الموضوع: الهواة يمتنعون: ابيع استرا 2003 واشتري ميجان 2007؟

الميجان فعلا عامله قلق ف السووووق

ناس كتير جدا وانا منهم نفسهم يجيبو ميجان... بس اقوال الناس بتتضارب.. وخصوصا لو واحد زيي ميعرفش حد يمتلك ميجان

فيبقا مصدر المعلومات النت والناس والسوق.. والتلاته 95% اشاعات.. فالحقيقه بتروح ف النص

انا شايف ومومن تماما ان الميجان عربيه جامده جدا... بس معرفش الا الان ظروفها كامله

نفسى حد يحط هنا او ف قسم الرينو موضوع كامل عن اسعار قطع الغيار واسعار الصيانات الدوريه.. بدل م الناس بتلف وكل مره حاجه واحده بتتقال زى البوجيهات كده

المشاركة الأصلية كتبت بواسطة ahmed a.maksoud

الميجان 2005 أو 2006 رينجها فى السوق فى حدود من 65 الى 75
و الأسترا 2005 أو 2006 سعرها فى السوق فى نفس الحدود...........الكلام ده من على كونتاكت

و تانى يا زعيم......طقم البوجيهات فى التوكيل ب 155 جم بعد ما غلى.



تصدق أنا عكسك......أنا كنت هشترى أسترا 2004 فى أوائل 2005 , اعتقد كان سعرها 116 أو 126 بس أشتريت ميجان و بحمد ربنا أنى أشتريتها :)

عاوز بس أحكيلك قصة قصيرة حصلت و أنا بفكر أشترى الميجان......واحد صاحبى كان شغال فى شركة مالتى ناشيونال شاريين عدد كبير من الميجان قالى أبعد عنها علشان معاه واحد فى الشركة كان معاه ميجان و الدركسيون سوجر و هو ماشى و الراجل توفى........يشاء ربنا أنى عارف 2 أصحابى تانين و واحد قريبى شغالين فى نفس الشركة......سألتهم كلهم على الموضوع ده و قالولى أحنا سمعناه فعلاً بس مفيش حد فى الشركة يعرف الراجل اللى المفروض أنه توفى.......و حتى الشركة منزلتش نعى أو إعلان داخلى كما هو متبع فى مثل هذه الحالات........

نفس صاحبى الأولانى لما عرف أنى أشتريت.....أتصل بيا و بيقولى أخلى بالى من الفتيس علشان معاه واحد فى الشركة الفتيس بتاع الميجان اللى معاه باظ و الشركة هتغيره.......و أنا فى صيانة ال 5 ألاف كيلو و كنت عارف واحد فى التوكيل سألته.....هو فى حد فى شركة كذا جالكم و الفتيس بايظ و محتاج تغيير........الراجل قالى أيوه....فبتناقش معاه و مستغرب....يعنى أزاى عربية لسه جديدة و يتغيرلها فتيس و بتاع.......لقيته قعد يضحك و قالى يعنى اللى وصلك المعلومة مقلكش أن صاحب العربية لبس حجر كبير من بنوع الأرصفة فى الفتيس من تحت :)

نفس صاحبى أياه......كان قايلى أن صيانة ال 60 ألف للميجان ب 6 ألاف جم.......طب يا سيدى أنت عرفت منين قالى أصل واحد - كالعادة معاه فى الشركة - عمل صيانة ال 60 ألف من كام يوم...........الغريبة أن العربية كانت لسه نازلة مبقلهاش 3 شهور فى السوق..........يعنى صاحبه عمل بالعربية 60 ألف كيلو فى أقل من 3 شهور.

الدورس المستفادة بقى.......متسمعش كلام من أى حد على حاجة ميعرفهاش......و لو سمعت الكلام و شاكك فيه أتأكد الأول قبل ما تردده.

واضح جدا ان الميجان دي فعلا مظلومة. يا جدعان انا قررت اجيب ميجان وده قرار نهائي. وي الآخر لو طلعت فكسانة اهو ح بيعها والخسارة في المستعمل لا تذكر. كأني أجرتها كام شهر.

ادعو لي بقى ربنا يرزقنا بعربية محترمة.