سيارتى ام 11 اتسرقت من التوكيل بالاسكندريه تكنوسيرفس 4

**warfighter2114** · 12-04-2011 06:24 AM

اودعتها التوكيل يوم 13-9-2010 نتيجه حادثه يوم خطوبتى وروحت التوكيل تلاقيهم مرسومين وكانك داخل توكيل بى ام دابليو بس بصراحه توكل امكانياته ضعيفه جداااا ومهندسينه على قدهم جداااا وغير مرتب نهائيا المهم طلبت مقايسه اصلاح ونتيجه وعى التوكيل الكامل باهميه وقت العميل اخدت المقايسه بعد 3 اسابيع ههههه حاجه تضحك المهم قالولى كل قطع الغيار متوفره وحطوا تحت الكلمه ديه مليون خط وحتستلمها خلال شهر من تاريخ الدخول لغايه 15-1-2011 مماطله وتهرب من المسئوليه ويقولولى قطع الغيار مش متوفره على الرغم ان العربيه مازالت فى الضمان هددتهم باللجوء لجهاز حمايه المستهلك جهاز غايه فى الاحترام لقتهم بقدره قادر وفروا قطع الغيار بس شكلها مصدى وكانها معموله تحت بير سلم المهم قعدوا يخترعوا لغايه يوم سرقه السياره هل تتخيل سياره بداخل التوكيل يتم سرقتها !!!!!!!!!!!!!!!!!!!!!! وقالولى خد اجراءاتك واحنا ناخد اجرائتنا وطبعا رفعت 2 قضيه فى المحاكم المختصه وقضيه فى جهاز حمايه المستهلك واثق كامل الثقه فى حكمه ربنا سبحانه وتعالى ونزاهه القضاء المصرى

ايه راي حضراتكم فى جمال التوكيل!!!!!!!!!!!!!!!!

الغرض التوضيح وحتى تتجنبوا هذا التوكيل وهذه السيارات وليس الاساءه
حسبى الله ونعم الوكيل
محمد محمود على

**Dr_ElSioufy** · 12-04-2011 06:40 AM

يعني ايه العربيه اتسرقت من التوكيل ؟؟؟؟؟؟؟؟؟؟؟؟؟؟؟؟
قصدك سرقوا منها حاجه ؟؟؟ ولا العربيه بحالها بمحتالها اختفت ؟؟؟؟؟؟؟؟؟؟؟؟؟؟؟؟؟؟؟؟؟؟

**warfighter2114** · 12-04-2011 06:44 AM

اتسرقت كلها بعد مادفعت فيها دم قلبى والله بس معايا مستندات وثيقه من التوكيل باستلام السياره بتوقيع مهندس الاستقبال وعلى فكره ده كان بعد مماطله واوراق كتير فى النيابه الان

انا مستعد اعرض هذه الاوراق لتاكيد كلامى بس الموضوع الان فى يد الله والقضاء

**Dr_ElSioufy** · 12-04-2011 07:14 AM

لاحول ولا قوه الا بالله
اهم حاجه انك خدت حاجه تثبت انهم استلموا منك العربيه وانك لسه مستلمتهاش منهم
وربنا معاك و القضاء يجيبلك حقك انشاء الله

**tito_1980** · 12-04-2011 07:55 AM

ازاي العربيه تتسرق من عندهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟
انا مش عارف اقول ايه بجد

**hemaa_82** · 12-04-2011 08:51 AM

انت مش مأمن علي العربية اساسا؟؟؟؟؟

بص ..قدر الله و ما شاء فعل ... و ان شاء الله كل ما يأتي به قدر الله خير ... مين عارف كانت اتصلحت و خدتها و اتسرقت منك انت .....ولا لقيت حد يقولك انت مين

علي العموم لو العربية كانت عاجباك ف ان شاء الله يتم تعويضك بواحدة بديلة او في احتمال اخر تمنها و تشتري جديد
اما لو مش عاجبال فلو رجعتلك واحدة تانية جديدة بيعها زيرو ... و لو جاتلك الفلوس تبقي استرديت فلوسك ان شاء الله

ربنا يعوض عليك في جميع الحالات

**Haitham10** · 12-04-2011 10:19 AM

او ممكن التوكيل هو الي عمل الفيلم دة .... يعني هي الفكرة دي هتبقي الوحيدة الي مش ممكن ؟!!.. ربنا يصبرك خد اجراءاتك بمنتهي الصرامة ومتتعاطفش مع التوكيل دة تاني خليهم يفوقوا شوية

**Hacker5** · 12-04-2011 11:37 AM

طالما معاك ورق يثبت ان العربية كانت مع التوكيل للاصلاح يبقى ماتقلقش موقفك سليم و قوى 100 %

**beshomilan** · 12-04-2011 12:43 PM

انا مش مصدق ومذهول بجد!!!!!!!!!!!

**hossam_nasr** · 12-04-2011 01:11 PM

قدر الله و ما شاء فعل
انا بنصحك انك تجيب العنوان الالكتونى لشركة اسبرانزا فالصين و ابعتلهم شكوتك و صورة الوصل اللى استلمو بيه العربية و توكل على الله و شوف ردهم حيكون اية و ان شاء الله حيتصلو بيهم و حتلاقى الموضوع اتحل باذن الله
انا كان معايا mk و التوكيل كان فى منتهى الاهمال و مش عايزين يصلحوا اى حاجة فالعربية و بيحطو قطع غيار قديمة و لما راسلت الشركة فالصين لقيتهم بيتصلو بيا و اتغيرو 180 درجة
انا عارف ان حالتك مختلفة عن حالتى بس يمكن لما تفضحهم يخافوا زي بتوع توكيل جيلى mk
ربنا يعترك فيها

الموضوع: سيارتى ام 11 اتسرقت من التوكيل بالاسكندريه تكنوسيرفس 4

LinkBack

أدوات الموضوع

عرض

-

-

-

-

-

المواضيع المتشابهه

تعديل سيارتى

صور سيارتى byd - f3 -r

بركولى الحمد لله حجزت اللوجان الفل اوبشن من التوكيل اللى فى سان استيفانو بالاسكندريه

اتسرقت مرتين مرة من حرامى غير معروق و الثانية من التوكيل

الكلمات الدلالية لهذا الموضوع

المفضلات

المفضلات

ضوابط المشاركة