الموضوع: أجمل وأظرف الأمثال الشعبية ... شارك معنا

المشاركة الأصلية كتبت بواسطة MM_Mohsen

يعنى يا تاو كنت عايزهم يطلعوا مذكرة تفسييرية للمثل توضح انهم ضربوا الاعور على عينه الضايعة اصلا مش السليمة ...... ها ها ها !:)

ايضا بعد سلخ الحمير على ترعة المريوطية يجب تعديل مثل الشاه فيكون منطوق المثل بعد تعديل اللجنة التشريعية كما يلى : " لا يضير الشاه او الحمار سلخه بعد ذبحه " ..... موافقون ؟؟ ... موافقة ! :D

هو المثل بتاع الأعور واضح وبليغ مش محتاج مذكرة تفسيرية، بس العجيب إنه مافيش أي إشارة أنهي عين اللي انضربت ومع ذلك كل الناس فاهمة إنها العين الخسرانة !! في قواعد الكتابة التفنية Technical Writing ألا ندع القارئ يستنتج. بس المثل العجيب ده سابنا نستنتج وكلنا -أو أغلبنا- استنتج صح.

بالنسبة لمثل "الشاة" بعد التعديل، أنا شايف إن الحمار لا يضيره أي حاجة خالص، يقولوله "شي" يمشي من سكات "هِس" يقف، يضربوه يسكت، يجوعوه يصبر، يحملوه فوق طاقته لحد مايبان له صحاب ويفضل مخلص مايقلش لأ، يدبحوه ماعندوش مانع، أنا شايف إن الدبح له رحمة (بس بشرط ماناكلوش احنا !!) :)

المشاركة الأصلية كتبت بواسطة MM_Mohsen

بالنسبة للحمار الخبراء قالوا ان لحمه كله بروطين!! و فى دول اوربية حتى بتاكل لحم الحصنه و يقال طعمة جميل و مملح شوية !

طبعا ما بيكلوش الحمير عشان الحمير مش منتشرة زى عندنا - اقصد كل انواع الحمير و انت فاهم ! -
و الالعن فى حكاية الجزار الوسخ اياه اللى مسكوه انه مش بس دبح و باع الحمير بل كانت حميير نافقة و متسابة من مدة يعنى اصبحت كتله من النتانه و الميكروبات و العياذ بالله !! ...

و الغريبة كمان عندنا ان الحمير يقولولها " هس " تقف .. اما البنى ادمين " الاشارة الاليكترونية الحمرا تقولهم " هس " لكن ما يقفوش !! .. يا ترى ايه تفسير الظاهرة ده ؟؟ ;)

معاك حق، وهو ده سر إعجابي بالأمثال الشعبية، البلاغة.

وبمناسبة الجزارين بقى مثل ع الماشي لسة جاي في بالي: "قال: ليه لحمتك مشغتة؟. قالك: أصل الجزار معرفة" :)
ممكن نعدله دلوقتي "ليه لحمتك منتنة؟ قال: أصل الجزار جنب ترعة المريوطية" :D

يموت المعلم ولا يتعلم

بمناسبة الموضوع بتاع المذاكرة افتكرت مثل بيقول "حجة البليد مسح السبورة" !!

المشاركة الأصلية كتبت بواسطة MM_Mohsen

على ايامنا كانت مسح التختة ! :p

لا اسمها "الصنبورااااااااااااااااا� �ااااا" :)

مثل كمان ع الماشي: "خدوهم بالصوت قبل ما يغلبوكم" !!
كتير من الناس اللي بيريح على اكصدام اللي قدامه بيطبق المثل ده بحذافيره -حلوة قوي حذافيره دي :)-

"اللي تغلب به العب به"
مثل ميكيافيللي بحت "الغاية تبرر الوسيلة"