دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد

**shadow84** · 11-12-2009 08:19 AM

المشاركة الأصلية كتبت بواسطة minaghopreal

طيب يا ريت تقول لنا إيه الاجراءات اللي عملتها والحاجات اللي استلمتها معاها
عشان المفروض هاستلمها يوم 22
الف مبروك ويعطيك خيرها ويكفيك شرها

المشاركة الأصلية كتبت بواسطة bassam nagy

الف مبروك وربنا يباركللك فيها ويديك خيرها ويكفيك شرها
حضرتك حاول ماتزودش السرعة عن 80 كيلو
لو مانيوال انقل على 2.5 ار بى ام ماتزودش عن كدة لمدة اول 1000 كيلو
حاول ماتحملش بكامل عددها فى اول 1000 كيلو
والف مبروك مستنين تقرير حضرتك عنها

هي العربيه ممتازه بصراحه وبالنسبه لاني كان معايا قبلها لانوس في فرق كبير في الثبات و الفرامل وانا لحد دلوقتي ماكتشفتش اي عيوب لاني مش بتحرك بيها كتير لاني لسه مارخصتش بس العيب الوحيد الي مضايقني في العربيه ان بطاريتها مش جافه ف بفكر استبدلها بجافه وهي لسه جديده كده بدل ما الراجع بتاع البطاريه الميه يبهدل القاعده بتاعه البطاريه بس المشكله ان كل بتوع البطاريات هايخدوها علي اساس انها مستعمله وهيدفعوني حق الجافه كامل

**minaghopreal** · 11-12-2009 09:03 AM

أنا سمعت انه ممكن لو انت شاريها من التوكيل تغير فيها كذا حاجة وتدفع الفرق
زي مثلاً:
*جنوط 15 بدل 14
*تستلمها من غير انذار (على اساس ان انذارها وحش) و تركب بداله في التوكيل برضه حاجة انضف
*بطارية جافة بدل بطارية المية

يا ترى الكلام ده مظبوط ؟؟

وحاجة كمان , أنا كنت عايز اعرف هل فيه عروض عليها اليومين دول ؟

شكراً وألف مبروك مرة تانية

**shadow84** · 11-12-2009 03:39 PM

المشاركة الأصلية كتبت بواسطة minaghopreal

أنا سمعت انه ممكن لو انت شاريها من التوكيل تغير فيها كذا حاجة وتدفع الفرق
زي مثلاً:
*جنوط 15 بدل 14
*تستلمها من غير انذار (على اساس ان انذارها وحش) و تركب بداله في التوكيل برضه حاجة انضف
*بطارية جافة بدل بطارية المية

يا ترى الكلام ده مظبوط ؟؟

وحاجة كمان , أنا كنت عايز اعرف هل فيه عروض عليها اليومين دول ؟

شكراً وألف مبروك مرة تانية

لاء هي ماكنش عليها اي عروض في اي معرض انا سالت فيه بامناسبه انا من اسكندريه يمكن الوضع يختلف في معارض القاهره

وبمناسبه السنتر والانزار انا شايف انه مش بطال بغض النظر عن ان اليموت منفصل عن المفتاح واني لغايه دلوقتي ماوصلتش لمكان التحكم في حساسيه الانزار الا اني شايفه شغال يعني مايقولش لاء وانت لو حسبتها هتلاقي انك شاري عربيه زيرو فعلشان تقعد تفك كل حاجه وتركبها من الاول عمرها ما بترجع زي تقفيل المصنع تاني ده رايي الشخصي طبعا

**minaghopreal** · 11-12-2009 09:25 PM

المشاركة الأصلية كتبت بواسطة shadow84

بالمناسبه انا من اسكندريه يمكن الوضع يختلف في معارض القاهره

وبمناسبه السنتر والانزار انا شايف انه مش بطال بغض النظر عن ان اليموت منفصل عن المفتاح واني لغايه دلوقتي ماوصلتش لمكان التحكم في حساسيه الانزار الا اني شايفه شغال يعني مايقولش لاء وانت لو حسبتها هتلاقي انك شاري عربيه زيرو فعلشان تقعد تفك كل حاجه وتركبها من الاول عمرها ما بترجع زي تقفيل المصنع تاني ده رايي الشخصي طبعا

يا راااااااااجل ماهو أنا كمان اسكندراني يا عم .... أيوووووووووووه
على فكرة كل الحاجات اللي قلت لك عليها دي (ماعدا الجنوط) بيركبها غبور هنا يعني مش تقفيل المصنع ولا حاجة و علشان كدة كفاءتها مش قد كدة
فانت بتركب حاجات احسن منها بدلها في غبور شخصياً عشان كدة بتبقى زيها زي الفابريكة...
انت جبتها منين بقى بالمناسبة و استلمتها بعد قد ايه ؟؟ لأنه طالع عيني في موضوع الوقت ده لغاية دلوقتي .... http://www.nilemotors.net/Nile/14777-a-110.html

**ShoumaShaheen** · 12-12-2009 06:22 PM

السلام عليكم يا أجدع رجالة

بأشكركم جميعا على مجهوداتكم فى الموضوع الأكثر من رائع ده
و أسأل الله أنه يجعل مجهوداتكم دى فى ميزان حسناتكم

أنا حاجز ماتريكس 2010 و إن شاء الله بدون مقاطعة حأستلمها فى خلال الأسبوع ده
و كنت عايز أسئلكم يا أهل الخبرة كام سؤال كده :

1- نوع البطاريات فى الموديل ده بتبقى جافة ولا سايلة ؟
2- نوع الكاوتش و مقاسة كام ؟
3- نوع الكاسيت بيبقى ماركته إيه و فى سى دى ولا لأ ؟
4- و أخيرا أعمل إيه فى فترة التليين و الفترة دى بتبقى كام كيلو بالظبط ؟

و جزاكم الله خير الجزاء

أخوكم هشام

**shadow84** · 12-12-2009 10:13 PM

لو سمحتم يا اهل الخبره انا سمعت ان في فتره التليين اني ممكن ادور العربيه واسيبها دايره لمده يوم او اتنين فهل الكلام ده صحيح

**bassam nagy** · 12-12-2009 11:00 PM

التليين اول 1000 كيلو والتليين بالمشى مش وهى دايره وواقفة ممكن فى العربيات القديمة بيتم التليين واقفة وعمتا العربية بتيجى متلينة من المصنع بس دة زيادة تاكيد
الف مبروك مقدما استاذ ShoumaShaheen
- نوع البطاريات فى الموديل ده بتبقى جافة ولا سايلة ؟
2- نوع الكاوتش و مقاسة كام ؟
3- نوع الكاسيت بيبقى ماركته إيه و فى سى دى ولا لأ ؟
؟

وبالنسبة للاسئلة ممكن يرد على حضرتك استاذ shadow84
لانها بتختلف حسب سنة الموديل

**ShoumaShaheen** · 13-12-2009 12:46 PM

المشاركة الأصلية كتبت بواسطة bassam nagy

التليين اول 1000 كيلو والتليين بالمشى مش وهى دايره وواقفة ممكن فى العربيات القديمة بيتم التليين واقفة وعمتا العربية بتيجى متلينة من المصنع بس دة زيادة تاكيد
الف مبروك مقدما استاذ shoumashaheen
- نوع البطاريات فى الموديل ده بتبقى جافة ولا سايلة ؟
2- نوع الكاوتش و مقاسة كام ؟
3- نوع الكاسيت بيبقى ماركته إيه و فى سى دى ولا لأ ؟
؟

وبالنسبة للاسئلة ممكن يرد على حضرتك استاذ shadow84
لانها بتختلف حسب سنة الموديل

الله يبارك فيك يا أخ بسام و بأشكرك على ردك على سؤالى
بإنتظار الرد على باقى الأسئلة من أى شخص إشترى العربية دى فى خلال الكام شهر اللى فاتوا

أخوكم هشام

**shadow84** · 14-12-2009 01:55 AM

المشاركة الأصلية كتبت بواسطة bassam nagy

التليين اول 1000 كيلو والتليين بالمشى مش وهى دايره وواقفة ممكن فى العربيات القديمة بيتم التليين واقفة وعمتا العربية بتيجى متلينة من المصنع بس دة زيادة تاكيد
الف مبروك مقدما استاذ shoumashaheen
- نوع البطاريات فى الموديل ده بتبقى جافة ولا سايلة ؟
2- نوع الكاوتش و مقاسة كام ؟
3- نوع الكاسيت بيبقى ماركته إيه و فى سى دى ولا لأ ؟
؟

وبالنسبة للاسئلة ممكن يرد على حضرتك استاذ shadow84
لانها بتختلف حسب سنة الموديل

اخي الكريم انا لسه شاريها من كام يوم نوع البطاريه سايله مش جافه وبخصوص الكاسيت في معرض ساعات بتلعب فيه لكن انا جايبها بكاسيت سي دي نوعه هيونداي بتاع الشركه اما نوع الكاوتش ومقاسه هرد عليك بعدين بعد ما اتاكد منه

**shadow84** · 14-12-2009 01:58 AM

المشاركة الأصلية كتبت بواسطة minaghopreal

انت جبتها منين بقى بالمناسبة و استلمتها بعد قد ايه ؟؟ لأنه طالع عيني في موضوع الوقت ده لغاية دلوقتي .... http://www.nilemotors.net/nile/14777-a-110.html

انا جيبتها من توكيل هيونداي الي جنب الداون تاون واستلمتها علي طول لاني جايبها كاش