الموضوع: سيارتى ام 11 اتسرقت من التوكيل بالاسكندريه تكنوسيرفس 4

النطق بالحكم اتحدد وباذن الله حطالعكم به وجهاز حمايه المستهلك جهاز قوى ودعم موقفى برفع القضيه بالمحكمه الاقتصاديه وكله بامر الله

وارجو من حضراتكم الوقوف بجانبى حتى نقهر استغلال التوكيلات

بص حضرتك مركز السمكره و الدوكو ده اللى اختاره و بعت العربيه ليه هو التوكيل نفسه يبقى تلقائيا يعتبر كأنه جزء من التوكيل و حضرتك ملكش دعوه بالتفاصيل الداخليه دى و التأمين كمان ملوش دعوه فى الجزءيه دى علشان بس ما نلغبطش الامور. التأمين ممكن يكون ليه دعوى بالحادثه اللى حصلت للعربيه فى البدايه اللى هى كانت سبب ذهابك للتوكيل فقط و بعدين حضرتك كنت هتدفع فلوس الاصلاح للتوكيل بعد ما تستلم العربيه سليمه مش لمركز السمكره و الدوكو و هيدفعك سعر التوكيل يعنى اذا كان التوكيل بيسترخص او بيتعامل مع مراكز تعبانه او مش متأمنه كويس او يعطى شغل من الباطن لمراكز تانيه دى نقطه تحسب عليه و تقصير منه و بعدين حكايه دى عربيتك و لا عربيه واحد صاحبك برضه الموضوع ده ليه علاقه فقط بالحادثه الاول و ليس له اى علاقه بسرقه العربيه من مركز السمكره و الدوكو اللى التوكيل بيتعامل معاه و بالتالى هو جزء من التوكيل و أيا كان اللى جاب العربيه فهو هيدفع تكاليف الاصلاح اللى اتحددت فى المقايسه فى مقابل تصليح العربيه و بالتالى فالنقطه دى غير ذات اهميه إطلاقا و التوكيل هو المسؤول الاول و الاخير.

ربنا يعينك ويصبرك ..
حصل موضوع مقارب من كدا كانت العربية رايحة التوكيل تعمل صيانة وكان فيها عيب هيخلي العربية تقعد 6 ايام عندهم
والمهندس المحترم خد العربية يجربها علي كلامو علي طريق سريع فكان منة انة عمل حادث كبير جدا واتوفي " الله يرحمة "
اتصل التوكيل بنا وطلبنا لأستلام السيارة ولما رحنا قال لينا ألي حصل بالظبط وبشفافية .
وقال في حلين علينا الاختيار
الاول : دفع 9 الف جنية واستلام سيارة زيرو جديدة . ( العربية المصدومة كانت لسا جديدة مكملتش 7 شهور )
التاني : كان في عربية مستعملة اخدها واخد 7500 جنية فرق بين دية ودية .
اخترنا الحل الاول وانتظرنا شهرين ونص واستلمنا واحدة موديل سنة قادمة .
طبعا دة توكيل غبور . وعلي فكرة الحلول دية مطلعتش غير بعد ما جبنا سيرة جهاز حماية المستهلك .

--
ياريت تتابعنا بالجديد وألي حصل معاك
ولو عايز تعمل وقفة قدام جهاز حماية المستهلك ... حدد المعاد ونيجي
البلد مفيهاش حاجة بتخلص غير بوقفة اليومين دول .