أجمل وأظرف الأمثال الشعبية ... شارك معنا

**TaoTao** · 15-04-2008 01:09 AM

المشاركة الأصلية كتبت بواسطة mohamed_88sk

الله يباركلك ويجزاك خير إن شاء الله .
والله يا سيدي الفاضل أنا كمان فاهم معنى الأمثال زي ما حضرتك واضحتهم بس من ساعة ما سمعت المشايخ بيقولوا كده بصراحه أنا خفت وقلت أمسك على لساني أحسن مدام فيها شبهة شك وفيها كلام يبقى أبعد عنها وكمان من ساعتها بقول للناس زي ماحصل هنا والله بغرض المنفعة وإيضاح الصورة مش أكتر وعشان مانقعش في محظور .
مثلا حضرتك في شريط أسمه ألفاظ تخالف العقيده للشيخ مسعد أنور كنت سمعته من أكتر من سناتين بيشير لأعنية عبد الحليم قدر أحمق الخطى سحقت هامتي خطاه بيقول بقى قدر ربنا أحمق وكده يعني فهو اللي أقصده وغيره من المشايخ يشيروا لحاجات ممكن تكون عدت علينا ومركزناش إنتباهنا فيها.
ممكن كمان والله أعلم زي ماحضرتك قلت يكون بعض مشايخ بيقولوا كده نوع بروباجاندا.بس عن نفسي مش بحب أخد جانب سئ عن نية حد لإن دي ربنا أعلم بيها.
ومع ذلك في ختامي أرجو بس أكون وصلتلكوا أقصد إيه بجد ما أقصد غير النصح لأنى أحبكم في الله والله.
على فكرة مثل الحظ لما يأتي ده بحبه جدا بس بقيت بحاول مأقولوش عشان الأسباب السابق ذكرها.
إدعولي بقى عندي إمتحان بكره.
السلام عليكم.

ربنا يباركلك في عقلك ورزانتك وحرصك في البعد عن الشبهات، وجزاك الله كل خير.
أنا متفق معاك في كل اللي قلته وفي وجوب اجتناب الشبهات، بس لما يبقى كل الحياة شبهات يبقى نعمل ايه؟! أنا سمعت أجزاء من هذا الدرس وحسيت إن فيه تجني كبير وتحميل للكلمات معاني ليست فيها (أنا سمعت المثلين بتوع الحلق والهبل، وماقتنعتش لأن المعنى أوضح من كل اللي قاله) بس أكيد في أجزاء من اجتهاداته مظبوطة، أنا ماكملتش باقي الدرس.
وأكيد قصد حضرتك كان واضح في النصيحة، الدين النصيحة جزاك الله كل خير
وربنا يوفقك ان شاء الله (انت في كلية هندسة؟)

**ams** · 15-04-2008 01:11 AM

المشاركة الأصلية كتبت بواسطة TaoTao

الموضوع ده ماليش فيه (ولا لأي حد) رأي غير "صدق رسول الله صلى الله عليه وسلم" بس ايه علاقة ده بالموضوع؟!

علاقته ان الواحد لو قال كلمه من غير ما يفكر فى معناها كويس يبقى اثم
زى مثلا اللى يقول"يا نهار اسود" و ربنا فى الحديث القدسى بيقول فيما معناه لا تذمو الدهر فالدهر انا أو فانا الدهر
و الحكايه دى ممكن تكون فى الامثال اللى اشار اليها الاخ العزيز فى مشاركته (ربنا ينجحه)
مداخلتك كان دمها خفيف اوىبس انا ملاحظ انك بتشوف التلفزيون اكتر من اللازم و بتستهلك عقلك - ما شاء الله على الذاكره- فممكن تستخدم عقلك فى حاجات أهم واعقد من كده (حفظ القران مثلا) , طبعا دى مش نصيحة انا اصغر من انى انصحك بس حاجة اخوك الصغير كان عاوز يقولهالك
و شكرا لسعة صدرك

**TaoTao** · 15-04-2008 01:28 AM

المشاركة الأصلية كتبت بواسطة ams

علاقته ان الواحد لو قال كلمه من غير ما يفكر فى معناها كويس يبقى اثم
زى مثلا اللى يقول"يا نهار اسود" و ربنا فى الحديث القدسى بيقول فيما معناه لا تذمو الدهر فالدهر انا أو فانا الدهر
و الحكايه دى ممكن تكون فى الامثال اللى اشار اليها الاخ العزيز فى مشاركته (ربنا ينجحه)
مداخلتك كان دمها خفيف اوىبس انا ملاحظ انك بتشوف التلفزيون اكتر من اللازم و بتستهلك عقلك - ما شاء الله على الذاكره- فممكن تستخدم عقلك فى حاجات أهم واعقد من كده (حفظ القران مثلا) , طبعا دى مش نصيحة انا اصغر من انى انصحك بس حاجة اخوك الصغير كان عاوز يقولهالك
و شكرا لسعة صدرك

ياسيدي الدين النصيحة ، طب لو الواحد ده عارف المعنى كويس وعارف انه مابيقولش حاجة غلط وييجي واحد تاني يقلب المعنى ويقول بما أن ولعل وحيث إن... إذن اللي بتقوله ده سخرية من القدر أو اعتراض على حكمة الله، يبقى من حقي اعترض .
وبعدين ايه اللي في المداخلة قالك اني باشوف تليفزيون كتير (وكمان اكتر من اللازم!!) ده انت كدة عرفت حاجات انا ماعرفهاش عن نفسي !! ع العموم انا ماباشوفش تليفزيون إلا نادراً جدا، مافيش وقت حضرتك. وجكاية استهلاك العقل دي -هافترض فيها حسن النية- انا استهلك عقلي في إن ماحدش يستكردني ولا يمررلي أفكار أو مفاهيم مش مقتنع بيها، ايه رأي حضرتك؟ ينفع موضوع معقد استهلك فيه قدراتي العقلية اللوذعية؟؟ انت محسسني كأني باسمع أفلام مش باقول رأي نابع من تفكيري وثقافتي، باللا مش مهم
ياريت نرجع للموضوع احسن صاحبه يزعل مننا !!

فيه مثل بيقول "مصارين البطن بتتعارك" لسة جاي على بالي حالاً :)

**ams** · 15-04-2008 01:50 AM

المشاركة الأصلية كتبت بواسطة TaoTao

ياسيدي الدين النصيحة ، طب لو الواحد ده عارف المعنى كويس وعارف انه مابيقولش حاجة غلط وييجي واحد تاني يقلب المعنى ويقول بما أن ولعل وحيث إن... إذن اللي بتقوله ده سخرية من القدر أو اعتراض على حكمة الله، يبقى من حقي اعترض .
وبعدين ايه اللي في المداخلة قالك اني باشوف تليفزيون كتير (وكمان اكتر من اللازم!!) ده انت كدة عرفت حاجات انا ماعرفهاش عن نفسي !! ع العموم انا ماباشوفش تليفزيون إلا نادراً جدا، مافيش وقت حضرتك. وجكاية استهلاك العقل دي -هافترض فيها حسن النية- انا استهلك عقلي في إن ماحدش يستكردني ولا يمررلي أفكار أو مفاهيم مش مقتنع بيها، ايه رأي حضرتك؟ ينفع موضوع معقد استهلك فيه قدراتي العقلية اللوذعية؟؟ انت محسسني كأني باسمع أفلام مش باقول رأي نابع من تفكيري وثقافتي، باللا مش مهم
ياريت نرجع للموضوع احسن صاحبه يزعل مننا !!

فيه مثل بيقول "مصارين البطن بتتعارك" لسة جاي على بالي حالاً :)

يا سيدى الفاضل انا اللى وصلى حكاية التلفزيون دى موضوع الاعلانات و الذكريات مش اكتر
و انا مش شايف ان ده تاويل للامثال بمعانى غير موجوده فيها بس هى دى النقطه وانا لا اقدر احلل او احرم
و طبعا انا بتكلم بحسن نيه لانى ببساطه مش هستفيد حاجه لو كلمتك بسوء نيه
و كنت بقولك ان ذاكرتك ما شاء الله قوية فتقدر تشوف احسن توظيف ليها ( ودى فايدة الناس اللى حوليك تبصرك بمميزاتك و عيوبك )

و دلوقتى هتلاقى الاستاذ أحمد داخل يقول :يا بخت من وفق راسين فى الحلال و اختلاف الراى لا يفسد للرز تقليه:D

**DODY** · 15-04-2008 02:42 AM

المشاركة الأصلية كتبت بواسطة MM_Mohsen

هو المثل ده طلع افرنجى ؟؟؟ !! ... طيب اسبله كده يا مرسى .............. :)

اسبلهولك ازاى ؟هو انت بتعرف عربى لما حا تعرف افرنجى يا موهسين !

**mohamed_88sk** · 15-04-2008 10:59 AM

لا والله أنا خاني التنسيق الله يسامحه ..
دخلت تربية قسم رياضيات باللغة الإنجليزية
وكنت عاوز أحول بيطري ماراضوش(عشان جاي من الكويت)
شكرا ليكو عالدعاء ..أنا لسه حنزل دلوقت المتحان إن شاء الله..
خدوا المثل ده ..
أبنك على ما تربيه وجوزك على ما تعوديه..
يا مأمنا للرجال يا مأمنا للمايه في الغربال ...
ده لسه سامعه إمبارح من واحد وعاجبني جدا
وشها سجن وقفاها مستشفى .. أخدنا إيه من وشها عشان تدينا قفاها

**MM_Mohsen** · 15-04-2008 11:44 AM

المشاركة الأصلية كتبت بواسطة DODY

اسبلهولك ازاى ؟هو انت بتعرف عربى لما حا تعرف افرنجى يا موهسين !

انا موهسن يا دودى؟؟ .. طيب مش Dody دية جاية من تفرنيج اسم عماد ؟؟ ..و يا ترى ايه اخبار الاميرة ديانا ؟؟؟ :D:p:D

-------------------------------------------------------------

مع تحيات موهمد موهسن

**aif** · 15-04-2008 01:38 PM

بعيدا عن المناقشات السابقة
فيه مثل بيقولوه لما تيجي تدور علي عروسة
خد المجنونة بنت العاقلة ... ولا تاخدش العاقلة بنت المجنونة

**aif** · 15-04-2008 02:06 PM

المشاركة الأصلية كتبت بواسطة MM_Mohsen

ده مثل عبساوى خالص !! :D:D:D
يعنى يا مجنونة يا بنت مجنونه ؟؟!! طيب ايه اللى يجبره على كده ؟؟ .. اللى فى الظاهر عاقلة قبل الجواز بعده حيظهر الموريستان اللى على اصله ..
جينات المناخوليا بتبقى كامنه و تظهر فى الوقت المناسب :):) !! ..

ما هي لو عاقلة وأمها عاقلة ... يبقي مش محتاجة امثال ... خدها وانت مطمئن:o
لكن لو عاوز تشوفها بعد الجواز ح تبقي شكلها اية .... بص لأمها :D
وخد المثل دة كمان :

الإسم طوبه لكن الفعل أمشير

الموضوع: أجمل وأظرف الأمثال الشعبية ... شارك معنا

LinkBack

أدوات الموضوع

عرض

-

-

-

-

-

المواضيع المتشابهه

أسعار قطع غيار اللانسر فى التوكيل (شارك معنا)

رابطة ملاك القشقاي اتفضل و شارك معنا

جمعية نايل موتورز ... شارك معنا

شارك معنا في حملة لا للاباحية

ما هى أسعار قطع غيار الياريس فى التوكيل وخارجه شارك معنا

الكلمات الدلالية لهذا الموضوع

المفضلات

المفضلات

ضوابط المشاركة