الموضوع: الكريستالة و استهلاك البنزين!

طبعا صحيح مش اى حد يلعب فى الكربيراتير ودة لعدم وجود قطع غيارة عشان كدة عمرو ماهيرجع زى الأول دة طبعا لو صلحتوا عند حد مش متخصص
فى قطع غيارغالبا فى حاجات لازم تتغير اول ماتفك الكربيراتير زى الأولسيهات و الجوان و دة بيبقى موجود فى التوكيل (بس التوكيل بصراحة غالى قوى فى الحاجات دى)
انا اول ماشتريت العربية كان عندى حاجة اسمها التشك كان مش بيشتغل والميكانيكى اللى عندى قالى هات 250 جنية و اجبلك واحد كويس بس ماكنتش مستريحلة سألت كتييير لحد معرفت واحد كويس جدا جدا جدا بصراحة و عندوا جميع انواع قطع الغيار لأى كربيراتير و بصراحة امناء جدا جدا جدا مش من النوع اللى عايز يعمل عليك شغل و خلاص ياعنى هايشوف العربية لو مافيش شغل مش هايحط ايدو فيها و هى وارشة كبيرة قوى قبل الحرافيين لو عايز العنوان بالظبط قولى المهم عمل الصيانة 70 جنية +طقم اولسيهات 45 جنية +جوان 15 جنية و فى ضمان تقريبا 3 شهور على قطع الغيار و 15 يوم لو حصلت معاك اى حاجة(كهربة زيادة العربية مادرتش من اول مرة كدة ياعنى)

فعلا كاربراتير الانسر عقده و اوعى تفكه فى اسبراى لتنضيفه انا كنت تقريبا عايش بيه كل 5000 كيلو بانضف الكاربراتير بيه و هوا سهل جدا اما الاستهلاك فهو على الطوالى حوالى 280 ك فى الصفيحه و داخل البلد (ما ينفعش نحكم على اى استهلاك عربيه داخل القاهره)

المشاركة الأصلية كتبت بواسطة kemo_nagy

انا اول ماشتريت العربية كان عندى حاجة اسمها التشك كان مش بيشتغل

التشك دة اللي بيخلي العربية عالية لحد ما تسخن ؟
أصله شغال عندي و مخلي صوت العربية عالي قوي الصبح لدرجة اني شاكك ان في حاجة غلط :)

بالنسبة لتصليح الكربراتير, ممكن تقولي اسم و مكان الورشة اللي قبل الحرفيين, يمكن احتاجلها
شكرا يا كيمو :)

المشاركة الأصلية كتبت بواسطة lakany

فعلا كاربراتير الانسر عقده و اوعى تفكه فى اسبراى لتنضيفه انا كنت تقريبا عايش بيه كل 5000 كيلو بانضف الكاربراتير بيه و هوا سهل جدا اما الاستهلاك فهو على الطوالى حوالى 280 ك فى الصفيحه و داخل البلد (ما ينفعش نحكم على اى استهلاك عربيه داخل القاهره)

هو التنظيف بالسبراي ممكن يحسن استهلاك البنزين؟
و هل تقوم برش السبراي بنفسك أم يحتاج الموضوع الي ميكانيكي؟

شكرا

الاسبراى كان بيحسن الاستهلاك و السحب بس بنسبه من 5 ال10% وهو سهل جدا بتشيل العمه و فلتر الهواء و تحط ايدك على سلك دواسه البنزين و ترش الاسبراى داخل الكربراتير مع الضغط على السلك عشان تزود ضخ البنزين معاه (امبليه يعنى) و الا العربيه ها تبطل منك و لازم تكون العربيه مش سخنه جدا و مش بارده خالص و تعمل الموضوع ده 4 او 5 مرات ورا بعض و تنضف فلتر الهوا و اذا كان قديم غيره و تركب العمه و بس.

شكرا جزيلا يا lakany :)

المشاركة الأصلية كتبت بواسطة Ahmad

التشك دة اللي بيخلي العربية عالية لحد ما تسخن ؟
أصله شغال عندي و مخلي صوت العربية عالي قوي الصبح لدرجة اني شاكك ان في حاجة غلط :)

بالنسبة لتصليح الكربراتير, ممكن تقولي اسم و مكان الورشة اللي قبل الحرفيين, يمكن احتاجلها
شكرا يا كيمو :)

العنوان يا أحمد قبل الحرافيين فى جسر السويس بعد سوق القنال عند بنزينة كالتكس أسأل و هيدلوك هناك وأبقى طمنا على النتيجة لو روحت;)

المشاركة الأصلية كتبت بواسطة kemo_nagy

العنوان يا أحمد قبل الحرافيين فى جسر السويس بعد سوق القنال عند بنزينة كالتكس أسأل و هيدلوك هناك وأبقى طمنا على النتيجة لو روحت;)

شكرا يا كيمو :)
أكيد هبقي أقولك الاخبار لو رحت ان شاء الله.