الموضوع: ما هو تقييمك لوكيل هيونداي و مراكز الخدمه

في الواقع أنا إختياري كان جيد ولكن عن غير إقتناع لأنه الإختيار الأمثل بالنسبة لي هو سيء ومضطر للذهاب إليه للحفاظ على الضمان فقط

ينفع تروح اي مركز خدمة معتمد وتعمل الصيانة الدوريه كل 5000 كم مفيش اي مشاكل ده سعتك كمان هتدفع اقل ماهتدفع في الصيانات في قليوب وأبو رواش
بس خد بالك كويس
ابقى خد معاك الضمان وخليهم يكتبولك انك عملت صيانه عندهم علشان لاقدر الله لو العربية حصلها حاجة وهي في الضمان وحد اتكلم معاك من ابو رولش او قليوب تحط الضمان في عينهم
علشان محدش يقلك انت اصلك مكنتش عملت الصيانه عندنا ليه
(اصل في ابو رواش مبيملوش الضمان كل عندهم على الكومبيوتر )
ارجو انى مكنش طولت على حضرتك وربنا يسلم طريقنا جميعا

يادكتور انا تحت امرك وتحت امر اي عضو

[QUOTE=Islam_galal;227154]أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس

برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)[/
هى الناس بتقول عليه سىء من كتر الزحمة والانتظار

السنة الماضيية كان معى سيارة اكسيل ذهبت الى التوكيل البعد السندباد اربع مرات
المرة الاولى كشف عليها بالكمبيوتر وقال اسف لا يوجد عمال الان ياريت تيجى بعد عيد العمال
ذهبت بعدعيد العمال قال اسف عندى ضغط جامد تعالى بكرى بدرى مع ان الساعة كانت 9
ذهبت تانى يوم الساعة 8 وقفت امام الباب وكنت اول واحد ركنو العربية لغاية الساعة 1
كل دة علشان تغيير بك السلانسيية الميكانيكى قال مش فاضى كلمة المشرف وقال لى استنى انا
هتصرف الساعة 2 لقيت المشرف بيصرخ شيل العربية دى ملهاش تصليح هنا انا معنديش قطع غيار
طبعا كان شكلى امام الناس وحش جدا
قلتلة طيب دخلتو السيارة لية من البداية قال انا معرفش مين الى دخلها
فى منتهى الهدوء خرجت وانا فى نصف هدومى من التصرف
اتصلت بالشكاوى و الحقيقة كانو فى منتهى الزوق وبعتو اخدو العربية ورجعوها تانى يوم زى ما هية
قالو التصليح على حسابنا ودى عايزة كاربراتير سعرة 6350 ج
اية رايكم