تغييير العجل

**watzmann** · 16-05-2011 11:10 AM

السلام عليكم

انا معايا صنى 2010 و عملة لغاية دلوقتى 45 الف , و بفكر فى تغيير الكاوتش اليومين دول فلو ممكن الناس الخبرة تساعدنى بألأجابة عن اسئلتى

1- ايه احسن نوع اشترية؟واية سعره؟و فين احسن مكان ؟
2- هل تغيير الكاوتش على 45 مناسب او يعتبر قليل ؟
3- ايهالمفروض انى اعملة بالعجلة الأستبن ؟ هل لازم اركبها ؟
4- سمعت ان العجل القديم ممكن ابيعه ؟ هل دا صح؟ فين ممكن ابيعه؟

شكرا

محمد على

**hanyaly** · 16-05-2011 11:54 AM

شوف يا استاذ محمد انا معايا نيسان صنى 2008 غيرت الكاوتش على 50000 كيلو من عند عبده امين بشارع الجزائر بالمعادى ركبت بريدجستون تورانزا جى ار 90 النقشه الجديده يابانى العجله 540 جنيه من حوالى ثلاثه اشهر

**WalidAdel** · 16-05-2011 06:45 PM

حضرتك تروح تكشف عليهم في توكيل بريدجستون الاول لانهم فاهمين كويس و مش بيغيروا الفرده و خلاص علشان ياخدوا منك الفلوس ممكن الكاوتشه تقعد 20 الف كمان علي حسب مشيك و المطبات بتاخدها ازاي و الكاوتشه فيها عالي وواطي ولا لأ كده يعني
لو روحت لاي حد ممكن يقولك ياااااااااااااه دا الكاوتش بايظ و عايز يتغير و بتاع علشان تشتري منه الفرد و ممكن كمان يقول ان في كاوتشه كوري احسن من البردجيستون الاندونيسي اللي راكب في العربيه ماتصدقش كل دي اشتغالات و خلاص علشان تغير الفرد من عنده و ياخد منك القديم كمان يقولك دول هايجيبوا 100 جنيه ولا حاجه
احسنلك روح توكيل بريدجيستون اي فرع و ياسلام لو فرع مصطفي النحاس اللي في بنزينه كالتكس او فرع صلاح سالم عمارات العبور دول فاهمين اوي اوي اوي
ارجوا ماكنش طولت عليك

**egypt0777** · 16-05-2011 07:15 PM

المشاركة الأصلية كتبت بواسطة walidadel

حضرتك تروح تكشف عليهم في توكيل بريدجستون الاول لانهم فاهمين كويس و مش بيغيروا الفرده و خلاص علشان ياخدوا منك الفلوس ممكن الكاوتشه تقعد 20 الف كمان علي حسب مشيك و المطبات بتاخدها ازاي و الكاوتشه فيها عالي وواطي ولا لأ كده يعني
لو روحت لاي حد ممكن يقولك ياااااااااااااه دا الكاوتش بايظ و عايز يتغير و بتاع علشان تشتري منه الفرد و ممكن كمان يقول ان في كاوتشه كوري احسن من البردجيستون الاندونيسي اللي راكب في العربيه ماتصدقش كل دي اشتغالات و خلاص علشان تغير الفرد من عنده و ياخد منك القديم كمان يقولك دول هايجيبوا 100 جنيه ولا حاجه
احسنلك روح توكيل بريدجيستون اي فرع و ياسلام لو فرع مصطفي النحاس اللي في بنزينه كالتكس او فرع صلاح سالم عمارات العبور دول فاهمين اوي اوي اوي
ارجوا ماكنش طولت عليك

**Ahmed.TV** · 16-05-2011 11:56 PM

هى زى ما قال وليد حسب استعمالك ومشيك

فى ناس فى القسم هنا فضلت الفردة معاهم الى 60 الف , وفى ناس بردوا فضلت معاهم لغاية 80 الف

لان الكاوتش الاصلى بريدج استون وبيعيش مع اللى بيحافظ عليه , واذا بتبهدله ممكن يقعد معاك لاغية 50 الف

**Bishoy.Girgis** · 17-05-2011 01:25 AM

فعلا حسب استعمالك للعربية
انا كنت بعمل حاجه خطر شوية لما كانت معايا التويوتا كورولا و كنت ملئ الكاوتشات نيتروجين
كنت بستني الكاوتش لغاية ما يجيب السلك :))))) بس الغريبة ان الكاوتش مكانش بيبقي منحول خالص
اول ما الاقيه يجيب السلك اقوم مغير الفردتين اللي مع بعض علي طول
بس اوعي تعمل خالص .. لأنه اكيد اكيد فيها خطورة
يعني انا بعربيتي الجديدة ديه هكشف عند بريدجستون بعد الـ 50000 عشان مهملهمش

**superhano** · 17-05-2011 02:00 AM

طيب يا شباب بالنسبة لتبديل العجل X ,طبعاً إنتم عرفين ان الكاتلوج بيقول كل 10.000 ولكن التوكيل (Modern Motors) مبيلتزمش بالكلام ده وبيبدله علي 20.000, هل الكلام ده مقبول ولا لا؟

لكم جزيل الشكر

**WalidAdel** · 17-05-2011 02:24 AM

المشاركة الأصلية كتبت بواسطة superhano

طيب يا شباب بالنسبة لتبديل العجل x ,طبعاً إنتم عرفين ان الكاتلوج بيقول كل 10.000 ولكن التوكيل (modern motors) مبيلتزمش بالكلام ده وبيبدله علي 20.000, هل الكلام ده مقبول ولا لا؟

لكم جزيل الشكر

ولا هاتفرق و حتي لو ماغيرتهمش خالص بردوا عادي طالما الزوايا مظبوطه تمام و مساعدينك تمام توكل علي الله

-

الموضوع: تغييير العجل

LinkBack

أدوات الموضوع

عرض

-

-

-

المواضيع المتشابهه

بعد تغييير طقم الشنبر لانوس 99

سؤال عن تغييير الفلاتر

سؤال عن تغييير الفلاتر

تغييير البنزين من 90 لـ 92 ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة