الموضوع: شكلها كده قطمه دريكسيون

ماشى جميل
والحل , لما المشكلة مش تتحل , وانا عايز احلها اعمل ايه

انا بردوا بيجى عليه بخسارة لما بسيب عربيتى , وعشان اروحلهم مركز خدمة السبع ببركب 3 مواصلات عشان اوصلهم , مش حقولك تاكسى , يعنى بتعذب

ده غير كمان ان شغلى بحتاج فيه العربية عشان احيانا بطلع على مدينة الانتاج الاعلامى , والمشوار ده لازم فيه عربية

فمفيش قدامى انى اصبر واستحمل

انا بتاع مشاكل الاعضاء والله فى اوروبا وفى دول الخليج , حتى اللى بره بيعجزه عن تشخيص اى مشكلة , واحيانا بيمشوا بالعربية وهى كدا ويفتكروا ان العربية هى كدا !!! فتخيل بقا

هى المسائلة فعلا مسائلة ثقة والثقة من اللى بيعملوه فى العربيات منعدمة , بس حنعمل ايه

بس على فكرة انا روحت التوكيل وكذا مرة وعملت صيانات لغاية 35 الف والحمد لله العربية مفيش فيها تشحيم ولا حاجة ولا اى بهدلة

وعلى فكرة ,مش عشان عارف حد ولا حاجة والله , ومش بيهتموا بالعربية بتعتى مخصوص , انا عاوز اقولك بروح زى اى واحد غريب , ومش بحب اعمل جمايل عليه , وبوفر كل خدمة للناس ,
حتى النهاردة ابسطها كفر المرايا الاشارة مش شغال عشان السلك مقطوع وعايز يتوصل بس و معملوتش , وقفضلت قاعد اتكلم على الموقع واخد عروض للناس

فى مودرن اعتقد مفيش عربية بتطلع مش نظيفة , اعتقد فى السبع عشان ابتدى عليهم ضغط , وده طبعا مش عزر وانا معاكم , ابتدوا يخطاو كتير ,
وعشان كدا قريب جداا حروح زيارة هناك وحكون عملت موضوع فى النايل واتبعه ليهم باهم السلبيات اللى حصلت عندهم الفترة الاخيرة

متقلقوش وباذن الله حيكون خير

تحياتى للجميع

انا حكيت على موقف حصل معايا ومشكلة عندى ليست بالضرورة عند اى حد غيرى

وانا لفيت كعب داير عشان اجيب اخرهم , بدل نا اناطح معاهم واعمل شكاوى واركن جنبيهم ومفيش حاجة حتتعمل

وكمان الحمد لله انا عندى طولة بال ممكن متكنش عند حد غيرى وكل واحد على قد ما بيقدر فى طولت البال والصبر

وكمان مش بسهولة ابيع العربية عشان مشكلة , الا لو كانت كبيرة جداااا لقدر الله

فى حاجة عاوز اوضحها , ممكن تلاقيها فى اى عربية اخرى لو لو كانت بى ام , ممكن وارد يكون فى صوت من حاجة بسيطة بيظهر , حاجة عاوزة تتربط , وحلها بسيط ويدوخ ممكن عقبال ما توصل ليه

وغير كدا ممكن المشكلة البسيطة دى لو سبتها ممكن متعملش اى مشكلة فى العربية , وممكن لو انتبهت ليها وحطيت ودنك ومخك معاها تروح لحد يفتحلك فتحة فى العربية ويفتح عليك ابواب جهنم ويبوظلك حاجات مكنش فيها مشكلة بسبب الاصرار على تظبيط الحاجة المجهولة اللى كنت عاوز تحلها

احيانا العربية بعد ما تتجمع وارد جدا جدا ان فى حاجة متقفلتش صح , او فى بلاستيك مثلا على بلاستيك مش مريح كويس , او فى بلاستيك مكسورة فى مكان مختفى وبتخبط فى حاجة , وهكذا , وارد جداااا ,
ودى بتفرق بقا من واحد لواحد , فى واحد ميسكتش ويفضل وراه وممكن متتحلش ويتخنق من العربية ,وفى اللى بيكبر دماغه وبيطنش وفى اللى بيحطها فى دماغه مرة ويحاول يحلها , ولو اتحلت خير وبركة متحلتش بيكبر دماغه , وفى اللى يبيع العربية

هى بتفرق بردوا من شخصية الى شخصية

والحمد لله فى الاول وفى الاخر على النعمة اللى مع الواحد حتى لو كانت بعجلة واحدة , وكمان الواحد مطمن انه معاه ماتور محترم من نيسان معمر وقوى