الموضوع: (:@:)كلمة ونص 16-4-2008

اثناء قيادتى للسيارة (ريجاتا 85، عادت للونها النبيتى بعد ان تعافت مما اصابها والحمد لله) واذ بسيارة كورية حديثة امامى تتراقص ذات اليمين وذات اليسار مؤدية فاصل استعراضى احترت فى تسميته حتى اقتربت من السيارة وعرفت ان اسمه (رقصة الفردة النايمة) حيث كانت الفردة اليمين الخلفية على الجنط تقريبا والفتاه التى تقود السيارة لا تستطيع التحكم فيها اطلاقا، اقتربت من السيارة وحاولت ان انبه قائدتها الى الكارثة التى تمارس حقها فى الوجود تحت قدميها، وهنا فوجئت بفاصل من السرسعة الغاضبة سريعة الطلقات التى لم افهم منها الكثير ينطلق من فم الفتاه، حتى تفضلت السيدة زوجتى التى كانت تجلس على يمينى بشرح ما استغلق على شخصى المتواضع فهمه من ان الفتاه تقوم بسبابى انا واسلافى واسلاف اسلافى معتقدة اننى اعاكسها، ياخويا دى مصيبه ايه دى، يعنى البعيدة شايفة نفسها منظر واحدة تتعاكس هى حره فيما تراه حتى لو كان مالوش علاقة بالواقع من قريب او من بعيد، شايفانى منظر واحد يعاكس بعد ما معظم شعر راسى وقع فدى مشكلتها، طب مهياش شايفة الست زوجتى اللى قاعدة جنبى ملئ السمع والبصر؟ يعنى هل يعقل انى هعاكس واحدة ومراتى جنبى

يا ترى دى جرعة زائدة من الغباء وللا عقدة نقص مركبة وللا جنون عظمة وللا إيه بالظبط؟

NO Way دي صعب خالص بتفكرني بواحدة كنت عرفتها من كام يوم فاتو كدة :)


على فكرة أنا من يومين كنت ماشي وزنقت عليا واحدة راكبة ١٨٠ C قمت قافل عليها خوفاً من انها تكون مش محترفة كفايه تقوم مسلمة على الرفرف التاني هو كمان وهي بتعدي
لقيتها في المراية متعصبة جداً ومصممة تعدي قمت موسع لها جت جانبي وفتحت القزاز وبتبصلي قمت قلتلها بابتسام

إيه ؟؟


عارفين ردت بعلو صوتها وقالت إيه ؟!



جتاااااااااك أوااااااا !!!!

و مشيت!!

دة أنا ضحكت ضحك ساعتها :)

ده بقى في بنات في مصر مؤدبة بشكل?
هايل


Thanks
Eng.Sherif Shaker