الموضوع: رعشة غريبة فى الايبيزا الصبح

طالما طقم الكهرباء بالكابلات والموبينه عندك مضبوط
و طالما البوابة مضبوطة ونسبة الهواء في السلانسية مضبوط (التاكيهات في الكاربيراتير)والعربية أدائها مافيش فيه اي مشكلة لما بتسخن
طالما لما درجة الحرارة في الصيف لا تقل ليلا عن 15 الي 20 درجة مئوية بتلاقي العربية الصبح مضبوطة ولا تحدث هذه الرجرجة

طالما قواعد الموتور جميعا بحالة جيدة

تبقي كده المشكلة دي من وجهة نظري استهلاك طبيعي بميكانيكا المحرك الداخلية وظاهرة طبيعية بسبب قدم المحرك وكثرة سنين تشغيلة وفي نفس الوقت أيضا ومن اهم الأسباب هو استخدام زيوت محركات أقل جودة و أقل مواصفات من الموصي به من الشركة المصنعه
وياريت لو حد عنده مناقشة معايا في كلامي يقلي عشان انا ملاحظ لكل هذه الأشياء علي مدار ثلاث سنوات من عربيتي
والله الموفق

المشاركة الأصلية كتبت بواسطة windsofchange

طيب الموضوع ده شاكك ان له علاقة بحساس زي حساس الايدل (راكب في كوعه المياه قصاد مروحة الردياتير) لأنك المفروض لما تدور فالجو البرد يرفع معاك ال rpm ل1,2 او 1,4 وكل مالجو يسقع بيرفع ال rpm طالما سليم عندي كان بايظ وقري بالسالب لما كشفت كمبيوتر قري -70 كان خربان وكانت العربية بتدور بالعافية وانا دايس بنزين كمان مع انها انجيكشن مش كربيراتير والمرش كان بيدور بزيادة وتعب عليه وبتدور علي rpm ,5 وتترج جامد والجو مش برد يعني درجة حرارة30 فكشف الكمبيوتر مش هيخسر والحساس مضروب ب90 جنيه واصلي من الشهابي ب245 جنيه جبت ابو90 بيقرا علي 98 مش 90 زي الاصلي دي تجربتي وان شاء الله تكون بخير يا بشمهندس ايهاب :)

غيرته من زمان ولم يغير شيء رغم انه لم يكن يعطي قراءات غلط عند الفحص بالكمبيوتر ولكن من باب سد الشبهات
ههههههههههههههه
هل من جديد

المشاركة الأصلية كتبت بواسطة windsofchange

هههههههه طيب نفكر مع بعض ال rpm عندك الطبيعي بتاعه فالسلانسيه بعد ماتسخن بيبقي علي كام؟ وهل لو اديتها الاول بتمشي من غير ماتدوس علي دواسة البنزين سلانسيه كده وما بتبطلش؟ مش عارف ممكن يكون ظبط الاسبيراتير؟ او الموبينه ضعيفة بس ماعتقدش يا شغالة يابايظة؟ ولا ايه؟ بوجيهات 3 شمعة ولا واحد انا بستخدم 3 شمعة بس بيركبلله واحد لكن لأن الواحد مبيجبش او مبيلاقيش النوع المظبوط يبقي الافضل 3 شمعة ولا ظبط خلوص ولا تعب تركب علي طول....ممكن تجرب الكنترول بتاعي بس مادام مطلعش ايرور فكشف الكمبيوتر نستبعده بس لو حبيت اهو موجود نوعه بوش اللي عندي بتاع موتور aer,طيب رحت لكهربائي زي رشاد مثلا ؟

ايوه بتمشي علي السلانسيه من غير ما تبطل
وبستخدم بوجيهات ثلاثة شمعه من يوم ما جبتها وبغيرها بانتظام وبشتريها من ناس مضمونه
الموبينة ما أعتقدش
الكنترول مافيش فيه مشكلة
ولكن كان حصل معايا في فترة كده شوية لخبطة وكان السبب في البوابة وانا عارف عيبها وعارف بيتعمل ايه وامتا عشان كده انا واثق ان المشكلة دي الصبح مش سببها البوابة خالص او يمكن تكون هيا ولكن انا مش حابب اغيرها لأن الاستيراد بيبالغو فيها جدا في السعر وكمان انا مش متأكد انها هيا لأن العيب غير ثابت يعني بيروح وييجي لكن ممكن الله أعلم
وكمان سألت عليها لقيتها قليلة جدا ومش موجودة وكمان عشان السبب طاريء فبكبر دماغي لأن العربية لما بتمشي زي الفل ولا توجد أدني مشكلة فخلاص مش مشكلة موضوع الصبح ده اصبر عليها دقيقة فقط تسخين وبس
انا مبروحش لكهربائية زي رشاد لأني غير مقتنع بحد منهم أساسا وبعدين انا أساسا شغل الكنترول والحساسات من صميم شغلي بفضل الله فهروح ليه يخنق عليا ليه ويجرب في العربية
وده مش تكبر والله ولكن من تجارب لزملاء سابقين مع شيوخ الصنعه اللي زي رشاد دول وغيرهم و أكثر شغلهم عك في عك واهم حاجه عندهم الفلوس وليس الأمانه والضمير والله أعلم
مش كده ولا ايه ؟

والله المستعان