شكرا جزيلا اخى singary2010 طيب هو الفتيس بياخد كام لتر بالظبط
وهل ينفع اساسا انه يتحطله اكتر من سعته ؟
وايه الحكمه او الفرق بين انى احط الزيت من الطبه اللى فوق اللى فى نص ا لفتيس او يتحط من الطبه اللى تحت
وايه رايكم فى الاضافات اللى ممكن تبقي مع زيت الفتيس stp oil treament
وايه موقف دقرة العصايا فى النقل ؟
وشكرا جزيلا
لا شكر على واجب يا وائل باشا الكميه اللى حططها عندى حوالى 2 لتر الا حاجه بسيطه يعنى الراجل فضى العلبتين كل علبه لتر من غير ما يصفى اللى فى العلبه وده كل اللى اعرفه غير كده يبقى هفتى وضرب اسياخ (هسيخ )
سيخ براحتك يا باشا ههههههههههههه
كفايه اهتمامك الغالى ده تسلم يارب
وكل عام وانتم بخير
على فكره العريش بلد جميله جدا أنا كنت هناك خميس وجمعه وسبت بس فيها شوية حاجات كده ناس بتتثبت ويتاخد منها العربيات صح يا صديقى ولالا ( عائلة الفواخريه )
العريش نورت بوجودك وهي فعلا طبيعة ساحرة بس الحلو ما يكملش والصراحة حكاية التثبيت دي شغالة ليل ونهار من الفواخرية وقبائل البدو وسرقة محلات وشقق وخطف بنات وضرب نار بالآلي ولغاية دلوقتي الشرطة والجيش موجودين لكن مش قادرين عليهم ربنا يسترها .
ياريت تكرر الزيارة مرة تانية.
ماهو سبب الإحساس بخشونة أثناء الضغط على دواسة البنزين وعلى جميع السرعات؟ أقصد الشعور بترميل بدواسة البنزين؟
ارجو الإفادة ولكم جزيل الشكر.
بسم الله الرحمن الرحيم
اولا: هتبص على الدواسة هتلاقي وراها حاجة زي السوسته دي ممكن تكون بايظة هتدوس بايدك على دواسة البنزين لو عملت صوت من السوستة يبقى العيب فيها .
ثانيا: افتح الكبوت وبص تحت عمة الهوا من ناحية الشمال هتلاقي وير مربوط في حاجة حديد هتحركها بايدك ناحيتك وشوف اذا كانت خفيفة في الحركة ولا لأ واتاكد ان مسار الوير حر الحركة .
جرب كدا وانا تحت امرك.
الشرطه فى العريش ليس لها وجود لان الجيش هناك بيحمى الشرطه وانا شفت ده بنفسى مثال لذالك مكتب شرطة السياحه الخدمه اللى عليه من بره جيش ومثال تانى نادى الشرطه واقف عليه خدمه جيش
الشرطه فى العريش ليس لها وجود لان الجيش هناك بيحمى الشرطه وانا شفت ده بنفسى مثال لذالك مكتب شرطة السياحه الخدمه اللى عليه من بره جيش ومثال تانى نادى الشرطه واقف عليه خدمه جيش
عندك حق الجيش عندنا بيحمي الشرطة و بكدا الشعب يحمي نفسه لان الناس ما بتحبش الشرطة ولو شافوا عسكري او ظابط شرطه يقوموا ضربينه وممكن يطخوه بالسلاح .
يا حضرات بقالى مرتين امون العربيه وافولها والمؤشر مش بيرفع للنهايه شويه يرفع وشويه ينزل للنص الكلام ده حصل فى غصون 4 دقائق مشى بالعربيه من بعد خروجى من البنزينه قلت يمكن يرفع كمان شويه ولا الدموع ولا كأنى مونت بنزين المشكله انى كنت مسافر مشوار طويل جدا حوالى 370 كيلو متر وكل شويه ابص على المؤشر الاقيه فى النص اخاف طبعا للعربيه تقطع بنزين فى الطريق فهل العيب عوامه ولا مؤشر ؟؟ مع العلم ان اللمبه بتاعت البنزين بتنور مظبوط لانها نورت ومشيت بيها 30 كيلو وبعدها مونت 37 لتر يعنى كان لسه فيها بنزين
لو المؤشر ما بيحسبش القراية صح يبقى عيب عوامة فمن الممكن انك تفكها وتنضفها كويس او تغيرها لكن المشكلة انك لو بتحط بنزين 80 كل تفولتين او تلاته هتلاقي المؤشر بدأ يخرف علشان كدا انا عندي بفك العوامة وانضفها كويس بلاقي القراية ظبطت .
جرب كدا وان شاء الله تظبط معاك .
المفضلات