كاوتش برضو

**Melego323** · 17-04-2011 08:55 AM

ألف ألف شكر يا رجالة ..بجد أنا مكنتش أتخيل إنى هلاقى كل الإهتمام دا ..وعتاولة المنتدى كمان اللى بيرودو..أحرجتونى بجد

**m3_dolphen** · 17-04-2011 10:07 AM

انت بس تشاور وبإذن الله ستجد ماتريد ... وبالنسبة للصور لو عايز الصورة تظهر ابقى انسخ الرابط اللى بيكون مكتوب عليه رابط المنتديات ( code for forums ) وليس رابط التحميل وتنسخه فى المشاركة هتلاقى الصورة ظهرت زى كده

**eletr** · 17-04-2011 10:38 AM

المشاركة الأصلية كتبت بواسطة gtx295

الفرامل اللي ورا الطبيعي بتاعها كده وممكن تخلي البايك يغزل منك لو دستها جامد عل سرعة عالية.. عشان كده القوة الأساسة لايقاف البايك في الفرامل الأمامية..ونصيحة مبي ماتستخدمش الورانية الا في احدى الحالات الأتية:

1-لما تكون ماشي بسرعة وعايز تهدي ممكن تدوس عليها على خفيف من أجل التهدءة..

2-تدوس عليها بقوة متوسطة مع الفرامل الأمامية(يعني لازم الأتنين سوا).

3-ممكن تستخدم الفرامل الخلغية فقط في حالة السرعات البطيءة جدا(10 أو20 كم فى الساعة )يعني ف الزحمة ^^.

ملخوظة أخيرة:

*حاول تبعد عن حواف الطريق اللي بيكون فيها تراب وخلي مشيك علي الأسفلت الجاف ..لأن الحواف دية بتزحلق حتى العجلة الأمامية ^^ .

*++++++ماتلمش دبرياج وتدوس فرامل خلفية(ممنوع منعا باتا) ^^ .

وربنا يوفقك .

هو الاساس في الفرامل الامامية ؟
و يعني ايه ماتلمش دبرياج و تدوس فرامل ؟

**m3_dolphen** · 17-04-2011 11:33 AM

المشاركة الأصلية كتبت بواسطة sherife

هو الاساس في الفرامل الامامية ؟
و يعني ايه ماتلمش دبرياج و تدوس فرامل ؟

طبعا الفرامل الأمامية هى الأساس .. ده بالنسبة لإيقاف المكنة تماما وخصوصا لو السرعة عالية والتوقف فجائى لأن الفرامل الأمامية لما تدوس عليها هتلاحظ ان المساعدين الأماميين ضغطوا بإتجاه الأرض وفى نفس الوقت العجلة توقفت عن الحركة بالبلدى كده المكنة بتكلبش فى الأرض وطبعا لازم يبقى بمساعدة الفرامل الخلفية ولكن بقوة اقل من قوة الضغط على الأمامية .... بالنسبة للدبرياج هو يقصد استخدام الإنجن بريك أو الكبح الذاتى للمحرك بمعنى ان انت لو شلت ايدك من على البنزين من غير ما تمسك دبرياج المحرك بفقد قوة الدوران تدريجيا وبالتالى المكنة تفقد سرعتها تدريجيا وده بيساعد على خفض السرعة بعكس لو مسكت دبرياج هتلاقى المكنة تاخد وقت طويل حتى تفقد سرعتها .. بس فى حاجة مهمة انك تستحدم الانجن بريك فى السرعة العالية فقط بغرض التهدئة اما فى السرعة البطيئة جدا يجب امساك الدبرياج علشان المكنة متبطلش ..

**Melego323** · 17-04-2011 12:09 PM

جزاكم الله خير ..بدل إنتو طلعتو كرما كده بأه هنستغل الكرم دا و نسأل تانى معلش .. النهاردة و أنا رايح الشغل بالمكنة عديت على زيت أو جاز معرفش ..بس كانت حاجة بسيطة أوى ..المهم العربية اللى أدامى وقفت مرة واحدة وجيت أفرمل المكنة غزلت منى تانى و إتزحلقت برضو (موعود أنا بالزحليق دى) بس الحمد لله وقفت.. عاوزين نعرف بس الواحد يعمل إيه الصح فى المواقف اللى زى دى؟ وإيه الطريقة الصح للملفات ناخدها على سرعة و أميل بالمكنة ؟ و لا أهدى اوى ؟

**m3_dolphen** · 17-04-2011 12:53 PM

طبعا الوقاية خير من العلاج يعنى لازم تسيب مسافة بينك وبين اللى قدامك علشان متضطرش تدوس فرامل فجأة وهى دى الوقاية وتبقى دى فايدة تخليها فى بالك دايما وانت سايق
فى الحالة اللى انت ذكرتها اولا لو فى مسافة تخليك تفادى العربية يمين او شمال بدون ميل للمكنة يبقى تفاديها لو مفيش يبقى استخدم الإنجن بريك والفرامل الأمامية بسيط جدا جدا واكرر الفرامل الأمامية بسيط جدا ورجليك الأثنين على الأرض علشان تعمل اتزان للمكنة فى حالة الميل ولو الموضوع مفيش فايدة سيب المكنة ونط من عليها

**Melego323** · 17-04-2011 04:16 PM

المشاركة الأصلية كتبت بواسطة m3_dolphen

طبعا الوقاية خير من العلاج يعنى لازم تسيب مسافة بينك وبين اللى قدامك علشان متضطرش تدوس فرامل فجأة وهى دى الوقاية وتبقى دى فايدة تخليها فى بالك دايما وانت سايق
فى الحالة اللى انت ذكرتها اولا لو فى مسافة تخليك تفادى العربية يمين او شمال بدون ميل للمكنة يبقى تفاديها لو مفيش يبقى استخدم الإنجن بريك والفرامل الأمامية بسيط جدا جدا واكرر الفرامل الأمامية بسيط جدا ورجليك الأثنين على الأرض علشان تعمل اتزان للمكنة فى حالة الميل ولو الموضوع مفيش فايدة سيب المكنة ونط من عليها

شكرا يا ريس ..وإن شاء الله منوصلش لمرحلة النط دى ..أسيبها إيه و أنط من عليها بس يا عم الحج..دنا هنط أدامها مش أنط من عليها..مش مشكلة أنا ...أنا ليه إخوات صبيان مش مشكلة..بس المكنة ملهاش إخوات

**KHALED2010** · 17-04-2011 05:44 PM

المشاركة الأصلية كتبت بواسطة melego323

السلام عليكم...
انا لسه جديد فى الموتوسيكلات يا جماعة ومحتاج استفسار بسيط بس
الموتوسيكل بيزحف منى كتير اوى كل ما بفرمل ..الفردة اللى ورا كده محتاجة تتغير؟ مع إنها مش ممسوحة اوى يعنى

أنا بحاول أرفع الصور بس مش راضى مش عارف ليه..بيقولى ملف خاطئ

متلمش دبرياج لحظة ماتضرب فرامل وخلى التحكم فى الفرامل الامامية اقوى من الخلفيه علشان تشيل الحمل من على العجلة الخلفية بدرجه بسيطة شوية ............كده العجلة مش هتزحف منك تانى

**KHALED2010** · 17-04-2011 05:59 PM

المشاركة الأصلية كتبت بواسطة m3_dolphen

طبعا الفرامل الأمامية هى الأساس .. ده بالنسبة لإيقاف المكنة تماما وخصوصا لو السرعة عالية والتوقف فجائى لأن الفرامل الأمامية لما تدوس عليها هتلاحظ ان المساعدين الأماميين ضغطوا بإتجاه الأرض وفى نفس الوقت العجلة توقفت عن الحركة بالبلدى كده المكنة بتكلبش فى الأرض وطبعا لازم يبقى بمساعدة الفرامل الخلفية ولكن بقوة اقل من قوة الضغط على الأمامية .... بالنسبة للدبرياج هو يقصد استخدام الإنجن بريك أو الكبح الذاتى للمحرك بمعنى ان انت لو شلت ايدك من على البنزين من غير ما تمسك دبرياج المحرك بفقد قوة الدوران تدريجيا وبالتالى المكنة تفقد سرعتها تدريجيا وده بيساعد على خفض السرعة بعكس لو مسكت دبرياج هتلاقى المكنة تاخد وقت طويل حتى تفقد سرعتها .. بس فى حاجة مهمة انك تستحدم الانجن بريك فى السرعة العالية فقط بغرض التهدئة اما فى السرعة البطيئة جدا يجب امساك الدبرياج علشان المكنة متبطلش ..

كلام سليم ....طب تعمل ايه بقى لو انت ماشي على 120 واتفاجئت بحاجة قطعت عليك الشارع فى مسافة 10 متر تقولى هتعمل ايه ...........حصلتلى بال400 بس انا المساعدين عندى شحن هواء من على الغيار الثالث كنت ماشي 120 نزل للغيار التانى مع تحميل على المكابح الامامية الموتوسكل العجله الامامية بقت تزحف بس بدون ماتحدف منى بس دى بتبقى تمكن فى القيادى شوية مش اى حد يعملها وفى لحظ كان الموتوسكل واقف وانا كنت هنط لعى الاسكرينة من سرعه التوقف بس بردوا فى ثبات عملتها فى مرة وكانت ورايا واحدة صديقتى لاقيتها على كتفى ساعتها كنت هموت من الضحك