الموضوع: ما هو تقييمك لوكيل شيفروليه و مراكز الخدمه

المفروض يهتموا شوية بمراكز الخدمة ويشوفوا الناس بتشتكى من ايه
الموضوع مش بيع وخلاص وبعدين المفروض عشان الشفافية كل واحد يشوف عربيته بيتعمل فيها ايه

انا شخصيا كنت بشتكى من صوت تزييق فى العفشة والفتيس جامد فى (الاول) ورحت الصحراوى وقالولى كله تمام وفوجئت بالمشاكل زى ما هى ورجعت تانى3مرات فى نفس اليوم والبيه المهندس بيحاول يقنعنى ان ده طبيعى.

مفيش غير حماية المستهلك
وانا باقترح نعمل مقابلة لكل اللى عندهم مشاكل ونتناقش فيها ونتطلع كلنا بربطة المعلم كده على الصحراوى ونقابل الكبير هناك ولو ماعملوش حاجة زى ما احنا كدة نطلع على حماية المستهلك
وربنا معانا ومنهم لله

مثل كل توكيلات مصر العامره سيء
مفيش وكيل عدل في مصر (راي الشخصي)

ابو رواش - جيد
العربية نفسها هي اللي مش اد كدة بس لو حاجز ورحت في معادك الموضوع مش بطال

رأيي في وكيل شيفرولية و هي شركة منصور فهو كالتالي:

1. الطابع العام لديهم هو إنكار شكوى العميل و اختلاق التبريرات المضحكة التي تصل لدرجة "الإشتغالات" لمحاولة إقناع العميل أن العيب ليس في السيارة و لكنه لسبب آخر يعود بالتأكيد لغباوة أصيلة متأصلة في أخلاق العميل و رغبة أكيدة منه في التجني على منصور و الكيد له تصل لدفعه مبلغ حاجة و سبعين ألف جنيه فقط حتى يحصل على فرصة ليشكو منه دون مبرر. أما القطاع الطيب من العاملين بمنصور يعتبرون الزبون الشاكي محدث نعمة اشترى سيارة بكل ما لديه من مال ليتمتع بها و بلغت درجة غيه و إحداثه انه يريدها سليمة غير معيبة. يكفيه أنها تدور و تتحرك.

2. تحية طيبة لمركز صيانة و مبيعات طنطا و كل العاملين هناك خاصة مهندس محمد المحلاوي و الأستاذ حازم موظف الاستقبال فهما الدليل الوحيد على أن منصور كانت نيته خيرا في البداية عندما قام بتعيين مثل هؤلاء الطيبون.

3. مركز الكيلو4.5 في الهرم كبير و إمكاناته عملاقة و لكن الاهتمام فيه موجه أولا للروتين. فتجد هناك عشرة مهندسين للاستقبال و مهندسين للتخطيط و زعيمهم "الفرماوي" يصول و يجول بينهم و يصرخ طيلة النهار حتى أن الجميع يشعر فورا بالهدوء عند دخول هذا الرجل التواليت أو صعوده لمكتبه لاحتساء الشاي. غارة يشنها الرجل على الزبائن (و ليس العملاء) و الذين بدورهم يبادلونه الشجار بالشجار فيهدأ فورا و يحاول إسكاتهم و لا يجد إلا وسيلة واحدة و هي تلبية طلباتهم و هو الشيء الذي أتوا هم وهو أصلا لهذا المكان من أجله. و عند تسليمك السيارة لهم و بدءك في متابعتها من الزجاج بغرفة الاستراحة أو من ساحة الانتظار تجد السيارة و قد وقفت جانبا أو تم رفعها على الروافع أو تم فتح غطاء محركها ثم تركت كما هي ، يذهب العمال و المهندسون حولها بالأوراق و يجيئون بكل همة و لا يفعلون فيها شيئا ثم يأتي أحدهم ل"يلم دورها" في خمس دقائق ثم تخرج للهواء الطلق بانتظارك و لا يبلغونك بخروجها إلا لو كان عليك لهم نقودا. التجربة الخاصة بالتوجه إلى هناك للشكوى من عيب هي عملية مزهقة للروح و أنا عن نفسي لن أكررها ما حييت.

4. مراكز صيانة التجمع و الطيران تتميز بالقدرة على متابعة الأعمال نظرا لوقوفك بجانب السيارة و قدرتك على متابعة العامل بنفسك و وجودهما في أماكن حيوية و هما المكانين اللذان أفضلهما.

5. الإكراميات هي المحرك السحري للعمالة الفنية في كل مراكز منصور و لن أزيد في هذه النقطة.

الخلاصة من وجهة نظري هي أن السيارة الآفيو ليست آخر سيارة في العالم حيث أنه يمكنكم بزيادة مبلغ بسيط شراء سيارات أفضل منها في كل شيء كالنيو أكسنت مثلا.

انا قلت ان الخدمه سيئه لماذا؟
انا هكلم على الكيلو 4.5 الصحراوى
1 المهندس اللى بيستلم منك العربيه هيحسسك انو هيعمللك كل حاجه انت عايزها وانه هيتابع العربيه لكل خطوه هتحصل فيها وانه هو اللى هيسلمك العربيه بنفسه....."لا تعليق......"
2 هما ليه مش عايزنا نشوف اللى بيحصل فى العربيه وقطع الغيار اللى بيقولوا انها بتتبدل,
واحد هيرد عليا ويقولى علشان النظام..., انا هرد عليه و هاقولو انى موجود فى مصر توكيل عامل بانوراما لكل اصحاب السيارات لهم الحق فى رؤية سياراتيهم وهى تصان من الاعلى وفى نفس الوقت المهندس الفنى بيشوف شغله من غير ماحد يدايقوا وبكده نقدر نوفر عامل المصداقيه
3 ليه التوكيل مايعينش واحد بس يكون مراقب على الفنين ويكون فعلا حازم فى قراراته وتكون هى ده وظيفته فقط .... انا معاك ان هياخد مرتب بس ده هيكون احسن واحد لراحة العميل وايضا للداعيه على حسن المعامله داخل التوكيل وانتو عارفين الباقى
4 ولاهى العربيات الشيفورليه حلوه جدا وان مجرب غيرها كتير و كفايه ثباتها على الطريق بس بايدكوا يا توكيييييييييييييييييل تخلونا نكرهههههههههههههها او نحبها
5 ادونا اسعار معقوله وبرده مش رخيصه بس برده لازم اخد امامها الخدمه الممتازه اللى نفسى اشوفها عندكوا "خد بالك من اللى جيه ديه......" زى ما لقتها وانا بشترى العربيه منكو
6 انا نفسى اشترى كروز بس خايف من الخدمه بمنتها الامانه "يا رب "
7 السيارات الشيفروليه "افيو, اوبترا,كروز," ممتازين ينقصهم الخدمه وشكرا لحسن قراتكم
واتمنى رؤية تعليقاتكم

انا بقى اسمحولي اضيف تعليق على مركز خدمة الكيلو 4ونص بالصحراوي ... رحتلهم مرة بالعربية وكانت اوبترا مو 2006 اعمل صيانة ال80 الف ويعدلولى الكابوت اللى كان اتخبط منهم وحيصلحو بمعرفتهم ...
قالولى يومين كده ونقلك علشان تيجي تاخد العربية .. استنى بقى يوم واتين واربعة محدش اتصل ... رحت مكلمهم ايه يا جماعة قاللى المهندس ان العربية فيها اشتباه ان يكون فيها جوان ولازم نفك الموتور علشان نعرف بس لو فكينا الموتور مش حتركبو لو قلت ماتصلحهوش ونحملك تكلفة فك الموتور ... طبعا رحتلهم وقلتلهم ازاي جوان وانا مدخلها صيانة عادية وعلشان الكابوت وبعدين ازاى ده يحصل وهى مو2006 ... طبعا بعد خناق وزعيق والكلام اللى انتو عارفينو ماطلعتش لا بأبيض ولا باسود قالولى حتكلفك 14 الف جنية ... طبعا اخدت العربية ومشيت ورحت لحوالى 3 مكانيكية برة كلهم قالولى مفيهاش اي حاجة خالص ...