الموضوع: دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد

المشاركة الأصلية كتبت بواسطة bassam nagy

الف الف مبروك وربنا يباركللك فيها ويديك خيرها ويكفيك شرها
موضوع العداد اعتقد ممكن يكون المعرض فاصل فيشة العداد
امرها بسيط ان شاء الله

جزاك الله خير الجزاء يا أخى يا بسام و ألف شكر على ردودك المفيدة جدا جدا
ححاول أشوف الموضوع ده فى خلال الكام يوم اللى جايين دول بإذن الله و ربنا يقدم ما فيه الخير

المشاركة الأصلية كتبت بواسطة dodocai

مليار مبروك على السيارة وأدعو الله أن يحفظك ويحفظها ، وأن يجعلها قدم خير وبركة ، ويهىء لك الخير دائما ، وأن يأتيك خيرها وخير ما صنعت له ويجنبك شرها وشر ما صنعت له.

موضوع مؤشر البنزين بسيط ان شاء الله ، فهو:
طبيعته بطىء لا ينزل تدريجيا ولكنه يتحرك دفعة واحدة بعد استهلاك عدد من الليترات ، ولا يهبط بعد استهلاك كل لتر على حدة.
المطلوب منك متابعة المؤشر جيدا ، فإذا كان يهبط المؤشرولكن ببطىء فلا تتوقع أن يهبط بعد كل لتر ، فهذا الأمر طبيعى.
أما إذا كان المؤشر لا يعمل كلية وبعد استهلاك جزء من البنزين ، فهنا قد يكون العيب بسبب عوامة البنزين فهنا لك وقفة : إذا كنت لم ترخص السيارة بعد فاذهب بها لمكان الشراء وأخبره بالعيب وإن أردت تغيير السيارة بالكامل فهذا حقك ، ولكن إذا قمت بالترخيص فعليك بالتوجه إلى مركز الصيانة التابع لغبور سواء أبورواش أو قليوب وأرشح لك قليوب واسأل عن المهندس وليد ، سيقوم بعمل اللازم ولا تنتظر صيانة الألف كيلو.

تحياتى وتمنياتى لك بالتوفيق

جزاك الله خير الجزاء يا أخى يا dodocai وأشكرك جزيلا على معلوماتك القيمة
فعلا أنا لسه ما رخصتش و المشكلة إن العداد ثابت زى ما هو ا و ماتحركش خالص ( كما لو إن التنك فاضى ) و لمبه البنزين البرتقالى منورة على طول و ححاول أشوف كده يمكن يكون زى ما أخى بسام قال : يكون المعرض فاصلين فيشة عداد البنزين أو يكون الفيوز بتاع المؤشر ده محتاج يتركب كويس ( و أسأل الله إنه يكون كده زى ما شرحت إنهم فى المعرض جابوا لى كهربائى سيارات و ظبتلى نور السقف اللى ما كانش شغال )

لكن لو ثبت و العياذ بالله إنها مشكلة عوامة و لا حاجة تانية جامدة فطبعا حارجع العربيه للمعرض ده

دعواتكم و جزاكم الله خير الجزاء
أخوكم هشام

أرجو من الماتركساوية يفيدوني بمعلومات عن تغيير زيت الفتيس الاوتوماتيك بقيسه ازاي وكام لتر وامتى اغيره وشكرا

المشاركة الأصلية كتبت بواسطة bishoo33

عندى سؤال بسيط
فى حد غير البطارية
وان كان
هل غير البطارية بنفس الأمبير 45 ام بأمبير أعلى
وهل البطارية الجافة أفضل أم السائلة
وما هو أفضل نوع سواء فى الجافة او السائلة
وشكرا

----------------------
أعتقد لو عربيتك لسة في الضمان ممكن يغيرولك البطارية ببلاش في التوكيل
كمان بيغيروها دلوقتي جافة بدل من السائلة

المشاركة الأصلية كتبت بواسطة dodocai

أتمنى أن يكون الأمر كذلك يتوقف عند فيشة التانك ، ولكن إذا كان كذلك لماذا لم يتم توصيله عندما أعاد تركيب فيوز الصالون إذا كان فصل الفيشة عن عمد مثلا من خلال المعرض ، أياً كان ، تمسك بحقك فى تبديل السيارة ، ولا تستمع للعبارات الشهيرة "مفيش غيرها" "مفيش اللون اللى حضرتك عايزه" "طيب حضرتك ممكن نجيبلك اللون بس هيكون يوم ولا اتنين" ، وهناك سيناريو معروف طيب حضرتك مر علينا بعد يومي واحنا نجيلك عربية تانية بس نفس اللون ، تأكد أنها ستكون نفس السيارة ولكن تم التصليح بس على راحتهم ، واحتفظ برقم الشاسية الموجود داخل السيارة ، حتى يتم مطابقته فى حالة أن السيارة تم تبديلها بنفس اللون. أنا لا أشكك ولا أعقد الأمور ، ولكن هذا ما يحدث فى المعارض وصادفتنى احداها ، فلذا وجب علي التنبيه والتحذير.

أعتذر عن الاطالة ، وبالتوفيق ، وفى انتظار أخبارك

تحياتى

أشكرك يا أخى يا dodocai على إهتمامك و تعليقك:
ما خبيش عليك , الحمد لله رخصت العربيه أول إمبارح و كلمت توكيل أبو رواش و حكيتلهم على المشكله دى
فقالولى بإذن الله حتطلع حاجة بسيطة بس لازم أروح لهم فى أى من الفرعين ( أبو رواش أو قليوب ) بس يكون بدرى يعنى على 08:30 كده

أكدت عليه إنى لسه مستلم العربيه الثلاثاء اللى فات و ماأخدتش دفتر الضمان
فردوا إن مفيش مشكله : مجرد بش يشوفوا العربيه و الرخصه بتاعتها و بس

فرحت إمبارح الحمد لله أبو رواش لما كان فيه ضباب جامد قوى و ربنا ستر كان فيه ميكروباص حيشيل جنبى اليمين لولا ربنا ستر.

وصلنا بالسلامة و قابلنى المهندس حسن هناك و شرحتله مشكله مؤشر البنزين
و كذلك و أنا رايح كنت حاسس بحدفة يمين كده فقلتله عليها برده

فلاحظت إنه كتب فى التقرير بتاعه {ضمان فورى }
فخدوا العربيه و طلعت فوق فى الكافتريا الساعة حوالى 09:30 و إستلمتها حوالى الساعه 02:30 زى ما كتبلى فى التقرير

الحمد لله طلع فى مشكله فى العوامه و قالوا لى إنهم غيروها بالكامل و كذلك الحدفه اليمين راحت بفضل الله
و طبعا ما دفعتش ولا مليم

حاجة كمان مهمة عرفتها : و هى إن أى عربيه هيونداى زيرو بيبقوا نافخين الأربع عجلات على 40 !!!!
فعشان كده كنت حاسس برزع جامد فى الشاسيه, لكن بعد ما ظبتوه الكاوتش على 30 حسيت بفرق جامد و الحمد لله

أسف على الإطاله لكن حبيت أشارككم يا إخوانى بالمعلومات دى

فيجب على كل من يشترى أى عربية زيرو أن يفحصها جيدا و أن يتمم على كل مستلزمات العربيه من إستبن و كريك و العدة ( مفتاح العجل و مفك صليبه ) و الولاعة و الإريال و وصله الفلاشه و كتالوج العربيه و كتالوج الكاسيت
و طبعا لازم يتأكد إن العربيه مافيهاش حكة أو خبطة

فلو حصل و إنه إستلم العربيه و مضى على ده : فمعنى كده إن المعرض مالوش دعوه بأى عيب يظهر فى العربيه بعد كده و عليه و على التوكيل فى أبو رواش أو قليوب و طبعا هما ملزمين بتظبيط أى مشاكل موجوده ببلاش و كل قطع الغيارعليهم

أخوكم هشام