الموضوع: محتار اوى اشترى مستعمل وصيانتها تخرب بيتى ولا اشترى جديد وقسطها يخرب بيتى

المشاركة الأصلية كتبت بواسطة samirsaid1

ممكن حضرتك تشوف مستعمل استعمال نضيف ومن حد يكون مصدر ثقة

وظبتها كويس ومصاريفها مقدور عليها

فعلا اهم حاجة الثقة واحد قلى خليك فى العربيات اللى حواليك علشان لو فيها حاجة بيظه عمره مهيبعهالك
بس المشكلة مفيش حد عارض عربيته للبيع دلوقتى قريب منى

المشاركة الأصلية كتبت بواسطة saadelden

من رأيي تشوف العربيات المستعمله في المنتدي هنا
فيه ناس كتير عارضه عربيات كويسه زي 132 و 131 و 128 و اكيد تاريخها هيبقى معروف

انا بفضل ال 131 بصراحة وبحس انها عربية حمالة اسية بس النظيف منها بيعدى ميزانيتى
وخصوصا ال 131 الالمانى الواحد كامة بس تكون واقفة على حيلها
مع واحد صاحبى وبيشكور فيها اوى

انا كنت ف الحيره دي من 6 شهور اما كنت بدور علي عربيه و في نفس الرينج بتاعك
بعد ما دورت كتير و شوفت عربيات كتير و عرفت المعيوبه من السليمه الحمد لله ربنا رزقني بالعربيه الي معايا دلوقتي

معلش يا اخى اقدر اعرف نوعها ايه

هو الميكانيكي قريبنا هو الي جابهالي و كشفت عليها و عرفت هي محتاجه ايه و قدرت مصاريفها و لقيت انها معقوله
ف توكلت علي الله و اشتريتها

علشان الميكانيكى قريبك فكان عنده ضمير معاك
ربنا يباركلك فيها ويكفيك شرها ويعطيك خيرها


اول ما جبتها ماكنش فيها عيوب باينه غير الكهربا و شويه كماليات اتعملت قبل ما استلم العربيه
كان فيه بارومه في العتب من قدام و صلحت جنب و الجنب التاني حالته كويسه

الفكره انا اشتريت العربيه سليمه و مشيت بيها كويسه فتره مش بطاله و بعدين ابتديت احل مشاكلها
بس الكويس في الموضوع ان قطع الغيار موجوده في كل حته و اسعارها كويسه و الصنايعيه بردو كويسين

المشكلة فى دى الصنايعية كان معايا تجربة مع الصنايعية كرهونى فى القديم كله

المشاركة الأصلية كتبت بواسطة i_am_legend

بص يا سيدى _ميزانيتك دى هاتجيبلك عربيتين من الآخر _وموديل عالى گمان_وبيسافروا _وقطع غيارهم موووجودة_ومش غالية_وما تسمعش كلام حد_سيتروين ax_1400 94_بالسعر دة هاتجيب واحدة _فابريكة برا وجوا_ومكيفة كمان_
السيتروين ax-1400 هاتشباك صح بس اسمع ان قطع غيارها عالية ومش اى صنايعى بيفهم فيها

او لادا سمارا88-92_هاتجيبلك واحدة 4 باب_برا وجوا_ومرفوعة وخليجى كمان_
شبه البولونيز كده صح بس عايز اسأل ياباشا هى فيها مشاكل اللادا اللى هى البيض والدركسيون التقيل ولا لاء

وال2 أحسن من بعض وموديلاتهم عالية من _وممكن توصل ل22 ألف مثلا_وتجيب فيات تيبو_اللى هى تمبرا هاتشباك
المشكلة فى الهاتشباك
كان ممكن اجيب حتة ماروتى تسعينات بالسعر ده او اول الالفينات بس المشكلة فى الهاتشباك

معلش ياباشا تعبك معايا بس هى معادلة صعبة انا عارف
وشكرا جزيلا على المجهود اللى انت عامله معايا ياباشا

طبعا الاغلبيه وافقوا على مستعمل بس تحاسب

وانا طبعا معاهم من تجربتي وتجارب ناس اعرفهم كتير من المستعمل مفيهوش مشكله بس تبقى فاهم ومعاك ححد فاهم في العربيه

وانا اقولك بقى على حاجه الزيرو برضو ليه مصاريفه صيانه توكيل وما الى ذالك وتستحرم تجيب قطعه غيار تجاري لازم تجيب الاصلي

المستعمل ليا صديق اشتري لانوس زي الفل يوزد وبعها وجاب نوبيرا برضو زي الفل وانا نفسي جايب النترا يوزد زي افل بس لازم تنقى

ويفضل تشري من حد معرفه صديق او قريب

المشاركة الأصلية كتبت بواسطة i_am_legend

ياعم الحاج إنت شاغل نفسك بالهاتشباك ليه!_الهاتش شنطتها مش صغيرة خالص_انا كان عندى 127 توب_وشنطتها أكبر من ال128_وممكن تتنى الكنبة كمان_وتبقى ربع نقل_ودة حال السيتروين والسمارا_والسيتروين عربية من التسعينات_ومواتيرها نفس البيجو_وأى ميكانيكى_بيشتغل فيها عادى_والسمارا_جر امامى_ومافيهاش مشاكل البيض_وناعمة بكتير عن ال2107_إسمع كلامى هاترتاح

انا اسف على التاخير فى الرد بس كنت مسافر ورجعت الحمد لله
الف شكر ياصحبى وان شاء الله هاسمع كلامك
بس ليا سؤال ومعلش ومتقولش انتى تقيل
افضل طريقة اجيب عربية مستعملة وماتخمش فيها او افضل مكان
لان بصراحة مفيش حد عنده ضمير فى البيع دلوقتى الا من رحم ربى
وشكرا جزيلا على ردك

ان شاء الله ربنا يفرجها عليك وهات جديد من غير قسط ربوي
عشان ربنا يباركلك
او هات مستعمل حالتة نظييفة

انا راى مخالف للناس المحترمه دى ان الزيرو لايعلى عليه لان الزيرو زيرو عن تجربه للمستعمل النضيف والزيرو لانك لما تشترى مستعمل ماتعرفش ايه اللى فيها مهما جبت ناس فاهمه فى العربيات وصاحب العربيه عمره ماهيقولك هى فيها ايهلكن الزيرو بعد ماتجيبها تعيش معاك ولا عشرين سنه اقل واجب واقرص على نفسك شويه لما تخلص القسط وبعدين تستريح