ما هو تقييمك لوكيل هيونداي و مراكز الخدمه

**sokasoon** · 26-05-2008 08:28 AM

المشاركة الأصلية كتبت بواسطة ahmedfd

أيوة يعني الناس دي غيرت مواتير و دلوقتي إتحلت المشكلة ... في مقابل نسبة أعلى بكتير مبسوطة و معندهاش مشاكل.
المرسيدس نفسها بيتعملها recalls علشان عيوب صناعة أو تصميم.

مش كله غير فيه غير وفيه عمل نصف عمره

لما تدفع دم قلبك فى عربية زيرو وتعمل عمره ولا تغير موتور والعربية

ماعملتش غير كام كيلو يبقا بلااها احسن المفروض اى عربية زيرو

اقل حاجة ليها انها تقعد 4 سنين ماتفتحش بقها ابداا مش تعمل عمره

ده غير عيوب تانية كتير ياراجل

**ahmedfawzy14** · 12-06-2008 06:57 PM

الصراحة الحق يقال
انا بقالى سنيتن واربع شهور بتعامل معاهم

فى السلطان حسين بأسكندرية

المعاملة محترمة جدا وتسليم السيارة فى ميعاده
ولما خبطت العربية من تحت والعلبة اتحركت من مكانها
رحتلهم ورفعوها وعرفوا العيب وغيروا وصلة كده قبل سوستة الجكمان وغيروا الكاوتش بتاع العلبة واستلمت العربية زيرو من غير ولا جنيه
عشان متابع معاهم فى الصيانة فى ميعادها وعمرى ما افتح الكبوت بره التوكيل
وبرده مرة تانية كاوتش الباب الداخلى بتاع السواق كان اتقطع ورحت ليهم برده غيروه

العيب الوحيد للتوكيل ان المصنعيات غالية شوية

يعنى صيانة العشرين الف مثلا او اى صيانة بغيار الزيت والفلتر بس
حوالى 300 جنيه

وحل موضوع ان المصنعيات غالية من اولها كده طلع العربية من الضمان
وروح للاسطى بليه بقى وعيش حياتك معاه كل 5 الاف كيلو

**AmrBorham** · 10-07-2008 10:30 PM

سيئ ( بس مضطر اذهب ايه )

**poda** · 30-07-2008 01:51 PM

طب اية احسن مركز صيانة نروحلوا حد يعرف انا معايا ماتركس وبردة بشتكى من صيانة ابورواش وقليوب حد يعرف ياولاد الحلال

**ashraf122** · 21-09-2008 11:59 AM

السلام عليكم كنت عايز اسال حد اتعامل قبل كدة مع ابوغالى العبور

**Amrrr** · 22-09-2008 02:55 PM

انا سمعت هنا عن أبو غالي كتير - ممكن معلومات عنه ؟
المكان - أخبار الخدمة ايه من ناحية الجودة والسعر برضة ؟

**taimor1777r** · 06-10-2008 09:17 PM

بالنسبة لى انا مضطر اتعامل مع التوكيل عشان الضمان بس بعد مارفعوا اسعار الصيانة انا بفكر جديا انى ابطل اروح التوكيل انا لحد دلوقتى مشكلتى قيمة الصيانة غالية بس ماعملوش معايا اى حركه من اللى بسمع عنه وبالنسبة للتأخير انا بكون مفضى نفسى يوم الصيانة وبستحمل القاعده المملة ماهى بتبقى كل 3 شهور وبالنسبة للاخ اللى بيقول اسعار الصيانة بالزيت 300 جنية ده كان زمان القيمة دلوقتى ضعف الثمن ده تقريبا