الموضوع: هتجنن من استهلاك البنزين 60 ك / صفيحة وجربت كل حاجة

المشاركة الأصلية كتبت بواسطة amrelsaqqa

العربية ما بتتأثرش بنمط السواقة او ظبط الكهربة او التاكيهات او اي حاجة
المعدل ثابت زي ماهو !
وجربت الرجل التقيلة والرجل الخفيفة ومفيش اي فرق
انقل على 2000 او 3000 او 4000 ومفيش فرق !!

الفليشيا بتاعت خالى وكنت بسوقها على طول السنة اللى فاتت عشان كنت قاعد معاه وكانت بتعمل حوالى 220 كم / صفيحة ببنزين 80 جوة البلد وعلى الطريق بتعمل اكتر من كدة بكتير

والبيجو طبعا 2000 سي سي :(

السحب عامل أيه ؟

فيه ميكانيكى اسمه محمد كشك موجود عند المحطة جرب تروحله وتقوله على المشكلة اللى عندك

وبيشتغل فى البيجو كتير

وان شاء الله خير

ما هو لو كل ده سليم يبقي العيب فين !!!!!!
مفيش تسريب
جربت كذا كربراتير
كذا طريقة سواقة
كهربا وخليط وكل حاجة تمام
يبقي أيه !
في حد بيسرق البنزين :) .. مش معقول هيظبط الكمية بحيث أستهلاكك كل مرة 60 :(
لو مانفعش معاها حاجة .. بيعهاااااااااااااااا
ده هتكلفك تمن بنزين 4 عربيات .. ده غير أنك مش هتبقي مستريح وانت سايقها عمالة تسف في بنزين كدة

المشاركة الأصلية كتبت بواسطة darsh_darsh

ازيك عمرو شوف لو هتنزل القاهره قريب اقابلك واوديك عند مكانيكى متخصص بيجو وشاطر جدا جدا

انصحك بموضوع متخصص بيجو علشان يبقي حافظ العربية و فاهمها كويس

المشاركة الأصلية كتبت بواسطة amrelsaqqa

لا لسه
لا جديد
كل ما اروح لحد يظبطلى الكهربة والتاكيهات والهوا والهجس ده كله ومهما اقول له انى جربت كل ده ، كل صنايعى بيبدأ من الاول ويوصل لطريق مسدود
وفي واحد بس قاللى حل وش السلندر ونشوف الصبابات وطبعا الحوار ده هيكلف وياعالم بعد ده كله يبقى هو السبب ولا لا

الكاتينة لو مرحلة حاجة بسيطة العربية تظبط بس تاكل بنزين
و التكيهات برده تاثر على السحب و على الصوت و الاستهلاك
الصبابات لو مفوتة تخلي الخليط يخرج من البستم قبل اتمام الاحتراق يعني بنزين نى و طبعا ده معناه استهلاك عالى
الحل انك تضحي بجملة ما صرف و تفتح الوش و تخلي الميكانيكي يصب عليه بنزين و يشوف فيه تعريق او تسريب ولا لا
و كمان جوان وش السلندر لو فاتح من البستم على مجرى المياه يخلي في نفخ في دورة التبريد و فيه استهلاك عالى للوقود
انت جربت الاسباب التقليدية من ظبط للسيارة يبقي مفيش عندك غير قلب الموتور