معلش فى استفسار ولو حد واجه المشكلة دى او عنده معلومة يقولى اعمل ايه لما باشغل التكييف..بلاقى مع الوقت مؤشر الحرارة بيزيد واسيبه يفضل يزيد واطفيه يرجع تانى للنص عادى..واجربت تانى ونفس المشكلة انا كنت بشغل التكييف فى الشتا كل اسبوع عشان ميبوظش والتكييف بيسقع ممتاز من غير كمان ما احرك المؤشر للاخر
وكمان العربية مبتسخنش لو انا مشغل التكييف باليل انما بالنهار فى عز الضهر فى الجو ده حصل اللى حكيت عليه..يعنى الموقف مش تقليدى روحت للميكانيكى وظبطلى التاكيهات عشان نعالج موضوع السخونة وبرضه مازالت المشكلة قائمة والسخونة زى ماهى والمؤشر على اكتر انهارده وانا مشغل التكييف والعربية طلعت دخان من الكبوت واول ماطفيت التكييف المؤشر ابتدى ينزل بالتدريج لحد النص اللى هو الطبيعى بتاعه ووصلت البيت وركنت وشغلت التكييف لقيت المروحتين شغالين بتاعت التكييف والريداتير عادى وجربت كذا مرة ومش بيعلقوا خالص وانا حاطط مية خضرا موبيل من كام شهر وبزودها ميه مقطرة دايما والمية مش بتنقص
علما ان فيه نقص زيت عندى يعنى تلات اربع المؤشر زيت وانا عارف كده بس لسة مغيرتس الزيت بصراحة فمش عارف نقص الزيت يسبب السخونة الفظيعة دى ولا فى حاجة تانى ارجوكم افيدونى بجد انا مضايق اوى لانى عملت كل حاجة ومش عارف اعمل ايه تانى
غيرت ميه الريداتير موبيل شهر 12 وبزود ميه مقطرة وكنت بشغل التكييف فى الشتا كل اسبوع عشان ميبوظش الفريون بتاعه والمروحتين التكييف والريداتير شغالين كويس جدا وظبطت التاكيهات وبرضه المشكلة موجوده مش عارف المشكلة فين والحل ايه
الضغط على دواسة الدبرياج على آخر مشوار الدبرياج للأسباب التاليه
1- سهولة الدواره
2- تخيف الجهد المبذول من مارش المحرك فى أدارة المحرك
وبالتالى الحفاظ على حيوية المارش
3- تقليل الفقد الناتج من جهد البطاريه لحظة الدواره وبالتالى أطالة عمر البطاريه
لأن أقصى لحظه ذات تأثير مباشر على عمر البطاريه هى لحظة سحب المارش
للأمبير من البطاريه وبالتالى فأن تخفيف حمل المارش يعنى الحفاظ على بطاريه
تدوم لعمر أطول
4- تجنيب الدبرياج أى آثار سلبيه نتيجة وجوده فى مجموعة الدوران لو لم تقم بفصل
الدبرياج بالضغط على الدواسه
5- الحد من تكرار محاولات الدواره وبالذات فى الأجواء البارده
6- تسهيل عملية تعويم عمود الكرنك على كراسيه لحظة الدواره
وبالتالى الحفاظ أكثر وأكثر على سبائك عمود الكرنك
دول مجموعة مميزات ليست بالبسيطه
لمن يعتاد على فصل الدبرياج لحظة الدواره
منقول للافاده
كلام جميل كلام معقول مقدرش اقول حاجة عنه هههه ربنا يباركلك ومع الاحترام الكامل لفكرة فصل الدبرياج احنا مش هنبقي احسن من المصمم واثبات ذلك كما هو موضح بالاعلاة دي حتي ميزة واخيرا تحياتي للفكرتين عشان الاكسلاويا علي طول حبايب ومش حتت دبرياج هو الليي هههههه
كلام جميل كلام معقول مقدرش اقول حاجة عنه هههه ربنا يباركلك ومع الاحترام الكامل لفكرة فصل الدبرياج احنا مش هنبقي احسن من المصمم واثبات ذلك كما هو موضح بالاعلاة دي حتي ميزة واخيرا تحياتي للفكرتين عشان الاكسلاويا علي طول حبايب ومش حتت دبرياج هو الليي هههههه
هههههههههه
ولا حتى االموتور كله ازاى بقا
ايديكم معانا :-
1- دقرة فى النقلات وتقل فى العصايا
2- ونه خفيفه ع الاول والتانى مع صوت حشرجه كده بيروح لما تدوس دبرياج
3-العربيه بتغيب فى الدوارة لما بتكون سخنه وتفصل وتيجي تشغلها تانى
شكرا جزيلا
اشكرك استاذى العزيز لاهتمامك بموضوعى بس المؤشر عند حضرتك بيفضل على ال c مبيوصلش للربع او النص وانت مشغل التكييف؟؟؟كده العربية بارده جدا -فين حساس التحكم فى سرعة المراوح؟؟ -معلش سؤال غبى شوية..هى السربنتينه دى اللى هى المروحة اللى جنب مروحة الريداتير ولا حاجة تانى؟؟ -طب انا فيه ناس قالتلى فى الصيف شيل الثرموستات وهتلاقى العربية ممتازة جدا ومبتسخنش..صحيح دا ولا غلط؟؟ -وانى كمان اخلى المراوح تشتغل عندى بزرار فى التابلوه ياترى ده حل عملى؟؟؟ منتظر الرد وشاكر مجهودك
الشكر لله دا واجب علينا -انا عربيتي 1300 c.c والمؤشر والتكييف شغال ما بيعلاش خالص يادوب فوق ال c بحاجه بسيطه اما من غير تكييف بيوصل الربع وبعد كدا مراوح التبريد تشتغل وعمره ما وصل النص . -ومكان الحساس معرفهوش بس الكهربائي قالي ان المراوح سرعتين وانا شوفتها متوصله بكتاوت ورا الفانوس اليمين . -والسربنتيه بتبقى قدام الريادتير ورا الشبكه علطول وهي شبه الريادتير بس اصغر ووظيفتها تبريد الفريون. -الترموستات بتاع الميه اللي بيكون عند الكوع دا غلط تشيله طبعا لان بيتحكم في تسخين العربيه وهي بارده عن طريق انه يوقف حركة الميه ولما تسخن بيبدأ يسمح للميه انها تتحرك علشان تبرد الموتور والصح انك تتأكد انه شغال ولا عايز يتغير . - المراوح اصلا شغاله عند حضرتك لما قولت انك شفتها وانت مشغل التكييف لكن الفكره في سرعة التبريد بس ومفيش أي مشاكل في تشغيلها ومن رأي ان حضرتك تروح لكهربائي كويس يكشف على توصيلات المروحة ويتأكد انها شغاله على كل السرعات ولو قدرت تروح لميكانيكي يكشف على ترموستات الميه لكن الافضل ان حضرتك ما تشيلوش . الله المستعان وربنا يوفقك وتتصلح ان شاء الله .
اشكرك استاذى العزيز لاهتمامك بموضوعى
بس المؤشر عند حضرتك بيفضل على ال c مبيوصلش للربع او النص وانت مشغل التكييف؟؟؟كده العربية بارده جدا
أخي الفاضل السربينتينة دي لاحمة مع لراديتير في مقدمة السيارة ورا السدر مباشرة يعني هي راديتير بس خاص بالتكييف
واما عن ازالة الترموستات فمع احترامي دي فتوى غلط جدا وانت مش محتاج لمفتاح يدوي لتشغيل المروحة طالما الترموستات سليم الكلام ده في ال 128 بس لانها بتسخن باستمرار
-فين حساس التحكم فى سرعة المراوح؟؟
-معلش سؤال غبى شوية..هى السربنتينه دى اللى هى المروحة اللى جنب مروحة الريداتير ولا حاجة تانى؟؟
-طب انا فيه ناس قالتلى فى الصيف شيل الثرموستات وهتلاقى العربية ممتازة جدا ومبتسخنش..صحيح دا ولا غلط؟؟
-وانى كمان اخلى المراوح تشتغل عندى بزرار فى التابلوه ياترى ده حل عملى؟؟؟
منتظر الرد وشاكر مجهودك
المفضلات