الموضوع: (:@:)كلمة ونص 16-4-2008

المشاركة الأصلية كتبت بواسطة حاتم سليم

عزيزى جيمينو

كان نفسى من زمان افهم صورة توقيعك

رب صدفة خير من الف ميعاد ...

:):) حصلنا الشرف يا حاتم بك

اقتباس:
أرسل أصلا بواسطة hazem_khidr
كفااااااااايه
بس مكنتش ضاربه شعرها في الخلاط كان عادي و كنت في شكري مش في محب يا احمد بيه :)

انت مراقب
انت بتتعامل مع أذكي جهاز مخابرات في العالم ......
عارفتوف أدون حازم

ب اتمني اني احظي بقابله رئيس المخابرت عن قريب لما يجي المحله :)
الفتوف يا ادون احمد

المشاركة الأصلية كتبت بواسطة onna

يا جماعة لا هى عقد ولا كلاكيع و لا جنون العظمة ... دة خوف طبيعي و غريزي فى اى بنت

مين قال بس يا onna إن الخوف غريزة فى البنت

ربنا مخلقش البنت ضعيفة ....... إحنا بتصرفاتنا اللى خلناها ضعيفة .... تربيتها على إنها أقل من أخوها و إعتبارها كائن لا يحسن التصرف و و و ...... خلاها تفقد الثقة فى نفسها .... و بقت عايشة طول عمرها طفلة محتاجة وصى عليها

لكن عمر ما الخوف كان غريزة فى البنت

تحياتى :)

تفسيرى للحصل معاك يا أستاذ سبعاوى

أولاً إما الست دى شكلها وحش .... فبتبقى عندها شعور بالنقص ... و تحس إن كل الناس بيعاكسوها

أو حد عاكسها قبل كده و سبب لها مشكلة .... فبقت مرعوبة و هى ماشية و خايفة من أى حد بيبصلها


و على فكرة معظم الستات فى مصر بقوا كده بيخافوا من أى رجل .....

يعنى مرة كنت راكب مينى باص و جنبى واحدة قد أمى يمكن و لا أكبر ..... المهم كان كتفى لازق فى كتفها لأن الكراسى ضيقة ....... بس أنا مكنتش واخد بالى من الموضوع ... عادى يعنى ..... لقيتها بعد شوية عمال تلزق فى الشباك مش ناقص غير تنط بره الأتوبيس و عماله تقول توء و أوفففف
أنا مفهمتش بصراحة .... فكرتها إتأخرت على شغلها و لا حاجة ..... بس فجأة لقيتها بتقوللى ممكن تبعد شوية !!!!
أنا إتصدمت بصراحة ..... مش عارف ليه الناس بقت مرعوبة من بعضها

طبعاً وشى إحمر و إخضر ..... و لقيت نفسى لا إراديا بقولها ... أنا أسف لو كنت ضايقتك بس إنتى زى والدتى و مش عارف إيه اللى خلاكى تفكرى كده ..... طبعاً هى إتكسفت.... و نزلت من الأتوبيس قبل محطتى عشان مسببلهاش إحراج ...

بس طبعاً هى معذورة .... الشباب و الرجالة فى مصر بقى تفكيرهم وحش قوى و سلوكهم زى الزفت.

ايه يا اخوانا؟ هو انت اما صدقتوا و لا ايه؟

خفوا شوية على البنات و السيدات يا سادة الله يكرمكوا عشان انتوا أصلا يا رجالة سبب الرعب اللي احنا فيه ده اللي ساعات بيسبب لنا أعراض بتسموها انتوا غباء مستحكم و عته مغولي :o

انتوا ما تعرفوش الواحدة و هي في الشارع بتتعرض لإيه من الرجال.. طبعا مش باقول ان حد من اللي هنا بيعمل كده.. انما برضه لو الستات في الشارع جالها هسهس من اي حركة من أي راجل فهو بالتأكيد مش من نفسها.. و لا ايه؟