايه بالضبط ولما أروح التوكيل ان شاء الله هسأل عنهم ولأنى اعرف ان أغلب مكونات السيارة دى من شركات اوروبا فلازم يكونوا استعانو بيهم فى التكنولوجيا دى
2- المواتير الاوروبى اللى بتجيب عزم عند سرعات قليلة للموتور بيبقى على حساب استهلاك الوقود وده السبب الرئيسى ان اليابانيين عاملين مواتيرهم بساتم صغيرة ومشوار طويل زى ماتفضلت وقلت وده علشان التوفير فى الوقود والحقيقة نجحوا فى ده بشكل شجع الأوروبيين نفسهم على أقتناء اليابانى وسمعتهم هناك ممتازة

3- لما انا قلت كان يجب ان تويوتا تعمل ال E مود ينقل متأخر شوية عند 3000 لفة فى الدقيقة صحيح هو هيزود استهلاك الوقود شوية لكن مازال اقل من الأوروبى وده كان هيبقى حل يرضى الجميع

4- انا موافقك فى موضوع ان التكنولوجيا دى جديدة على تويوتا دايما فى اول المحاولات بيحصل فشل كتير ولكن انا متأكد ان اليابانيين لو حطوا دماغهم فى الموضوع ده هيتفوقوا فيه زى عن الاوروبيين نفسهم لكن هما ليهم شخصية تانيه وعاوزين يحققوا المعادلة الصعبة فى توفير وقود وعزم عالى وشد ولو تفتكر أو تعرف موضوع الشعرة اللى ارسلتها امريكا ليهم علشان يعملوا ادق منها واليبانيين خرموها وحطوا فيها شعرة تانية زى الأبرة كده

أنا شخصيا أحترم الصانع اليابانى ولكل جواد كبوة وكبوتهم المرة دى سمعت جامد لأن فى مصر مفيش هزار والمستخدم قاسى جدا وأراءه يايمين ياشمال مفيش وسط أبدا لو حط فى دماغه ان دى حاجه حلوة تبقى حلوة مهما كان ولو حط فى دماغه ان دى حاجه وحشة خلاص , مهما حصل هى وحشة!! مبيديش لنفسه فرصة
بس الحقيقة ان السياسة دى بتجيب مكاسب للمستخدم , لأن المستورد والوكلاء لازم يفكروا مائة مرة قبل ان يقرروا ادخال سيارة للسوق

وشكرا

انا اهتميت بكلامك ودخلت على المواقع للشركات اللى انت ذكرتها ووجدت ان الموتور القديم اللى هو بتاع الكورولا من 2001 الى 2006 وجدت ان الكلاتش تصنيع الشركة الأيطالية Quinton Hazzel ولكن لم استطع ان احصل على الموتور الجديد ولكن سوف أحاول ولكن مادام تويوتا بتجيب من اوروبا القطع الحديدية وتستغل تكنولوجيا تصنيع المعادن فى أوروبا يبقى اكيد مازالت تستعين بها فى الموتور الجديد

عفوا - ِشكرا