إربة الماية بتفور و بتنزل معظم الماية كل يوم ... مش عارف أعمل إية ؟؟

**kemoelord** · 19-04-2008 07:32 PM

شكراااااا يا استاذ محمد
هو فين ابو الحسن ده ؟

**MMamdouh** · 19-04-2008 07:53 PM

بين السرايات بالجيزه

MMamdouh

**Sherif Khalifa** · 19-04-2008 11:09 PM

غطاء اوبل كورسا الرفيع = 20 جم
شغال معايا من الصيف الى فات كويس الحمد للة
لو لسة فى تنفيس و تسريب بعد تغير الغطاء اكشف على الردياتير و نظفة علشان ممكن يكون مسدود و المياة الساخنة بترد فى القربة تانى

19-04-2008 11:17 PM

الردياتير لو مسدود للدراجادى.او فى مشكله فى دورة الماء..كانت العربيه هتوللع من السخونيه......والحراره عنده ماشاء الله زى الفل

ربنا يستر و مايكنش جوااااااااااااااااااااااا ااان وش السلندر

**islamkhidr** · 20-04-2008 05:26 AM

المشاركة الأصلية كتبت بواسطة Sherif Khalifa

غطاء اوبل كورسا الرفيع = 20 جم
شغال معايا من الصيف الى فات كويس الحمد للة
لو لسة فى تنفيس و تسريب بعد تغير الغطاء اكشف على الردياتير و نظفة علشان ممكن يكون مسدود و المياة الساخنة بترد فى القربة تانى

شريف باشا إزيك :)

أنا فعلا جبت غطا الأوبل الرفيع والحمد لله طلع كويس

أخدت الغطا وروحت للتوكيل فى ناس صحابى هناك أخدو هوا القربة والحمد لله كل شيء إتظبط

**islamkhidr** · 20-04-2008 05:28 AM

المشاركة الأصلية كتبت بواسطة FLYINGPEUGEOT

الردياتير لو مسدود للدراجادى.او فى مشكله فى دورة الماء..كانت العربيه هتوللع من السخونيه......والحراره عنده ماشاء الله زى الفل

ربنا يستر و مايكنش جوااااااااااااااااااااااا ااان وش السلندر

فلاينج باشا

أنا أشتريت غطا الاوبل زى ما قولتم و الحمد لله طلع كويس وأخدت الهوا وكلة إتظبط

شكرا ليك كتير وربنا يستر على جوان وش السلندر إن شاء الله خير

**ahmedezzat78** · 21-04-2008 05:54 PM

المشاركة الأصلية كتبت بواسطة islamkhidr

فلاينج باشا

أنا أشتريت غطا الاوبل زى ما قولتم و الحمد لله طلع كويس وأخدت الهوا وكلة إتظبط

شكرا ليك كتير وربنا يستر على جوان وش السلندر إن شاء الله خير

خدت هواء ازاى اسلام باشا؟

**kemoelord** · 21-04-2008 06:40 PM

انا يا جماعه لاقيت الاربه الجديدة ال GM ومكتوب عليها " Made in korea "
بــ 100 ج وكده تمام بفكر جديا اني اجيبها علشان استريح من نقصان الماء وخصوصا في الجو الحر ده , فدلوقتي يا جماعه انا عاوز اعرف حاجه ايه الفرق بين الماء الخضراء الي بتتباع مثلا في السوبر ماركت زي ( اسبنس او كارفور ) وبيبقى
بـــ 13 ج وبين الماء الخضراء الي موجوده في محطات البنزين الي بيبقى فيها خدمات ويجي العامل هناك يقولك لو هتزود ماء خضراء بتبقى بــ 40 ج تقريبا ده غير طبعا غسيل الردياتير ؟؟!!!!! لان لو ما في فرق الواحد يشتري الماء الخضراء ويزودها في اي محطه ,,,,,, وشكرا

**islamkhidr** · 21-04-2008 11:33 PM

المشاركة الأصلية كتبت بواسطة ahmedezzat78

خدت هواء ازاى اسلام باشا؟

أهلا أهلا يا أبو عـــمــــر :)

شوف يا سيدى أنا إشتريت الغطا وطلعت على التوكيل على طول فى واحد صاحبى هناك قالى هاتلى الغطا و انا أظبطلك الموضوع

هوة إستنى شوية لما العربية بردت حوالى نص ساعة كدة وبعدين فتح الغطا القديم

بعد كدة دور العربية واستنى لما المروحة إشتغلت

بعد كدة فك خرطوم اللى داخل فى الرادياتير من فوق هاتلاقية جمب الفانوس الشمال اللى نحيتك يعنى

وبعدين قعد يزود ماية فى القربة و من الناحية التانية ( من ناحية الخرطوم اللى إتفك يعنى ) الماية تطلع وفيها بقاليل هوا

فضل يزود ماية ويزود بنزين علشان تسحب الطرمبة بسرعة لغاية أما الماية اللى بتقطع من مكان الخرطوم اللى إتفك بقت مظبوطة مافيهاش هوا يعنى نازلة على طول مش بتقطع راح مركب الخرطوم تانى مكانة وهية شغالة على فكرة العربية مش بطلها

وبعدين زود ماية فى القربة لحد فوق النص بشوية صغيرة وقفل الغطا الجديد كويس

بس دة كل اللى حصل و الحمد لله مافيش تسريب خالص ومافيش كركرة فى القربة

و أنا فى الخدمة دايما يا أبو عــــــمـــــر :)