الموضوع: اعتداء ضابط جيش على سيارتى وعلى اهلى "حسبى الله ونعم الوكيل"

علي فكرة الظابط دة حاجة من اتنين


1- حيحاول يعتذر ليك انهاردة ويلم الموضوع ( دة لو كان محترم ) - ساعتها اقفش في حقك ومتسيبوش

2- الظابط دة عايز يخرج من الجيش وبيفتعل اي مشكلة للخروج ( ودة احتمال ضعيف بس وارد ) - ساعتها بقي اتنازل وذلة وخليه قاعد في الجيش - ههههههه



لازم تاخد حقك - مش حنصلح البلد لو كل واحد فينا قال حصل خير

المشاركة الأصلية كتبت بواسطة heshamzaky

والدتك تروح معاك و اكيد من المنظر العام الى بيحقق بيكون لة وجة نظر فى الشخص الى أمامة و بيحس أذا كانت القصة سليمة و لا ملفقة . بص أنت مش معاك رقم سيارتين الجيش أو السيارة الى جة فيها دة مهم جدا جدا أطلب و بكل ثقة و قول الدليل رقم السيارة التى قام بواسطتها بعملية الهجوم هى رقم كذا .... و برجاء مراجعة و مواجة أفراد القوة التى كانت برفقتة يعنى بالبلدى كدة أى سيارة بتطلع من أى وحدة بيكون الى سايقها عسكرى مجند من حاجة أسمها الحملة يشوف أوامر التحرك كانت من الساعة كام الى الساعة كام و بمراجعة دفتر سير و تحركات السيارة حا يتم التصديق على صدق روايتك و تذكر بالتحديد عدد أفراد القوة التى كانت برفقتة يعنى كام عسكرى بالعدد و عددهم كام من غير السائق . و ممكن تذكر نوع الاسلحة لو كنت قدرت تميزها الى كانت معاهم . و لو قدرت تخبط على أى حد من الجيران و تشرح لة الموقف و تطلب حضورة معك كشاهد تبقى عرفت تصطادة صح الصح

المشاركة الأصلية كتبت بواسطة heshamzaky

لو ثبت أنة خرج من وحدتة بدون أمر تحرك و كان معاة سلاح و دة ممكن أثباتة بأن التحربات حا ترجع لحاجة أسمها دفتر الاحوال يعنى حا يشوفو العربية دى خرجت من الوحدة الساعة كام و رجعت الساعة كام دة بالاضافة الى أنهم أذكياء حا يرجعو لدفتر الاحوال بتاع ال ((( سلاحليك ))) يعنى مخزن السلاح و الذخيرة الى فى وحدتة لان كل سلاح بيطلع من مخزن السلاح لة رقم و أى فرد بيتسلم سلاح بيبقى برضو مثبوت فية يوم و ساعة أستلامة للسلاح بالرقم الى على السلاح و عدد الذخيرة يعنى كام خزنة بكام طلقة . دة شغلهم هما حا يعملوة لو دة ثبت علية حا ياخد جزاء جامد جدا جدا و ممكن يتحول الى محاكمة عسكرية أذا ثبت تورطة بالفعل فى ذلك و ممكن ياخد لفت نظر جامد جدا و ممكن يخرج من الخدمة بسبب هذا الموضوع و يتأذى فى ترقياتة

المشاركة الأصلية كتبت بواسطة heshamzaky

لو أخدت بالك أنا قولت لك أطلب بمنتهى الثقة المواجة مع أفراد القوة الى كانت برفقتة يعنى العساكر و السائق الى كان معاة و قول لبتاع التحريات أكيد يا فندم حضرتك تقدر تعرف أسمائهم و تحركاتهم من الوحدة و مواجهتهم بالموضوع كدة حا يفهم انك فاهم و حا يتعامل مع الموقف بحذر شوية. و ممكن تقول للمحقق أنك سمعت أن بعض الجيران صورو الواقعة تقريبا و قالو حا يرفعوها على النت بس انت مش متأكد و حا تحاول تشوف الفيديو دة من حد يكون صورة من البلكونة . الظابط لو سمع الكلام دة حا يجر معاك ناعم و حا يحاول يعمل صلح معاك و الموضوع يتلم

المشاركة الأصلية كتبت بواسطة heshamzaky

الرد لو هو قال أنك بتتحرش بأهلة أو ذوية هل حتى لو هذا صحيح هل يسمح لافراد القوات المسلحة التهديد و أثارة الرعب بين المواطنين المدنين العزل و ذلك بأستخدام مهمات عسكرية متمثلة فى أسلحة نارية و مركبات عسكرية . قول كدة للمحقق و قولة يجيب أخت الظابط لمواجهتها لو الظابط عندة شوية دم مش حا يكمل المشوار دة لان أختة حا يتم استدعائها للأدلاء بأقولها و دة حا يجننة و مش حا يعمل كدة على فكرة ألعب على النقطة دى

المشاركة الأصلية كتبت بواسطة heshamzaky

فى أنتظار عودتك و موافاتنا بالاخبار

تسمحلى ارفعلك القبعه أستاذ ورئيس قسم