اولا انا مش هعلق ع اسلوب حضرتك في الكلام معايا لأن انا موجهتش ليك كلام بقول ياللي و ياللي و انت اشتريت و مشترتش
ثانيا احنا بنقول بنحترم اماكن بعض احنا ناس بنتعامل مع احترام مع بعض و كل شخص بيحترم المكان اللي التاني بيركن فيه ذوقيا مش موضوع اشتريتها يمكن حضرتك مفيش الكلام ده في منطقتكم لكن عندنا اه الناس متعاونة
و لا حضرتك فاكر ان كل الناس اتفقوا ع الا يتفقوا
و بالنسبة بدافع و الكلام ده لو حضرتك حد كلمك بقلة ادب و وقاحة و عايز يمسك فيك و يضربك و حضرتك بتكلمه بهدوء و ذوق و بتستأذنه ساعتها ابقي وريني هتتعامل معاه ازاي
شوف لما عربيتك تتخبط و تتبهدل مرة صاج و مرة اكصدام و كل شوية تصلح بسبب الموضوع ده ساعتها هيكون رد فعلك عامل ازاي
بالاضافة ان الموضوع خرج من قصة الركنة و دخل في قلة الادب مع العلم ان الشخص ده ركن قبل العمارة اللي بيدخلها ب5عماير و عندهم هناك باركينج
و شكرا ع اسلوب حضرتك
بالتوفيق لصاحب الموضوع و ان شاء الله ياخد حقه
و مع الاعتذار لصاحب الموضوع انا أسف اني رديت في الموضوع و بحاول المساعدة و لو كنت اعرف ان هيتوجهلي كلام بالاسلوب ده مكنتش رديت
بالتوفيق للجميع ان شاء الله
المفضلات