الموضوع: ما هو تقييمك لوكيل فولكس و مراكز الخدمه

اناكنت معجب جدا بالجيتا وكنت ناوي اخذها _ لكن بعد كلامك لازم افكر مليون مرة قبل لا اتورط فى الجيتا لان من اهم مميزات اى سيارة خدمة ما بعد البيع يعنى لاقدر الله لو صار شئ الاقي مركز صيانة محترم متوفر فية قطع غيار بسهوالة صيانة ماهرة ومحترفة .
اذا فقد ذلك يعمل اية العميل اذا كان حتى قطع الغيار حتى مو متوفرة
عموما حفكر فى السيفك او الفوكس .

بجد توكيل نصب فى نصب انا معايا بولو سيدان 2009 و فى صيانه ال 5000 كم كان عندى مشكله ان الباب اليمين بيزيق ولما عملت الاول الصيانه العاديه وعملولى ظبط زوايا ب 143.5 جنيه وطلع الدركسين معووج وقلت له قاللى بسيطه وطلع يجرب معايا العربيه لقيته بيعلم ظبطه الدركسيون بالقلم عشان يفك الدركسيون ويظبطه وكان فاكرنى مش فاهم حاجه وكانت الساعه 4:45 ولما اعترضت وقلت له ماتفكش الدركسيون واظبطها من تحت قاللى اصل خلاص الناس خلصت وخناقه زباله بينى وبينه عشان المشوار كبير عليا فى العبور فى الاخر رسينا على انى هاجى تانى يوم مجبر عشان نظبط الزوايا..
وبالنسبه للباب كشفوا عليه وقالولى المفصلات عاوزة تتغير؟؟؟ طب تتغير ليه دى بتزيق بس والباب زى الفل مافيهوش خربوش وماسك نفسه و بيقفل ويفتح كويس جدا.. قالولى تعالى بكرة نكشف ونشوف
رحت تانى يوم فكوا الباب وانا نزلت الورشه تحت اشوف بيعملوا ايه لقيت العمال تحت بيفكوا الباب وقالولى ان المفصلات كويسه جدا و جديدة وممكن تكون المشكله ان فيه زمبه طقه (يعنى لحام من جوة مفكوك) وقاللى ياريت الكلام بيننا ماتقولوش لحد عشان مش مفروض اقوللك
المهم سبت العربيه وقالولى هاتدفع 120 جنيه تمن دهان المفصلات الجديدة قعدت اتخانق تانى وانا مالى دة عيب صنع... المهم قلت اريح نفسى ودفعت..
بعد يومين قالولى العربيه خلصت ورحت استلمها لقيت الباب زى ماهو و بابص على المفصلات شكلها زباله وباين جدا انها مدهونه وفيها حته متخربشه والكاوتش بتاع الكهربا بتاع الباب مفكوك حاولت اركبه بايدى لقيت اصلا الكلبسات بتاعته مكسورة قلت له قعد يحور والباب لسه بيزيق...
قلت له انتوا كدة عملتوا ايه قاللى معلش جربه بس يومين ولو لسه بيزيق تعالى تانى.. طب والكاوتش بتاع الباب قاللى هاعملهولك.. العربيه نزلت تانى وانا والله كنت متاكد انهم هايلزقوها مش هايغيروها.. وفعلا لقيتهم لازقينها بأمير وريحته باينه قلت له قاللى ازاى وقعد يحور..
فى الاخر قاللى جربها يومين ولو لسه بيزيق تعالى تانى دى مسئوليتى ولازم تتصلح وبالنسبه للدهان والكاوتش هاعملهالك بس جرب الباب الاول..
انا طبعا عشان ظروف شغلى معرفتش اروح فكلمته بعد اسبوع قلت له الباب زى ماهو ومفيش جديد وانا هاجيلك مع الصيانه الجايه قاللى اوكى والصيانه بتاعتى بكرة وربنا يستر وكمان المهندس دة كلمته امبارح وقاللى انه ساب الشغل قلت له احسن والله.. بس بجد توكيل تعبان جدا بس العربيات ممتازة بجد...