بونتو ايفو ولا التيدا المكسيكى

**ahmedesmat1987** · 06-04-2011 02:49 PM

المشاركة الأصلية كتبت بواسطة eng_ahmed_90

ايه اللي جاب دي لدي اصلا ؟ دي هاتشباك و دي عائليه .

ياباشا التيدا فى منها هاتش باك بردو وبالعكس دى منتشره عن السيدان

**CryptonX** · 06-04-2011 03:04 PM

المشاركة الأصلية كتبت بواسطة ahmedesmat1987

ياباشا التيدا فى منها هاتش باك بردو وبالعكس دى منتشره عن السيدان

هو يقصد حجما ...

حجما حتى الهاتشباك التيدا اكبر من الايفو او في فئة اكبر ( رغم انها مبنية على سيارة اصغر ) .

خلي باكلم ان في شكل جديد كليا من التيدا نازل اخر السنة .

ودي كالعادة مشكلة من مشكال توكيلات مصر ... عمرهم مابيعرفوا اي حاجة عن سياسة شركتهم الام !

فورد نزلوا الفوكاس الشكل القديم او مالجديدة نزلت برة .. ( الfacelift )
فيات نزلوا باليو صيني من الصين قبل ماالمصنع قفل ب 6 شهور و الالبيا الي ملهاش لازمة الي جايبنها دلوقتي
نيسان اهي طرحت شكل او تعديل في التيدا و خلوها مكسيكي وهي سنة او اقل حتتغير خالص

و ده بيخلف موديل "شاذ" في النصف .. يصعب عليك تلاقيلها قطع غيار خارج التوكيل و يصعب عليك تلاقي منتشر او تعرف تبيعه كويس.

والسيارات دي في منها كتير .. (الباليو - السيينا البرازيلي - الرينو سيمبول - فولكس بوينتر - كروس فوكس - توران - رينو الي عامل زي الصني دي - بيجو 206 سيدان - اوبل استرا سيدان ... )

كل دي عربيات لا يعيبها شيء ولكن توقت نزولها للسوق و اسعارها وتسويقها الضغيف جدا بيخليها تختفي او التوكيل يبطل ينزلها مرة واحدة ... و تبقى مشكلها لملاكها في قطع الغيار و اعادة البيع .

يمكن التيدا اميز شوية على اساس انها برده مختلفتش اوي عن التيدا الياباني ... لوكني بصراحة اخاف منها .

**wael17** · 06-04-2011 11:32 PM

المشاركة الأصلية كتبت بواسطة alien681

أخواتى الاعزاء انا محتار بين بونتو ايفو و التيدا المكسيكى مع العلم بانني لا احب الجري خالص
اهم حاجة عندي الصيانة !!!!!!!!!!!
عارف ان ال options في ال بونتو ايفو للصبح بس الصراحة خايف من اوماترا خصوصا بعد ما قرات الموضوع بتاعsky_walker
ايه رايكم؟؟؟؟

أنا معايا بونتو ايفو من 5 شهور و الحمد لله ماشية كويس و مبسوط بها جدا
و ممكن تشوف التقرير المصور ده عنها و هتلاقي فيه معلومات كتير

http://www.nilemotors.net/Nile/189478-pk2.html

بالنسبة لموضوع sky_walker
بصراحة ده عيب فردي ممكن يحصل في اي عربية حتي لو بي ام او مرسيدس...يعني البونتو مش مشهورة بان فراملها بتبوظ..ده مجرد عيب صناعة بيحصل في اي عربية و بتبقي حاجة نادرة جدا
أنا قبل ما اشتري الايفو قرأت عنها كتير في مواقع مصرية و اجنبية و ما سمعتش عن عيب في الفرامل بتاعتها
أنا قصدي ان في فرق بين عيب صناعة فردي و عيب يكون موجود في موديل معين زي مشكلة الفتيس بتاعة التويوتا

**alien681** · 07-04-2011 12:45 AM

المشاركة الأصلية كتبت بواسطة wael17

أنا معايا بونتو ايفو من 5 شهور و الحمد لله ماشية كويس و مبسوط بها جدا
و ممكن تشوف التقرير المصور ده عنها و هتلاقي فيه معلومات كتير

http://www.nilemotors.net/nile/189478-pk2.html

بالنسبة لموضوع sky_walker
بصراحة ده عيب فردي ممكن يحصل في اي عربية حتي لو بي ام او مرسيدس...يعني البونتو مش مشهورة بان فراملها بتبوظ..ده مجرد عيب صناعة بيحصل في اي عربية و بتبقي حاجة نادرة جدا
أنا قبل ما اشتري الايفو قرأت عنها كتير في مواقع مصرية و اجنبية و ما سمعتش عن عيب في الفرامل بتاعتها
أنا قصدي ان في فرق بين عيب صناعة فردي و عيب يكون موجود في موديل معين زي مشكلة الفتيس بتاعة التويوتا

بس يا باشا ممكن تقولنا عامل ايه مع اوماترا
و يا ريت اللي في اسكندرية برضه يقوللنا عاملين ايه مع اوماترا خصوصا ان انا سامع انه فتح فرع صيانة جديد في اسكندرية!!!!!!!!!!!!

**wael17** · 07-04-2011 02:02 AM

المشاركة الأصلية كتبت بواسطة alien681

بس يا باشا ممكن تقولنا عامل ايه مع اوماترا

ما اقدرش احكم عليهم دلوقتي..اتعاملت معاهم مرة واحدة في صيانة 5000 و ماكانش في مشاكل بس دي اصلا صيانة روتينية ما فيهاش تغير لأي قطع غيار

**mohamedgamall** · 07-04-2011 02:39 AM

انا شايف ان انت تتاكد الاول من سعر الايفو لان ممكن يكون سعرها بعد الزيادة يخراجها اصلا من حساباتك

**ahmedsadiq** · 07-04-2011 04:00 AM

السلام عليكم انا لفت انتباهى حاجة فى الموضوع انوا بتكلموا على ان التيدا هتغير شكلها اخر السنة بس حضرتك المعلومة دة مش صح والله اعلى واعلم لان الصور الموجودة فى المنتدى هنا تحت خبر تيدا 2012 دة غلط عشان دة الصنى الجديدة لو حضرتك عندك الصور ورهلنى عشان نشوف التيدا الجديدة

**CryptonX** · 07-04-2011 10:32 AM

المشاركة الأصلية كتبت بواسطة ahmedsadiq

السلام عليكم انا لفت انتباهى حاجة فى الموضوع انوا بتكلموا على ان التيدا هتغير شكلها اخر السنة بس حضرتك المعلومة دة مش صح والله اعلى واعلم لان الصور الموجودة فى المنتدى هنا تحت خبر تيدا 2012 دة غلط عشان دة الصنى الجديدة لو حضرتك عندك الصور ورهلنى عشان نشوف التيدا الجديدة

http://www.nilemotors.net/Nile/209420-2012.html

The second generation of the Nissan Tiida will be unveiled in April 2011 at the Shanghai auto show. The sedan version was unveiled in December 2010 in China as a resurrection of the Nissan Sunny.

حتنزل صني في الصين بس . انما هي دي التيدا الجديدة و المفروض الصني حتتلغي نهائيا و التيدا القديمة معاها و حتحل محلهم العربية دي .

صور اخرى :

و محرك جديد 1.6 Direct Injection .