انا كنت بعمل صيانة للبولو بأستمرار فى مركز الصيانة اللى فى العبور, و قبلها فى مركز شبرا
هما فى الاول كانوا كويسين جدا, مفيش ضغط, و العملية ماشية
بعد لما باعوا عربيات كتير, خاصة البرازيلى منها زى البوينتر و الباراتى, المكان مش مستحمل خالص
مفيش غير مركز خدمة واحد على مستوى الجمهورية, و كانوا متعاقدين مع مركز خدمة معتمد فى ابو رواش, لغوا العقد معاه علشان كان بيدخل عربيات غير فولكس فى مركزه
الناس اللى معاها عربيات فولكس من خارج القاهرة كانت بتجى من اخر الدنيا, و تبات قبلها بيوم, و مشقة ملهاش حل, و لسه من كام شهر بس فتح مركز خدمة اسكندرية
الخدمة هناك كانت جيدة, لكن بعد كده بدأت عربيات تخرج اسوأ من الحالة اللى دخلت بيها, يعنى انا اقوله على كذا ملاحظة فى العربية, مكتوب فى التقرير انهم عملوها, اخرج الاقى نفس العيب
خالتى معاها باراتى, العربية عملت حادثة, بعد اما اتصلحت, معمولة بطريقة سيئة جدا جدا, لدرجة انها اتخانقت و خليتهم يعيدوا العربية من تانى
معظم العربيات البوينتر و الباراتى قطع غيارهم مش متوفرة, يعنى برده العربية كانت محتاجة حاجة تتغير فى الضمان, قال لها بعد 6 شهور.
لكن العربيات الاخرى زى البولو, جولف, باسات و خلافه كانت حاجتهم موجودة على طول
فى المبيعات هما بقى عندهم موزعين كتير, و بدأ يبقى عندهم عربيات استلام فورى, ده غير ان فى اهتمام لما تستفسر على عربية, و دى تحسب لهم
لكن الاهم من كل شىء هو خدمة ما بعد البيع
المفضلات