الموضوع: رابطة ملاك الكيا برايد - كلاكيت تانى مرة!

المشاركة الأصلية كتبت بواسطة ahmadm

معلش يا استاذى و اللى الوالدة كانت مريضة و دخلنا فى موال مناظير و كدة و انا ما كنتش تقريبا بدخل هنا

انا بروح توكيل كيا اللى فى ابو رواش الصيانات بتتعمل مظبوطه فى الميعاد و اهم حاجة انة بيكشف على العربية كلها و لو حاجة محتاجة تتغير و مش موجودة بيقولك عليها فى التقرير فا انا بدور عليها اصلى عند الجندى و اركبها برة عادى مش هاقلك انهم توكيل سوبر و كدة بس انا عمرى ما مشيت من عندهم زعلان ولو فى حاجة او مشكلة تروح ترميلهم العربية فى وشهم ماهى بتاعتهم

هو بياخد كل موديلات كيا عادى جدا بس مش السايبا لازم تكون كيا كيا و لو مواظب عندة ليك صيانة كل 5000 كم مجانى

انا اى حاجة بيقول عليها فيها مشكلة بقولة ارميها و غير انا ما عنديش ادنى استعداد ان العربية تقف منى بسبب اهمال منى فى حقها.

الف سلامه و ان شاء الله تكون صحتها كويسه
من كلام حضرتك ان التوكيل يقدر يتعامل مع العربيه لحد دلوقتي "الكيا الكيا مش السايبا"
و يا تري ايه اللي يقدروا يعملووه هناك و الاسعار بتاعت الصيانه عامله ايه دلوقتي مع العلم ان العربيه خلصت الضمان من زمااااااان و مش بروح التوكيل لو حاجة باظت فيها

المشاركة الأصلية كتبت بواسطة a.elsawaf

تمام أوى .. ألف شكر على الأماكن دى .. أكيد هتنفعنى وانا لسه ببدأ معاها كده :) وفى كمان
نافع فرع مدينة نصر
18 ش عبد الله العربى (امتداد الطيران)
المنطقة الاولى , مدينة نصر, القاهرة
تليفون : 24035099

الف شكر علي العنوان دا انا هاسجلوا عندي هوا كمان
شكرا

المشاركة الأصلية كتبت بواسطة المناور

طلعت من المركز لقيت فى وشى بنزينة كالتيكس روحت داخل سائل إذا كان فيه تنضيف ريداتير قالولى فيه ، لانى لاحظت الريداتير عندى فيه صدا والقربة نفسها كنت لسه منضفها بنفسى من شهر وحطيت ميا عادية لقيتها بقى فيها ميا مهببة وكمان كنت عايز احط ميا خضرا لان مؤشر الحرارة فى العربية كان بيعدى النص مع الميا العادية المهم عملية الغسيل اخدت حوالى نص ساعة نزلت فيها صدى قد كده ولقيت ميا خضرا مصرى ب 25 جنيه وسعودى ب 35 جنيه بس تحسهم مش قد كده روحت اشتريت جركنين ميا خضرا نوع امريكى الجركن لتر وب 20 جنيه لونه اخضر غامق قوى ودرجة لزوجته عالية وزودت الباقى ميا ، الغسيل عمل 25 جنيه و40 جنيه ميا خضرا يبقى كله 65 جنيه

طلعت من عنده بتاع الريداتير دخلت على ظبط الزوايا كله فى نفس المحطة حط العربية على الكمبيوتر وقالى شكلك خدت مطب جامد قلتله اه فعلا قالى عندك مش عارف ترحيل فى العجلة الشمال مش فاكر كام سنتى ومحتاج كمان يعملى زرجينة ومش فاكر ايه تانى اصلى كنت خلاص هنجت من الوقفة والشمس فنص الكلام وقع منى المهم أنا كنت خلاص فلست فقلتله ظبطلى الترحيل والزويا ورصص وربط على العفشة وحابقى اجيلك تانى اكمل الباقى .... الراجل خلص فعلا ودفعت 25 ظبط زوايا و20 ترصيص وكانت الساعة جابت 5 وكنت مستوى على الاخر

النتيجة بعد الكلام ده العربية سحبها وادائها بقى احسن مؤشر الحرارة كان يادوب معدى الشرطة الحمرا اللى فى الأول العربية مابقاش فيها رجرجة من بعد ال 100 ولا بقت بتحدف يمين أو شمال وطبعا جيبى ماكنش فيه غير 5 جنيه!!!

ممكن حضرتك تقولي فين البنزينه دي و شغلهم حلو ولا لا
انا هانضف الردياتير و هاحط فيه مياه خضرا عشانو استوي من المياه العاديه
و لو حضرتك تقولي نوع المياه الامريكي دي اسمها يعني
و بالنسبه للزوايا انا عندي مشكله ف الفرده اليمين جنب السواق عايزة تخش من فوق 1 سم وحوارات كدا يا تري هما بيعملوها ولا بيقولولي هيا عايزة ايه من غير ما يظبطوها
عشان في بريدجستون قالي عايزة كدا بس تروح لحد يعملهالك احنا ما بنزبطشي هنا
و رجه العربيه بعد ال100 دي سببها ايه و مع الفرامل بلاقي العربيه و الدركسيون بيتهزوا جامد مش عارف ليه
شكرا جزيلا