الموضوع: والحل ايه مع الشرطه

ما شاء الله موضوع بسيط وهوب بدا الهجوم علي الضباط ايه نار يا حبيبي نار
طيب ايه اللي ياكد كلام حضرتك
وهل اللي قال الكلام دا وزير الدخليه شخصيا ولا احد مساعديه ولا مين يعني في ترتيب قيادات الداخليه
طبعا ولا حد من الناس دي
مجرد اشاعه وهوب نبدا في الشتيمه في الشرطه
حضرتك نصيحه مني ما تسمعش لحاجه غير لما تكون من مصدر موثوق
وبعدين طيب ما الفميه شغال زي الفل يا راجل دا يوم 8 او 9 فبراير والله العظيم بتاع الفميه كان شغال اكتر من محلات الفول والطعميه
وتقولي ظباط
ومعلش بلاش نغمه اصل الحر والبهدله
انا مش عايز اتكلم والله العظيم بقت غرف نوم متحركه
بالله عليكم سيبكم بقي من الكلام اللي لا يودي ولا يجيب
يا سيدي لو الظباط هيركبو فاميه مصر كلها الحمد لله شبابها ركبوه خلاص يعني هما هيقلودونا مش العكس

ابقي اقنع الالوف اللي ركبت فاميه تشيله قبل ما تتكلم علي الظباط ولا الاخ اللواء العجيب اللي بيوصيهم انهم يحددو هويتهم علشان الناس تتعمد تحتك بيهم ويحصل ليهم مصايب

المشاركة الأصلية كتبت بواسطة misoalex

ممممممممممممممممممم

يقولو للظباط فيمو

وينزلو بلجان تشيل فاميه من عربيات الشعب

يبقى ده اسمه ايييييييييه
حد شاف اللجان اللى بقت واقفه تعمل مخالفات وتشيل الفاميه من عربيات الشعب

مع انه من حقنا وكان مسموح بيه زمان

كل يوم بتأكد ان من اول يوم وزير الداخليه ده من ساعه ممسكها وهى حتخرب اكتر

ده بيدير البلد بنفس النظام السابق + انه نايم فى العسل وسايب البلطجه والحشيش والسلاح ومش عاوز يعمل حاجه

حضرتك معترض علي المخالفات
وانا وكمان ايه رايك نقضيها عكسي وفاميه وزينون وكسر اشارات وطبعا الدائري نسكار اللي بقي موجود كل يوم بس ما نعيطش يوم ما نفقد عزيز بسبب حدثه ونقول هيه الشرطه فين
الشرطه هتعمل ايه واحنا عايزينها فوضي

المشاركة الأصلية كتبت بواسطة tamer_a7

ما شاء الله موضوع بسيط وهوب بدا الهجوم علي الضباط ايه نار يا حبيبي نار
طيب ايه اللي ياكد كلام حضرتك
وهل اللي قال الكلام دا وزير الدخليه شخصيا ولا احد مساعديه ولا مين يعني في ترتيب قيادات الداخليه
طبعا ولا حد من الناس دي
مجرد اشاعه وهوب نبدا في الشتيمه في الشرطه
حضرتك نصيحه مني ما تسمعش لحاجه غير لما تكون من مصدر موثوق
وبعدين طيب ما الفميه شغال زي الفل يا راجل دا يوم 8 او 9 فبراير والله العظيم بتاع الفميه كان شغال اكتر من محلات الفول والطعميه
وتقولي ظباط
ومعلش بلاش نغمه اصل الحر والبهدله
انا مش عايز اتكلم والله العظيم بقت غرف نوم متحركه
بالله عليكم سيبكم بقي من الكلام اللي لا يودي ولا يجيب
يا سيدي لو الظباط هيركبو فاميه مصر كلها الحمد لله شبابها ركبوه خلاص يعني هما هيقلودونا مش العكس

ابقي اقنع الالوف اللي ركبت فاميه تشيله قبل ما تتكلم علي الظباط ولا الاخ اللواء العجيب اللي بيوصيهم انهم يحددو هويتهم علشان الناس تتعمد تحتك بيهم ويحصل ليهم مصايب


حضرتك معترض علي المخالفات
وانا وكمان ايه رايك نقضيها عكسي وفاميه وزينون وكسر اشارات وطبعا الدائري نسكار اللي بقي موجود كل يوم بس ما نعيطش يوم ما نفقد عزيز بسبب حدثه ونقول هيه الشرطه فين
الشرطه هتعمل ايه واحنا عايزينها فوضي

ده اللى أنا عمال أتكلم فيه يعنى بدل ما نستغل الموبيلات و انتشارنا فى كل مصر فى إن إحنا نرصد المخالفات اللى بنشوفها كل يوم ....لأ إحنا نمسك الظباط و نديلهم بالجزمة علشان فيميه مصر كلها دلوقتى حطاه لأ و بالمرة نسخن الناس اللى فى الشارع عليهم و نولع فى عربيته اللى مفيمها و نجيب بتوع ميكروباصات حشاشين يضربوه أهو يطلعوا الغل اللى فيهم على الظابط و نفضل كاسرينهم قدام زبالة الشعب و نرجع نعيط و نقول فين الشرطة

المشاركة الأصلية كتبت بواسطة moe86

خلاص لو دة يرضيكوا و شايفين ان كدة بنطبق القانون يبقى ماشى
الظابط يوقفنى و يقولى شيل الفامية (الخفيف) اللى أنا مركبه و يروح يركب عربيته اللى مفيمها سوبر دارك بلاك, و أنا على السماع و الطاعة للباشا

حاجة جميلة قوى

hأكيد ميرضيش حد إن القانون لا يطبق على الكل بس برضه مش معنى كده إن الكل يكسر القانون علشان مفيش رقابة أو إشمعنا ده عامل كده ما هى لو كده يبقى كلنا نقلب عربياتنا غرف نوم و نركب زينون من غير عدسات و نعمى اللى قدامنا ....إلخ و نقول إشمعنا دول !!!!

المشاركة الأصلية كتبت بواسطة tamer_a7

حضرتك معترض علي المخالفات
وانا وكمان ايه رايك نقضيها عكسي وفاميه وزينون وكسر اشارات وطبعا الدائري نسكار اللي بقي موجود كل يوم بس ما نعيطش يوم ما نفقد عزيز بسبب حدثه ونقول هيه الشرطه فين
الشرطه هتعمل ايه واحنا عايزينها فوضي

ياريت حضرتك تكلمنى بأسلوب احسن من كده عشان انت ولا تعرفنى ولا انا اعرفك

وانا مش معترض على المخالفات بس حضرتك اللى عممت ودخلت الكل فى كفه واحده ايه اللى دخل العكسى فى الموضوع ولا حضرتك عاوز تهاجم وخلاص
واولا انا بتكلم على المخالفات بتاعه الفاميه اللى شغاله على ودنه وبالرغم من انى مش مركب فاميه بس مش عاجبنى ان يبقى وكيل النيابه او حتته امين شرطه او ظابط مفيم عربيته ويدخل على اللجنه محدش يكلمه

فين بقى التغير والثوره والقانون يتطبق على الكل
ولا ده كله كلام فى الهوا

ولو حضرتك عاوز تشكك فى كلام صاحب الموضوع براحتك بس عدى على اى قسم وشوف ادامه او حواليه عربيات الظباط وهى لسه متفيمه
امبارح قبل مشوف الموضوع ده بساعه شفت عربيه ادام باب قسم المنتزه ومتفيمه سوبر دارك
قوللى بقى سعادتك فين التغير

ومتقوليش الحل انك تصورها وتبعتها للجه اللى مش عارف فين
لا سعادتك مش هو ده الحل
لو الباشا اللى عمل كده عارف انه حيتحاسب مش حيعمل كده
واهو صاحب الموضوع بين الحكايه وما فيها وانهم واخدين اوامر
صباح التغير

المشاركة الأصلية كتبت بواسطة x_gomgom

الموضوع دا مش عشان مستشار ولا ظابط بيفيم.....
الناس كلها بتفيم الايام دي حتي سواقين التاكسي و الموضوع مش منصب الموضوع هو انعدام الاحساس و السؤليه تجاه تطبيق القانون (و بلاش نقول الخوف من العقاب علشان المفروض ان احنا ناس مثقفه و ان الناس اتغيرت) و صدقوني والله الموضوع اكبر من الفاميه او زينون الموضوع ان المفروض كل واحد فينا يبتدي يغير من نفسه لاحسن و بلاش كلمه اشمعني فلان و اشمعني علان الكلمه دي هي اللي بوظت الدنيا (ونسيت كلمه معلش).....
و عايز اضيف كلمه اخيره الناس كلها مش وحشه و صوابع اليد الواحده مش زي بعضها و يا ريت بلاش نجمع في ظن السوء...
تقبلوا مروري

حضرتك لو متكلمناش على سلوك الناس اللى مش عاوزه تتعدل فى الوقت ده يبقى مش حتتعدل طول العمر

عنجهيه وتكبر الظباط وكلاء النيابه مازال موجود ولو فضل الامر على ما هو عليه يبقى محدش يتكلم على التغير بعد كده عشان احنا اللى ضيعنا حقنا بالسكوت