الموضوع: ايه ال المجلس العسكري بيعمله دا ؟؟

المشاركة الأصلية كتبت بواسطة abdelaziz-waleed

لأ الصح ان شوية البلطجية هم اللي يعتدو على ضباط الجيش زي الفيديو اللي تحت

انا ملاحظ ان مواضيع ومشاركات حضرتك يا استاذ على فيها تحامل قاسي على الجيش
ياترى مين اللي حمى الثورة من الضياع ورفض يطلق رصاصة على الشعب وبينفذ مطالب الشعب حاليا
يا ترى مين اللي حمى المعتصمين من البلطجية عند مدخل طلعت حرب يوم موقعة الجمل
يا ترى مين اللي طلع خلص على البلطجية اللي كانو فوق العمارة وبيحدفو مولوتوف على المتظاهرين
يا ترى مين اللي كان بيجي جري اول ما تتصل لو حصلك حاجة في عز الانفلات الامني

يا ريت تراجع نفسك لأن الجيش فعلا بيدلع الشعب ومتهاون جدا مع الناس اللي في ميدان التحرير حاليا
انا نزلت الميدان يوم السبت الماضي الساعة 11 بالليل وتحسرت وحزنت جدا من اللي شوفته
يا ريت الجيش ينزل وينهي المهزلة ديه
[youtube]http://www.youtube.com/watch?v=psmz5tx-hhi[/youtube]

لغاية قبل كلمة الريس كنت بدافع عن الجيش
بس الكلمة دي بقى القشة ال قطمت ظهر البعير
قولت خلاص بقى انا مش هفضل اقول الجيش دا حلو الجيش دا حلو و انا مش شايف اي حاجة تثبت كدا
حضرتك لو لاحظت انا مطلبتش الجيش يمشي كل ال انا بطلبه مبررات واقعية و مقنعة "مش اجانب و حماس و اجندات و اسرائيل" الكلام دا زهقنا منه و حفظناه و الغريب انه بيتكرر تاني "كانه جاب نتيجة اول مرة"
انا عايز الجيش يطلع يقولي ليه ضرب المتظاهرين يوم 19 فبراير
وليه ضرب طلبة كلية اعلام
و ليه ضرب ال اعتقلهم من امام مباني امن الدولة
وليه كل ظباط امن الدولة رجعو بيوتهم و معظمهم راح يشتغل في الامن الوطني
و ليه الشرطة مش هترجع غير لما نبوس ايدهم
وليه الريس محدش حقق معاه مع ان الخارجية السويسرية من اول يوم و قالت فلوس الريس اتجمدت عندنا "يعني عندهم فلوس"
و العادلي
و فين باقي التحقيقات مع العادلي في اطلاق النار على المتظاهرين ليه اقتصرو التهم على الاختلاس
ليه ليه ليه ليه ليه
لما الاقي اجابات هرجع اثق في الجيش و ادافع عنه زي الاول

المشاركة الأصلية كتبت بواسطة ahmedjumpo

المعذرة يا استاذى اتهامات ايه اللى حضرتك بتتكلم عليها انا سألت حضرتك ثلاثة اسئلة صريحة و مباشرة و انتظرت تعطينى ثلاث اجوبة صريحة و مباشرة
و على فكرة كل سؤال من اللى سألتهم ممكن ادعمهم بفيديوهات كثير لو حضرتك عايز
و المعنى من الاسئلة ان مافيش حد و لا اى جهة وفرت حماية للمتظاهرين و لو لم يتحمل الناس المشقة و يصمدوا كان كل شيئ ضاع و انتهى
و ارجو ان الزمن لا ينسينا الاحداث فلو رجعت للخلف ايام الثورة الاولى هتلاقى يوم الاربعاء فى مكالمة لشباب من الميدان مع الجزيرة حول الوضع ليلا و هجوم البلطجية و القناصة و طلبهم من الجيش انه يحميهم و لم يجدوا استجابة بل وجدوا الناس بيدخلوا و يقفلوا عليهم دبابتهم و ان هناك ظابط انهار و كان هيضرب نفسه بالنار لانه مش قادر يحميهم و لا عنده تعليمات بكده

احنا على فكرة عندنا مشكلة كبيرة جدا فى التعامل مع الامور حيث نمسك فى ردود الافعال و نترك الاسباب
هل لو كان منذ شهرين قام المجلس العسكرى بالقبض على رؤوس الفساد و تحفظ على كبارهم و قام بتجميد اموالهم و اخضعهم للتحقيق و قبض على الرئيس السابق اللى على كلامهم اعطاهم امر بضرب الشعب و بالتالى بناءا على كلامهم يحق لهم القبض عليه و محاكمته
و لو قاموا بحل الحزب الوطنى و التحفظ على قياداته
و لو قاموا بأستبدال القيادات الاعلامية الفاسدة التى كانت تحض على قتل المتظاهرين و تتهمهم بأبشع الاتهامات
و لو قاموا بالتنسيق مع الداخلية و اجبار ضباطها على العمل بدلا من تركهم فى حالة الدلع و اود ان اشير الى حاجة لماذا لم يتعامل المجلس العسكرى مع امناء الشرطة اللى راحوا ولعوا فى الداخلية مرتين بنفس القوة التى استخدمها مع المعتصمين فى التحرير , و ارجو الاجابة
هل لو قام المجلس العسكرى بالخطوات السابقة كانت ستستمر المظاهرات و الاعتصامات ؟؟؟؟؟؟
ارجو الاجابة

الله يفتح عليك ......... يا ريت نلاقي رد بدليل و مقنع


مش مجرد إنفعالات و زعيق و غناء للجيش و تطبيل و خلاص

اسمحولى يا جماعه اقول حاجه

انا بشتغل فى البورصة منفذ عمليات هل تعلموا ان من ساعه لما حصل اعتصام فى التحرير وتحديدا من يوم السبت لحد دلوقتى البورصة بتخسر قد ايه مبالغ مهوله
يكفى انى اقولكم ان من ساعه لما اشتغلت البورصة بعد الثورة واجمالى تداولات البورصة 2 مليار جنيه فى اليوم واحنا كلنا مش كنا مصدقين اننا ممكن نوصل لحجم التداول ده
بس للاسف كل ده ضاع من اول يوم الخميس اللى فات لخوف المستثمرين الاجانب والعرب من جمعه التطهير
انا عايز اقول ان من اول الاسبوع ده يعنى من يوم الاحد وحجم التداول بقى 300 مليون فى اليوم الواحد تخيلوا يا جماعه وشوفوا التراجع بقى عامل ازاى
وده من خوف المستثمرين من ضخ فلوس جديدة من اللى بيحصل فى ميدان التحرير
انا اؤمن تماما باستمرار المظاهرات كورقه ضغط على المجلس العسكرى للاسراع بمحاسبه رؤؤوس الفساد
ولكن نخليها كل يوم جمعه ومش لازم موضوع الاعتصام المفتوح ده
يا جماعه لازم نخاف على البلد واقتصادها اكتر من كده

ممكن اسال سؤال لاني بجد تهت ..............
انتم بدافعو عن المعتصمين الموجودين في الميدان دلوقتي......بعد ما كل الناس شافت هما مين ........وبتدافعو عن وجودهم في الميدان..لو كده قاعدين ليه ومرحتوش تعتصمو معاهم برغم اقتناعكم ان الجيش متامر علينا
مش الكل اتفق انه يوم الجمعه بس يتم التظاهر والضغط بالطلبات المشروعه يبقي الاعتصام ده الغرض منه ايه واللي بيدافعو عنه برده غرضهم ايه
.....................
ثانيا كل الاخوه اللي عمالين يحللو الامور من منظروهم هما بس ..........هل انت متاكد من كل المعطيات الخاصه باللي بيحصل في مصر
يعني انت عارف بالظبط ايه اللي وراء الكواليس والقرارات بتتاخد علي اساس ايه
طيب بلاش
عصام شرف اللي كان معتصم في التحرير والكل عارف مدي مصداقيته ....مستغربتوش انه محاولش يستقيل اصلا....وانه لم يصرح باي كلام ضد الجيش بل بالعكس
ولا عصام شرف انضم لقائمه المتخاذلين في رايكم
طيب .........
لما كل دول متامرين علي البلد......مين اللي معانا ومين ضدنا........
ولا نستورد مسئولين من الصين
طيب .....حتقولولي مش متاكدين احنا لينا طلبتنا ولازم تتنفذ......انت حاولت تبحث عن اليه التنفيذ......بلاش ايه بالظبط شايفينه غلط من الجيش ومعلش محدش يقولي انه ضرب المتظاهرين.....دول مش المتظاهرين دول سوري المنتفعين بخراب البلد....يعني دول في نظري لازم يطبق عليهم قانون البلطجه...........
سؤال اخير انت مقتنع ان الجيش بيتامر ضد مصلحه البلد؟
ان الجيش بيخون مصر ..........رجاء ردو علي هذا السؤال
ومش عايزه حد يقولي المجلس العسكري حاجه والجيش حاجه تانيه ...يبقي سوري ميعرفش حاجه ......الاتنين واحد
حاجه تانيه مش عايزه حد يقولي ان فيه ظباط مش طايقين طنطاوي لانك كده بترد علي نفسك.....محدش منهم حاول يعمل حاجه دلوقتي ومنتظرين استقرار البلد وبعدين يجي وقت الحساب.....ياريت تتعلمو منهم

المشاركة الأصلية كتبت بواسطة ahmedjumpo

يا هندسة مش هتلاقى اجابات مقنعة و بأدلة فقط كلام انشائى
للاسف احنا عايشين فى ظل حالة من عدم الوضوح و التضارب و الخوف من القادم
و عندك مثال الرئيس السابق مبارك اللى النهاردة طلعت عنه اخبار انه بيتحقق معاه فى الطور و ناس تقول فى شرم و ناس تقول فى المستشفى و ناس تقول فى المانيا و ناس تقول فى الاردن , بالله عليك ما هذا السخف شخص واحد مش عارفين مكانه للدرجة ديه صعب نطلع بتصريح عن حقيقة مكانه و ما السبب وراء كل هذا التضارب
نقطة تانية كتير مش واخدين بالهم منها و ان احنا بيتم تتوهينا واشغالنا عن قضايا اخرى و انظر مثلا للاخبار
خبر عن تاجيل قضية الانفلات الامنى فى الغربية الى شهر يونية و بالتالى كمان تأجيلة و يبقى كل سنة و احنا طيبين علشان الاجازة القضائية و مات الموضوع
http://dostor.org/crime/11/april/9/39793
خبر تأجيل محاكمة عز ورشيد وعسل في قضية مصانع الحديد الاسفنجى لجلسة 7 مايو
http://elbadil.net/%d8%aa%d8%a3%d8%ac%d9%8a%d9%84-%d9%85%d8%ad%d8%a7%d9%83%d9%85%d8%a9-%d8%b9%d8%b2-%d9%88%d8%b1%d8%b4%d9%8a%d8%af-%d9%88%d8%b9%d8%b3%d9%84-%d9%81%d9%8a-%d9%82%d8%b6%d9%8a%d8%a9-%d9%85%d8%b5%d8%a7%d9%86/
خبر إخلاء سبيل مدير امن الإسكندرية السابق ومدير الأمن المركزي بضمان وظيفتهما
ط§ظ„ط¨ط¯ظٹظ„ | ط§ظ„ط¨ط¯ظٹظ„ » ط¥ط®ظ„ط§ط، ط³ط¨ظٹظ„ ظ…ط¯ظٹط± ط§ظ…ظ† ط§ظ„ط¥ط³ظƒظ†ط¯ط±ظٹط© ط§ظ„ط³ط§ط¨ظ‚ ظˆظ…ط¯ظٹط± ط§ظ„ط£ظ…ظ† ط§ظ„ظ…ط±ظƒط²ظٹ ط¨ط¶ظ…ط§ظ† ظˆط¸ظٹظپطھظ‡ظ…ط§
خبر استدعاء ضباط امن الدولة بالإسكندرية لاستجوابهم في قضية إحراق وفرم المستندات يعنى بقالهم اكثر من شهر و اسبوع و لم يتم استجوابهم ما شاء الله

و الكثير من الاخبار اللى تخرج منها بأن لا جديد و جرائم النظام السابق لن يحاكم و يدان فيها و اللى يتكلم و يستغرب من اللى بيحصل و يطلب تفسير تلاقى تهم من نوعية مثيرى الفتن و محاربة الاستقرار و تقسيم الجيش و كلام لا هيقدم و لا هيأخر
و لك الله يا مصر

مش شايفه في الاخبار دي اي مشكله .....واي حد متابع القضاء المصري عارف ده بل بالعكس دول ماشين بسرعه ......قارنها بالقضايا ايام النظام السابق واشهرهم طلعت مصطفي ولا القضاء المصري كمان متامر علي البلد ومتفق مع الحراميه...........
يبقي كده
الجيش متامر....النائب العام متامر....القضاء متامر.....مجلس الوزراء متامر......جودت الملط متامر......وفلول الوطني متامره.....
والشعب كل نص بيخون النص التاني
لا كده الموضوع مش نافع ....ولا التحرير برضه نافع....
................

انا مع تطبيق القانون
لا للبلطجة
الجيش عايز حاجة مش فاهمها وهتظهر بمرور الوقت