الموضوع: محتار اوى اشترى مستعمل وصيانتها تخرب بيتى ولا اشترى جديد وقسطها يخرب بيتى

المشاركة الأصلية كتبت بواسطة mohamedbook

ان شاء الله ربنا يفرجها عليك وهات جديد من غير قسط ربوي
عشان ربنا يباركلك
امين يارب
او هات مستعمل حالتة نظييفة
ربنا يسهل ان شاء الله

المشاركة الأصلية كتبت بواسطة aymaneissa

انا راى مخالف للناس المحترمه دى ان الزيرو لايعلى عليه لان الزيرو زيرو عن تجربه للمستعمل النضيف والزيرو لانك لما تشترى مستعمل ماتعرفش ايه اللى فيها مهما جبت ناس فاهمه فى العربيات وصاحب العربيه عمره ماهيقولك هى فيها ايهلكن الزيرو بعد ماتجيبها تعيش معاك ولا عشرين سنه اقل واجب واقرص على نفسك شويه لما تخلص القسط وبعدين تستريح

اتفق معاك فى هذا الراى من حيث ان الزيرو لا يعلى عليه
بس القسط هو اللى صعب

المشاركة الأصلية كتبت بواسطة smsm_cato

انا راى الزيرو لو عايز تشترية يبقى كاش فقط لانك لو اشتريت قسط هتتعب نفسك 3 - 5 سنين قسط كل شهر وحدش ضامن ظروفة بكرة هتكون ايه علشان يضمن 5 سنين قدام وغير كده لاقدر الله لو حصلها حاجة هتدفع القسط ولا هتصلحها يبقى فى الوقت الحالى لو مش معايا ثمن الجديد يبقى مستعمل حالته نظيفة ويتعمل طقم سرفيس ليها علشان تريحك

جديد من غير قسط صعبه شوية بس وجهة نظر صح
هو شكللها كده ان شاء الله نزنق نفسنا فى جمعيات لحد منجمع ثمن الزيرو كاش
وربنا يهديلنا سواقين الميكروباصات والتكوسة لحد منجمع ان شاء الله

المشاركة الأصلية كتبت بواسطة mohamed9999

ايه لاخبار عملت ايه جبت مستعمل و هتجيب زيرو

ولا ده ولا ده بس ان شاء الله شكلها هترسه على توك توك

المشاركة الأصلية كتبت بواسطة mohamed_rhem

انا شخصيا كان لي تجربة

كان معايا عربية مستعملة سنه مصرفتش عليها غير بنزين وزيت فقط

وسنتين ورتني الويل وديون لا حصر لها
وانا كان معايا تجربه بس الحمد لله كانت شهرين بس خلتنى الف حولين نفسى

اشتريت عربية تقسيط اسلامي من الوكيل مباشرة وبدون تأمين

والحمد لله بقالي سنه مرتاح
ربنا يباركلك فيها ويعطيك خيرها ويكفيك شرها

المشاركة الأصلية كتبت بواسطة ebrahemlaw

بأمانه والنصيحه لله حاول تشوف عربيه مع حد عارفه وبيبعها وتكون عارف ان استعماله نضيف وبرضه اكشف عليها كويس وتكون ممرش عليها اكتر من عشر سنين على الاكتر ومتكنش عمله كيلومتر مبالغ فيه بالنسبه لعدد السنين وتكون مش راشه دواخل نهائى وياريت بره كمان بالاخص السقف والقوايم ويكون جايبها زيرو يعنى اول يد ويكون شخص بيتعامل مع السيارة باحترام من ناحية القياده والصيانه والاصلاح وبيبان من شكل العربيه هو مهمل ولا لاء وبكده اعتقد انها ممكن تبقى عربيه كويسه والسعر هيبقى مناسب لانه طبعا مش هيقى تاجر ومسئله تتمنها سهل من خلال معرفة المثيل انا عارف انى طولت عليك ويمكن تلاقى صعب الكلام فين تلاقيه على فكره ممكن تلاقيها مع زميل مثلا فى العمل او جار او اخ او قريب المهم اتعب شويه علشان تستريح بعد كده واكيد احسن من القسط لو بالطريقه ديه

اشكرك اخى الكريم على النصيحة وفعلا الحمد لله بدور حاليا فى نطاق المعارف والاصدقا ء على واحد عايز يبيع العربية علشان يغير ويجيب حاجة اعلى بجد مش كلام بيتحط فى اعلانات

المشاركة الأصلية كتبت بواسطة fineart607

اشترى جديد على الأقل هتكون مبسوط وانت بيتخرب بيتك هههههههههههههههههه

اسف قصدى هتكون مبسوط وانت راكبها ان شاء الله

هههههههههههههههههههههههه فكرتنى بزميله فى العمل الحمد لله ربنا وفقها واشترت عربية لوجان زيرو والحمد لله كاش بس من ساعتها والعين ماسبتهاش وبتروح التوكيل تقريبا مرتين فى الشهر ومبسوطه بيها اوى لدرجة انها فكرت تبيعها بس لاقيت انها هتخسر كتيير فخلتها تحت البيت للمشواير المهمة فقط لاغير واخر مرة اتخبطت سابت الخبطة يمكن العين تسبها فى حالها

المشاركة الأصلية كتبت بواسطة rahmanboud

إبعد عن القسط وغنيله خصوصا لو مع البنك

من ناحيه ربا 100 فى 100 ومن ناحيه تانيه الفايده بتاعته بتفرق كتير وعلى ما تخلص

القسط تكون دفعت مره ونصف ثمن العربيه

ويكون سعر العربيه وصل للنصف تبقى خسرت الجلد والسقط

نصيحه إشترى على قد اللى معاك بس خلى معاك حد فاهم كويس وأمين يشترى

معاك وربنا يوفقك

اشكرك اخى الكريم على النصيحة الغالية دى اشترى على قد اللى معاك بجد نصيحة غالية جدا جدا بس ان شاء الله الاقى حاجة كويسة متقرفنيش على قد اللى معايا

المشاركة الأصلية كتبت بواسطة fineart607

فى تقسيط اسلامى مش تقفلها فى وش الراجل الى هيدفعه فى تصليح العربيه كل شهر يدفعة قسط احسن وربنا يحفظها له

بصراحة يااخى بالنسبة للقسط شوف زمايلى والقسط عامل فيهم ايه وخصوصا بعد الاحداث اللى بتمر بيها البلد فبصراحة مينفعش اى قسط خالص دلوقتى