هل الباور بتاع الميتسوبيشى مبيفصلش ياريت اهل الخبرة

**abumoh2000** · 14-04-2011 06:00 PM

المشاركة الأصلية كتبت بواسطة ziabassem

مش قصة حلو ولا وحش .. والباور اللي بيفصل عند سرعة معينة هو الباور الكهربا .. ولأن الباور الكهربا بيبقى أنعم بكتير من الباور الهيدروليك ففيه الميزة بتاعة فصل الباور لمنع الدركسيون أنه يكون خفيف ليعطي ثبات وتحكم أكثر في السيارة على السرعات العالية .

السؤال هو .. ليه البومة مش زي الكرولا مثلاً (حتى موديل2007) في التحكم في الدركسيون في السرعات العالية رغم أن الاتنين هيدروليك ؟؟!!!

شكرا على التوضيح الجميل

**MMamdouh** · 14-04-2011 06:13 PM

المشاركة الأصلية كتبت بواسطة eldell

هو ليه الهيدروليك ده مش بيفصل

هو طبيعتة كدة

MMamdouh

**bassem.naguib** · 14-04-2011 06:44 PM

المشاركة الأصلية كتبت بواسطة mmamdouh

هو طبيعتة كدة

mmamdouh

ماشي كلامك وموافقك أن طبيعته كدة .. بس لو عندك تفسير للنقطة دي ممكن توضحها

السؤال هو .. ليه البومة مش زي الكرولا مثلاً (حتى موديل2007) في التحكم في الدركسيون في السرعات العالية رغم أن الاتنين هيدروليك ؟؟!!!

لأني بحس أن البومة على 100 أو 120 التحكم في الدركسيون مبيدنيش الثقة أني أزود وأخد غرز .. ويا سلام لو نزلت في مطب هوا على السرعة دي .. تشوف مراجيح لو مش ماسك الدركسيون كويس .. هل في عيب في العربية دي بالذات (مع العلم أني ركبت عربيتين بومة وصحابها مبيخلوش فيها الهوا وصعب يكون العيب في عربيتين) ولا هي طبيعتها كدة .

**Haitham10** · 14-04-2011 08:01 PM

مش عارف ياجماعة انا بحس كلامكم دة فعلا في المكواة معايا .. وحسيته في بومة قبل كده .. بس كان معايا بومة 1600 محستش فيها الخفه دي لغاية 180 بصراحه هل ده له علاقه ولا كانت تهيؤات.....بس هي فعلا في الطرق الي فيها مطبات هوا كتير اللي يعدي 120 يبقي بيجازف بجد .. وشكرا علي تأكيد المعلومة ريحتوني افتكرت عندي عيب.. بس علي فكره الموضوع دة ظهر معايا لما شلت جنوط oz 15 وكانت تقيله جدا جدااااا

**Ralliart** · 14-04-2011 09:09 PM

الباور الهايدروليك مش خفيف قوي لدرجة تستدعي فصله
انما الكهرباء زي الالانترا والشارك لو مفصلش الدركسيون هيلعب جامد لانه خفيف جداً لدرجة اني لما بسوق الانترا بحس ان البومة مفيهاش باور بالنسبالها

**Haitham10** · 14-04-2011 09:37 PM

الالنترا سمعتها سابقاها في الموضوع دة و عيبها الباور ومعروفة بكدة واوقات مبيفصلش..معرفش الشارك ظروفها ايه بس محدش اشتكي منه

**bassem.naguib** · 14-04-2011 11:30 PM

المشاركة الأصلية كتبت بواسطة eldell

انا معايا بومه وباخد بيها غرز على 120 وكنت جايب بيها 190 على الصحراوى الباور بيبقى خفيف بس مش اوى الى هو مرجيح

ما هو في الطوالي مفيش مشكلة طالما مبخدش غرز ولا في مطبات هوا العربية بتبقى زي الفل .. بس اسمحلي في موضوع الغرز ده على سرعة 120 بتبقى مجازفة بالنسبة ليا إلى حد ما (فرق سواق بيني وبينك يا باشا) عكس الكرولا زي ما ذكرت واللي كنت باخد بيها غرز على سرعة 140 و150 كمان من غير ما أحس بقلق .. وأعذرني فعلاً في لفظ مراجيح ده لأنه لازم أكون متيقظ وماسك في الدركسيون كويس .. وربنا يستر طريقنا جميعاً .

المشاركة الأصلية كتبت بواسطة ralliart

الباور الهايدروليك مش خفيف قوي لدرجة تستدعي فصله
انما الكهرباء زي الالانترا والشارك لو مفصلش الدركسيون هيلعب جامد لانه خفيف جداً لدرجة اني لما بسوق الانترا بحس ان البومة مفيهاش باور بالنسبالها

الباور الكهربا ناعم بدرجة كبيرة .. لدرجة أني اول مرة سقت عربية باور كهربا كانت في الالنترا قعدت بتاع دقيقتين تلاتة مش مستوعب النعومة دي لحد ما أخدت عليه ..بس مجرتش بيها على طريق بصراحة لأحكم عليها .

**MMamdouh** · 15-04-2011 03:52 AM

المشاركة الأصلية كتبت بواسطة ziabassem

ماشي كلامك وموافقك أن طبيعته كدة .. بس لو عندك تفسير للنقطة دي ممكن توضحها

الباور الهايدرولك عبارة عن طلمبة ضغط زيت و خزان و خراطيم داخلة و خارجة من علبة الدركسيون

طلمبة الباور مربوطة ببكرة الكرنك بسير... بالتالى طول ما الموتور داير الطلمبة حتفضل تولد ضغط

مفيش اى جزء من اجزاء النظام دة مرتبطة بشكل مباشر او غير مباشر بالكونترول او اى مكون اخر بحيث يكون لسرعة العربية تاثير على اداء نظام الباور فى العربية

القصة دى دخلت فيها ايام ما كنت ببحث فى موضوع تسقيط مكنة 2000 فى عربية جوليت و كان لازم استغنى اما عن طلمبة الباور او كومبريسور التكييف و لقيت ان ممكن استغنى عن طلمبة الباور الميكانيكية و اركب طلمبة كهرباء (طلمبة كهرباء بتضغط زيت الباور مش باور كهرباء زى الالنترا) و لما سالت على موضوع تغير الضغط مع السرعة حيحصل ازاى مع الطلمبة الكهرباء كان الرد ان مفيش اساسا حاجة كدة و ضغط الطلمبة الميكانيكية و الكهربائية بيفضل ثابت طول الوقت

MMamdouh

-

-

الموضوع: هل الباور بتاع الميتسوبيشى مبيفصلش ياريت اهل الخبرة

LinkBack

أدوات الموضوع

عرض

-

-

-

-

-

-

المواضيع المتشابهه

الباور الكهرباء بتاع الالنترا 2012

الباور بتاع لانسر 99

طرمبه الباور بتاع فكترا بي

الباور بتاع الشاهين ؟

سؤال فى الباور بتاع السيراتو

الكلمات الدلالية لهذا الموضوع

المفضلات

المفضلات

ضوابط المشاركة