الكريستالة و استهلاك البنزين!

**Ahmad** · 16-04-2008 11:53 AM

المشاركة الأصلية كتبت بواسطة sabbagh

استهلاك البنزين
11.5 كم/لتر فى نطاق مصر الجديدة و مدينة نصر
13.5 فى السفر
بنزين 92

أعتقد ده استهلاك المانيوال . الاوتوماتيك بيستهلك أكتر شوية. مش كدة ؟

**أبو_حمزة** · 16-04-2008 03:53 PM

لا انا عربيتى اتوماتيك و ده استهلاكها من غير تكييف
بالتكييف يزد حوالى 10- 15%

**Ahmad** · 16-04-2008 04:09 PM

المشاركة الأصلية كتبت بواسطة sabbagh

لا انا عربيتى اتوماتيك و ده استهلاكها من غير تكييف
بالتكييف يزد حوالى 10- 15%

تمام .
هي طول عمرها كدة؟ ولا حضرتك ضبطت حاجة في الكربراتير أوعملت تصليحات في اي حاجة؟
أصل عندي الاستهلاك زيادة شوية و بفكر ايه اللي ممكن أعمله علشان أحسن ال استهلاك.

**أبو_حمزة** · 16-04-2008 04:38 PM

العربية و الحمد لله فابريكة بالكامل و كل حاجة فيها زى ما هيه بدون لعب اكتر من الصيانات الدورية فى مواعيدها
الكاربراتير ما اتعملش فيه اكتر من التنظيف الدورى
خد بالك ان اسلوب السواقة بيفرق كتير
لو رجلك تقيلة على البنزين و بتستعمل الفرامل كتير الاستهلاك يزيد معاك و بشكل واضح.

**Ahmad** · 16-04-2008 04:48 PM

المشاركة الأصلية كتبت بواسطة sabbagh

العربية و الحمد لله فابريكة بالكامل و كل حاجة فيها زى ما هيه بدون لعب اكتر من الصيانات الدورية فى مواعيدها
الكاربراتير ما اتعملش فيه اكتر من التنظيف الدورى
خد بالك ان اسلوب السواقة بيفرق كتير
لو رجلك تقيلة على البنزين و بتستعمل الفرامل كتير الاستهلاك يزيد معاك و بشكل واضح.

عندك حق. انا ساعات بستعمل الkickdown علشان أشوف سحب الموتور. يعني.. أنا لسه جايبها و بحاول أحسب الاستهلاك في جميع الظروف.
هو الصح اني أحسب الاستهلاك العادي بدون قرص أو شد و يفضل لمسافة طويلة مرة واحدة (سفر مثلا) . دي أكتر طريقة تبين نسبة الاستهلاك.

عموما متشكر جدا علي مشاركتك و ربنا يباركلك في عربيتك :)
علي فكرة لو حبيت تبيع قوللي ;)

**أبو_حمزة** · 16-04-2008 05:20 PM

ربنا يبارك لك فيها يا زعيم
بصراحة مع الهبل اللى حاصل فى الاسعار اليومين دول انا من انصار مقاطعة الجديد لفترة لحد ما التوكيلات تعقل
بس لو فكرت ابيع ها اقول لك

**shevechinco** · 15-06-2008 11:34 AM

المشاركة الأصلية كتبت بواسطة kemo_nagy

طبعا صحيح مش اى حد يلعب فى الكربيراتير ودة لعدم وجود قطع غيارة عشان كدة عمرو ماهيرجع زى الأول دة طبعا لو صلحتوا عند حد مش متخصص
فى قطع غيارغالبا فى حاجات لازم تتغير اول ماتفك الكربيراتير زى الأولسيهات و الجوان و دة بيبقى موجود فى التوكيل (بس التوكيل بصراحة غالى قوى فى الحاجات دى)
انا اول ماشتريت العربية كان عندى حاجة اسمها التشك كان مش بيشتغل والميكانيكى اللى عندى قالى هات 250 جنية و اجبلك واحد كويس بس ماكنتش مستريحلة سألت كتييير لحد معرفت واحد كويس جدا جدا جدا بصراحة و عندوا جميع انواع قطع الغيار لأى كربيراتير و بصراحة امناء جدا جدا جدا مش من النوع اللى عايز يعمل عليك شغل و خلاص ياعنى هايشوف العربية لو مافيش شغل مش هايحط ايدو فيها و هى وارشة كبيرة قوى قبل الحرافيين لو عايز العنوان بالظبط قولى المهم عمل الصيانة 70 جنية +طقم اولسيهات 45 جنية +جوان 15 جنية و فى ضمان تقريبا 3 شهور على قطع الغيار و 15 يوم لو حصلت معاك اى حاجة(كهربة زيادة العربية مادرتش من اول مرة كدة ياعنى)

يا ريت يا كيمو بعد اذنك المكان فين بشئ من التفصيل معلش

**kemo_nagy** · 16-06-2008 03:47 AM

بص ياباشا الورشة دى موجودة فى امتداد جسر السويس كدة كأنك رايح على الحرفيين بس قبلها بشوية بالظبط بعد سوق القنال على طول اول ماتشوف بنزينة كالتكس على الشمال هتلاقى شارع جنبها ادخل فى و امشى على طول(بس براحة عشان المطبات) بعد كدة يمين فى يمين هتلاقى الورشة واى خدمة :)

**amr_elrashidy** · 16-06-2008 10:12 AM

العنوان مضبوط ..اسمه مركز الصفا للكربيراتير......صاحبه مهندس فى غبور....ناس اكثر من ممتازين..فاهمين اوى شغلهم...العربية اللانسر فيها تشوك(شفاط اوتوماتيك) اذا اتلغى عمله بيوفر كتير فى البنزين...كان معايا العربية دى مو96..متلعبش فيها خالص..كانت بتعمل حوالى 220 فى الصفيحة..روحتلهم لقيت العادم 9.5..المفروض اللانسر عادمها يبقى 0.7..ظبطولى العادم و قفلولى التشوك..الاستهلاك بقى 255-260 فى السواقة العادية..بدون كيكات كتير..مع التكييف و الكيكات بيوصل 220-230..عملت فى السفر 300 كم فى الصفيحة
نصيحة منى متروحش يوم جمعه بيبقى زحمة موت..مواعيدهم لحد 6 مساءا