الموضوع: ما هو تقييمك لوكيل شيفروليه و مراكز الخدمه

المشاركة الأصلية كتبت بواسطة negmelpahr

حضرتك ليه مش بتطلب ان يطلع معاك مهندس لتجربه السياره علي الطريق الصحراوي والطريق لحد البوابات طويل وكفيل انه يطلع اي عيب في السياره ومافيش لادار لان المركز ماعه تصريح سرعه وجرب السياره براحتك وخلي المهندس يسمع دا لان فيه بعض العيوب مش بتظهر جوه المركز

نياهاهاهاها هعهعهعهعهع تفتكر يا أستاذ نجم البحر ان ده و أكتر من ده عشرين مرة ماحصلش؟؟؟؟؟
من الواضح ان ردود سعادتك تنييمية ترييحية و ده مش غريب طبعا لأنك زي ما بتقول بتشتغل في الاستقبال في منصور اللي أكيد صارف دم قلبه على تعليمكم التنييم
اللي يراجع أي مشاركة ليك حايلاحظ ان المحصلة العملية على أرض الواقع لمشاركاتك هي صفر كبير و انك بتشتغل زي صمام تنفيس الضغط في أواني البخار و عمال تجذب المشاركين في المنتدى لحوارات جانبية تسويفية حتى لا تتزايد المشاركات المسيئة لمنصور و هي مسيئة عن حق طبعا

المشاركة الأصلية كتبت بواسطة nadenono

نياهاهاهاها هعهعهعهعهع تفتكر يا أستاذ نجم البحر ان ده و أكتر من ده عشرين مرة ماحصلش؟؟؟؟؟
من الواضح ان ردود سعادتك تنييمية ترييحية و ده مش غريب طبعا لأنك زي ما بتقول بتشتغل في الاستقبال في منصور اللي أكيد صارف دم قلبه على تعليمكم التنييم
اللي يراجع أي مشاركة ليك حايلاحظ ان المحصلة العملية على أرض الواقع لمشاركاتك هي صفر كبير و انك بتشتغل زي صمام تنفيس الضغط في أواني البخار و عمال تجذب المشاركين في المنتدى لحوارات جانبية تسويفية حتى لا تتزايد المشاركات المسيئة لمنصور و هي مسيئة عن حق طبعا

والله انا مش فاهم حضرتك عايز ايه بالضبط
هل معاك سياره شيفروليه
هل حصل معاك مواقف سيئه مع التوكيل
ولا انت مجرد عابر علي القسم

المشاركة الأصلية كتبت بواسطة mmtronic

سيدى الفاضل

حضرتك بتتكلم عن المنظومة الى المفروض شركة حضرتك تتبعها و هوة ان لما تشتكى من مشاكل فى عربيتك يطلع معاك مهندس من غير حتى ما تطلب و يجرب العربية قبل ما يستلمها و يدخلها الورشة
ودة للاسف مبيحصلش حتقولى - لالالالالالالالا يا فندم بيحصل

انا ليسة كنت هناك علشان الطنابير و التيل و الريجة الى فيها و استلمها و دخلها الورشة من غير حتى ما يجربها

انا معاك يا فندم مش بيحصل
واحنا ليه بنسكت عن حقنا ما الدنيا مش هاتمشي بالظنون هاعم اقف واتكلم مره واتنين واشتكي وهات المهندس يطلع معاك يجرب العربيه طيب لما خد العربيه ودخل الورشه العربيه طلعت بنفس العيب لو طلعت في نفس العيب

المشاركة الأصلية كتبت بواسطة negmelpahr

والله انا مش فاهم حضرتك عايز ايه بالضبط
هل معاك سياره شيفروليه
هل حصل معاك مواقف سيئه مع التوكيل
ولا انت مجرد عابر علي القسم

يا سيد محمد أنا معايا شيفروليه آفيو ألفين و تسعة و لو اتكلمت عن عربيتي لوحدها فهي فيها عيب تخبيط العفشة الأمامية و الآر بي إم و الطنابير و التصفير من الجانب الأيمن على سرعات أعلى من مائة كيلو و أقل عند و جود ريح معاكسة و ضعف التكييف و مشتريها من منصور رأسا و اتهريت مشاوير لمراكز خدمة الهرم و رابعة و طنطا و حصل معايا كل المواقف السيئة اللي ممكن تتخيلها و تم حل مشكلة واحدة فقط في منصور و هي الطنابير و من أول مرة علشان دفعت رشوة خمسين جنيه و مش حاقولك لمين و العيب ده لقيت ناس غيري جت عليه و لا عشر مرات و مفيش فايده بس ما دفعوش و قدرت أحل عيب التكييف بس طبعا بره منصور
و مستعد أتغاضى عن عيب الآر بي إم و عيب الصفير لو اتحلت مشكلة خبط العفشة اللي استعصت على الكل و تم تغيير نصف السيارة من أسفل عشانها و لم تتحسن و ياللهول لم تفلح الرشاوي أيضا في حلها
أنا يا أخ محمد دفعت أربعة و سبعين ألف جنيه علشان أركب سيارة كل ما بامشي بيها مترين أسمع صوت عفشتها وهي تخبط و أنت لن تتصور أبدا الضيق الذي أشعر به و أنا ركب سيارة لا أثق في بقائها متماسكة
و لك أن تتخيل المجهود الرهيب الذي أبذله في القيادة لتفادي المطبات و النقر و الزلط الصغير و بقع الأسفلت المتجمدة و الدردرة في الرصف حتى و لو كانت بسيطة و ارتفاعها لا يتجاوز السنتيمتر الواحد و كل ذلك حتى لا أسمع أصوات الخبط.... و بالمناسبة قام السادة المحترمون في مركز الهرم جميعهم من أول الفرماوي حتى يوسف العفشجي بتجربة السيارة و لم ينكروا وجود خبطة و صوت بالعفشة و لكنهم بمنتهى اللطف حاولوا اقناعي بأن هذا أمر عادي و أنني غير معتاد على ركوب السيارات الزيرو و أن هذا الصوت بركة و أنني لابد لي من ترك السيارة عدة أيام ليفحصوها بضمير و إلى آخر هذا الهراء الذي رفع ضغطي

و الحمد لله فاضللي خمسة ألاف جنيه و أتم جمع المبلغ المتبقي من القسط لأفك حظر البيع و أتخلص من هذه السيارة للأبد و لن أكف أبدا عن الندم على شرائي هذه الآفيو رغم تحذير أصدقائي و جيراني و يكفي أن أقول أن أعز أصدقائي اشترى معي سيارته البي واي دي التي هي سيارة صييينية بنفس المبلغ بالضبط و لم يشكو من مشكلة حتى الآن إلا و تم حلها تماما في التوكيل و الذي هو الأمل للسيارات و كلنا نعرف ما هي السيارات الصينية و ما هو الأمل


إخواني الأعزاء أعضاء المنتدى ,, لا تشتروا الأفيو فهي ليست آخر سيارة في العالم و البديل الأمثل و المقارب في السعر هو الفيرنا و البي واي دي الصيني و طبعا الجيتز و البريليانس الإف آر في
كلها سيارات ذات عفشة متماسكة و تذكروا أننا في مصر و كلها سيارات لا توجد بها عيوب مستعصية كالآر بي إم في الآفيو
و جميعها تمتلك كماليات عديدة كما أنك تشعر دائما بأنك لم تدفع فيها مالا أعلى من قيمتها

يا جماعة انا عندي اوبترا جديدة 2010 وفيها مشاكل كتير من تكييف لعفشة لتزييقة في الدريكسيون لالخ الخ........ ومحدش عارف يعملي حاجة الناس مش فاهمة ولا عارفة حاجة لو انا في دولة برا كانو بدلولي العربية بواحدة جديدة. توكيل من الاخر زبالة جدا جدا

حراميه