الموضوع: تفاصيل الاعداد لمقابله ميتسوبيشي الثانيه

المشاركة الأصلية كتبت بواسطة puyol

زي ما قال الزميل صبحي عن نادي التجمع الاول لترشيحة للمقابلة المنتظرة من زمن بعيد اليكم بعض البيانات
( ولو عايزين حاجة شيك ممكن اظبطلكوا نادي الرحاب ( انا عضو فيه ) حاجة محترمة فعلا بجد بس الاسعار هتبقى اوفر اوي عن اسعار النادي دا ) .
موقع النادي في منطقة التجمع الاول بالقاهرة الجديدة على بعد حوالي 5 كم من اكاديمية الشرطة وايضا على بعد حوالي 10 دقائق من زهراء مدينة نصر
تذكرة الدخول 3 ج ماعدا الجمعة والاحد 5 ج لغير الاعضاء
تذكرة نزول البسين 10 للفرد ماعدا الجمعة والاحد 15 ج
المأكولات يوجد كافتيرا داخل النادي بها سندوتشات ( بانيه - شيش طاووق - كبده - برجر - سوسيس )
بخلاف البطاطس البومفريت اللي انا بحبها اسعاره في حدود 8 ج السندوتش عيش فرنساوي
وجميع انواع البيتزا
المشروبات يوجد جميع المشروبات الساخنة والباردة
الاسعار الكنز مثلا ب 4 ج
البسين كويس جدا وواسع وحاجة محترمة لغاية الساعة 4 عصرا فقط
ودي بعض الصور للنادي والبسين

محمد بك الجرجاوى الف حمد الله على السلامة اولا ومجهود رائع بصراحة انا مستريح للمكان ده والاسعار والله تحفة مش غالية قوى والتجمع مش بعيده قوى ممكن يكون من وجه نظرى بس المكان شكله معقول حلو نشوف بقى راى بقيت الاعضاء المحترمين ونعمل حاجة حلوة اللى موافق يقول موافقة ونبدا على طول بحصر العدد والميعاد اللى ممكن نتقابل فيه وانا هابدا ان شاء الله موافق بالرغم من انى مشتاق جدا للمقابلة دى ومش عايزها تبقى بعيد كده واللى مش هايعرف التجمع انا ممكن اقابل الناس من اى اتجاه لو حد جاى من الدائرى ماشى من مصر الجديدة ماشى من جسر السويس ماشى كله هايكون قريب منى وانا افتكر لو الاخوة المحترمين بتوع الشرقية بشكل عام هايكونوا قريبين منى نتجمع ونتوكل على الله بس يارب كل الناس توافق تحياتى لكل من ساهم او ساعد فى المقابلة دى وخاصة رجالة الميتسوبيشى الجامدينننن

المشاركة الأصلية كتبت بواسطة funnymickey

تسلم يامحمد باشا
بانتظار اراء الاعضاء بخصوص الاقتراحين

1- دار المركبات بصلاح سالم
2- نادي التجمع الاول

حلو المركبات ياميكى بس تحس ان هوة خنقة انا كنت هناك قريب التجمع خارج نطاق الزحام انا نفسى نعملها على البحر فى بورسعيد مثلا خصوصا فى بنك الاسكان واخر النهار السمك .