اعتداء ضابط جيش على سيارتى وعلى اهلى "حسبى الله ونعم الوكيل"

**heshamzaky** · 28-04-2011 02:30 AM

المشاركة الأصلية كتبت بواسطة blazer

شكرا يا باشا
بس انا هنزل غمره واكمل للعباسيه
هحود شمال عند فين
يعنى هوصل لمسجد النور ؟ ولا فين
معلش انا اصلى عارف الطرق بس مش عارف اسامى شوارع خاااااالص للاسف
وهل هطلع كوبرى القبه ولا من تحته؟

حلو حا توصل لجامع النور الجامع على شمالك حا تعدى طوالى و غصب عنك حا تحود شمال شوية صغيرة و حا تلاقى فوقك كوبرى و جامعة عين شمس حا تبقى على يمينك كمل 500 متر حا تلاقى أشارة هى دى كوبرى القية و الكوبرى قاطع الطريق بالعرض ملكش دعوة كمل زى ما أنت بعد ما تعدى من تحت الكوبرى حا تلاقى حاجات عسكرية الكلية الفنية العسكرية يمينك كمل بعدها بشوية حا تلاقى الشرطة العسكرية اسأل أى حد حا يدلك بسهولة جدا

**ahmed1981** · 28-04-2011 02:32 AM

بالمرة إبعت نسخة من الشكوى إلى الأمانة العامة للقوات المسلحة

الأمانة العامة للقوات المسلحة زي الرقابة على الجيش
ولما كان حد بيقدم فيها شكوى كانت بتتعرض على المشير شخصياً
والظابط المشكو في حقه كان بيرتعش بصدق
ولو مشيت الشكوى يبقى الظابط ده أمه داعية عليه

فياريت تروح تسلم فيها شكوى لو قدرت

لأن لو الكلام اللي حصل ده صح
يبقى الظابط ده لازم يتربى تربية تمام ويتعمل الفضيلة